|
დასახელება:
სოციალური მუშაკი
|
| მომწოდებელი:
SOS ბავშვთა სოფელი
|
|
გამოქვეყნდა: 05 მაისი
/ ბოლო ვადა: 17 მაისი
|
ასოციაცია "საქართველოს SOS ბავშვთა სოფელი" ქუთაისის პროგრამის ფარგლებში, აცხადებს სოციალური მუშაკის ვაკანსიას.
სამუშაო ადგილი: ქ. ქუთაისი
სამუშაო განაკვეთი: სრული
საქმიანობის ძირითადი მიზანი: ზრუნვის სისტემიდან ბავშვის ოჯახში რეინტეგრაციის ხელშეწყობა და ამ პროცესში, ბავშვებისა და ოჯახების ფსიქო-სოციალური მხარდაჭერის უზრუნველყოფა და სოციალური ფუნქციონირების აღდგენა-გაუმჯობესების ხელშეწყობა.
ძირითადი ფუნქციები და მოვალეობები:
** აწარმოოს შემთხვევების მართვა შემთხვევის მომსახურებაში შემოსვლიდან, მის გასვლამდე;
** განახორციელოს ბენეფიციართან, თანადგომის ქსელთან და სხვა ჯგუფთან (თემი) ინტერვიუ და შეაფასოს არსებული სიტუაცია, სირთულეები და შესაძლებლობები იმისათვის, რომ საჭიროებების გათვალისწინებით, სწორად განისაზღვროს მომსახურების მიწოდების სპეციფიკა;
** ოჯახთან და მულტიდისციპლინარულ გუნდთან ერთად ჩამოაყალიბოს და დადგენილ დროში განაახლოს ბავშვის ინდივიდუალური მომსახურების გეგმა და განახორციელოს გეგმით განსაზღვრული ინტერვენციები;
** უზრუნველყოს ბავშვებთან, მზრუნველებთან და ოჯახების წევრებთან ინდივიდუალური და ჯგუფური მუშაობა;
** ორგანიზება გაუწიოს და/ან მონაწილეობა მიიღოს შემთხვევის კონფერენციებში და ხელი შეუწყოს დასახული მიზნების შესრულებას;
** კონსულტირება და დახმარება გაუწიოს ბენეფიციარ ბავშვებს, მათი საჭიროებებიდან გამომდინარე;
** კონსულტირება გაუწიოს მზრუნველებს დაგეგმილი ღონისძიებების შესრულებასთან დაკავშირებით;
** უზრუნველყოს ონლაინ პლატფორმის, მონაცემთა ბაზის ეფექტიანი წარმოება და შემთხვევასთან დაკავშირებული დოკუმენტაციის ეფექტიანად დოკუმენტირება;
** ეფექტიანად ითანამშრომლოს ორგანიზაციის შიგნით არსებული მულტიდისციპლინური გუნდის წევრებსა და პარტნიორი ორგანიზაციების თანამშრომლებთან შემთხვევის ეფექტიანად მართვის მიზნით.
სავალდებულო მოთხოვნები:
** უმაღლესი განათლება სოციალურ სამუშაოში
** სოციალურ მუშაკად მუშაობის 2 წლიანი გამოცდილება
** კომპიუტერული საოფისე პროგრამების ცოდნა
** წერითი უნარ-ჩვევები
** ბენეფიციარის ინტერესებისა და შესაძლებლობების გამოვლენისა და მხარდაჭერის უნარი
** ბენეფიციარების თანადგომისა და ემპათიის უნარი
** ეფექტური კომუნიკაცია, ნდობის მოპოვებისა და ურთიერთობის დამყარების უნარი
** მოქნილობა და დამოუკიდებლობა
** თვითკონტროლი და სიმშვიდის შენარჩუნება რთულ და სტრესულ სიტუაციებში
** დაგეგმვისა და ორგანიზების უნარი
** გუნდური მუშაობის უნარი
** SOS ბავშვთა სოფლის ხედვისა და მიზნების გაზიარება
ჩვენ გთავაზობთ:
** მნიშვნელოვანი მისიის "სიყვარულით სავსე ოჯახი ყველა ბავშვს" განხორციელებაში მონაწილეობის შესაძლებლობას;
** მსოფლიოს მასშტაბით ერთ-ერთი უმსხვილეს საერთაშორისო არასამთავრობო ორგანიზაციაში მუშაობის შესაძლებლობას;
** საინტერესო და მრავალფეროვან სამუშაოს;
** სასიამოვნო და კეთილგანწყობილ სამუშაო გარემოს;
** პროფესიონალ გუნდთან მუშაობას;
** პროფესიული და პიროვნული განვითარების შესაძლებლობას.
დაინტერესების შემთხვევაში, გთხოვთ, გამოაგზავნოთ თქვენი სამოტივაციო წერილი და CV (რომელიც შეიცავს სამი რეკომენდატორი პირის საკონტაქტო ინფორმაციას) ელ-ფოსტაზე: hr@sos-kd.ge 2026 წლის 17 მაისის ჩათვლით. გთხოვთ. სათაურში მიუთითოთ სასურველი თანამდებობა.
ასოციაცია "საქართველოს SOS ბავშვთა სოფელი" სოციალურ განვითარებაზე ორიენტირებული არასამთავრობო ორგანიზაციაა. 1989 წლიდან იგი აქტიურად მონაწილეობს ბავშვთა უფლებებსა და მათ საჭიროებებზე მიმართული პროგრამებისა თუ მომსახურებების შემუშავებაში. ასოციაცია "საქართველოს SOS ბავშვთა სოფელი" მოქმედებს "SOS Children`s Villages International"-ის დებულების შესაბამისად, ვინაიდან ეს უკანასკნელი წარმოადგენს მის ქოლგა ორგანიზაციას, რომელსაც მსოფლიოს 136 ქვეყანაში ჰყავს ადგილობრივი წარმომადგენლობა ასოციაციების სახით. ორგანიზაციის მიზანია მიტოვების რისკის წინაშე მყოფ და მშობელთა მზრუნველობას მოკლებულ ბავშვთა უფლებების დაცვა; აგრეთვე, თემზე დაფუძნებული ალტერნატიული მომსახურებების მიწოდების გზით, სოციალურად დაუცველი ბავშვების დახმარება, მათი სრულფასოვან პიროვნებებად ფორმირების ხელშეწყობისა და საზოგადოებაში ინტეგრაციის მიზნით.
დამატებითი ინფორმაციისთვის იხილეთ: http://www.sos-childrensvillages.ge
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე