|
დასახელება:
ტენდერი: ფასადის აგურების შეცვლა, კარნიზის შეკეთება/შეღებვა
|
| მომწოდებელი:
SOS ბავშვთა სოფელი
|
|
გამოქვეყნდა: 27 მაისი
/ ბოლო ვადა: 09 ივნისი
|
"ქუთაისის ეს-ო-ეს ბავშვთა სოფლის" სტანდარტული პროექტის ადმინისტრაცია აცხადებს ტენდერს შენობა-ნაგებობებზე დაზიანებული ფასადის აგურების შეცვლისა და კარნიზების შეკეთება/შეღებვის მომსახურების შესყიდვაზე
ქუთაისის SOS ბავშვთა სოფლის სტანდარტული პროექტის ადმინისტრაცია იწვევს შესაბამისი გამოცდილების მქონე ორგანიზაციებსა და ფიზიკურ პირებს ეს-ო-ეს ბავშვთა სოფლის შენობა ნაგებობებზე დაზიანებული ფასადის აგურების შეცვლის და კარნიზების შეკეთება/შეღებვის მომსახურების შესყიდვაზე.
სავალდებულო მოთხოვნები:
ტენდერში მონაწილე ორგანიზაციებმა უნდა წარმოადგინონ ქვემოთ ჩამოთვლილი დოკუმენტები ქართულ ენაზე:
** ტენდერში მონაწილეობის მსურველი ორგანიზაციის რეკვიზიტები (მისამართი, ტელეფონი, საბანკო რეკვიზიტები)
** უახლესი ამონაწერი სამეწარმეო რეესტრიდან
** მომსახურების შესაბამისი დეტალური ხარჯთაღრიცხვა დალუქული კონვერტით
** ინფორმაცია ბოლო სამი წლის განმავლობაში ანალოგიური სამუშაოების შესრულების შესახებ.
თანხის გადახდის პირობები: მომსახურების სრული ღირებულების გადახდა მოხდება მომსახურების გაწევის შემდგომ მიღება-ჩაბარების აქტის გაფორმებიდან მაქსიმუმ ხუთი სამუშაო დღის ვადაში.
მომსახურების გაწევის ვადები და პირობები: ტენდერში მონაწილეობის მსურველმა ორგანიზაციებმა და ფიზიკურმა პირებმა უნდა უზრუნველყონ მიმდინარე წლის 10 ივლისიდან 10 აგვისტომდე, ეს-ო-ეს ბავშვთა სოფლის შენობა ნაგებობებზე:
1. დაზიანებული ფასადის აგურების მოხსნა და ახალი, შესაბამისი აგურით ჩანაცვლება - 6000 ცალი
2. შენობა ნაგებობებზე სახურავის ქვედა და ფანჯრის ზედა დაზიანებული კარნიზების შეკეთება/შეღებვა (ხარისხიანი საღებავით) - 60 მ2
მომსახურების გაწევის პერიოდი: 2025 წლის 10 ივლისიდან 10 აგვისტომდე,
მომსახურების გაწევის ადგილი: ქ. ქუთაისი, ჰერმან გმაინერის #4.
დაინტერესებულმა პირებმა ან კომპანიებმა სატენდერო წინადადებები უნდა წარმოადგინონ ერთ ეგზემპლარად, ქართულ ენაზე. გთხოვთ, ბეჭდით დალუქულ კონვერტზე სათაურად მიუთითოთ - "ფასადის აგურის შეცვლა" ეს-ო-ეს
სატენდერო წინადადების ჩაბარების ბოლო ვადაა: 2025 წლის 09 ივნისი, 13:00 სთ.
განაცხადების ჩაბარება შესაძლებელია შემდეგ მისამართზე: ქ. ქუთაისი, ჰერმან გმაინერის - #4.
ასოციაცია "საქართველოს SOS ბავშვთა სოფელი" დაუკავშირდება მხოლოდ იმ კომპანიებს ან ფიზიკურ პირებს, რომლებმაც დააკმაყოფილეს სავალდებულო საკვალიფიკაციო მოთხოვნები. დამატებითი კითხვების შემთხვევაში შესაძლებელია მხოლოდ წერილობით დაკავშირება შემდეგი ელ-ფოსტის მისამართზე: Tinatin.Dograshvili@sos-kd.ge.
მომსახურების გაწევის ფასი არის კონფიდენციალური.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
