|
დასახელება:
ბარის მენეჯერი
|
| მომწოდებელი:
სასტუმრო ყვარლის ტბა
|
|
გამოქვეყნდა: 08 ივნისი
/ ბოლო ვადა: 08 ივლისი
|
სასტუმრო კომპლექსი "ყვარლის ტბა" მდებარეობს საქართველოში, კახეთის ულამაზეს რეგიონში, ალაზნის ველის შუაგულში. ეს არის უნიკალური ადგილი, რომელიც გთავაზობთ მშვიდ გარემოს, ბუნების საოცარ სილამაზეს და მაღალი კლასის სერვისს.
სასტუმროს კონცეფცია აერთიანებს კომფორტსა და თანამედროვეობას. სტუმრებს ვთავაზობთ უნიკალურ გამოცდილებას, რომელიც აერთიანებს 100 ნომერს, ბარ-რესტორნებს, ქართულ და ევროპულ სამზარეულოს, თანამედროვე საკონფერენციო დარბაზებს, სპას და განტვირთვის ზონებს, ველობილიკებს, ღია და დახურულ აუზებს, გამაჯანსაღებელ და გასართობ სივრცეებს.
თუ გსურთ გახდეთ ჩვენი გუნდის ნაწილი, გთავაზობთ საინტერესო შესაძლებლობებს ტურიზმის, მომსახურებისა და სტუმარმასპინძლობის სფეროში. ჩვენ ვაფასებთ პროფესიონალიზმს, გუნდურობას და განვითარების მუდმივ სურვილს.
გამოიყენეთ შანსი და გახდით "ყვარლის ტბის" წარმატებული ისტორიის ნაწილი!
ვაკანსია: ბარის მენეჯერი
სამუშაო ადგილი - ქ. ყვარელი
სამუშაო გრაფიკი - დინამიური ცვლები
სასტუმრო "ყვარლის ტბა" ეძებს გამოცდილ, მოტივირებულ და შედეგზე ორიენტირებულ ბარის მენეჯერს, რომელიც უზრუნველყოფს ბარის ეფექტურ მართვას, მომსახურების მაღალი სტანდარტების დაცვასა და სტუმრებისთვის გამორჩეული გამოცდილების შექმნას.
რას გთავაზობთ ჩვენ:
** კომფორტულ სამუშაო გარემოს;
** პროფესიული ზრდისა და განვითარების შესაძლებლობას;
** თანამშრომლობას დინამიურ და მეგობრულ გუნდთან;
** ჯანმრთელობის დაზღვევასა და კვებას;
** საცხოვრებლით უზრუნველყოფასა და ტრანსპორტირებას.
ძირითადი მოვალეობები:
** ბარის ყოველდღიური საქმიანობის ორგანიზება და ოპერაციების ეფექტური მართვა;
** ბარის გუნდის ხელმძღვანელობა, მოტივაცია და პროფესიული განვითარების ხელშეწყობა;
** მარაგების მართვა, ინვენტარიზაციის ჩატარება და დანაკარგების კონტროლი;
** ხარჯების მონიტორინგი და ბარის ფინანსური შედეგების გაუმჯობესებაზე ზრუნვა;
** სასმელების მენიუს განვითარებასა და განახლებაში აქტიური მონაწილეობა;
** მომსახურების ხარისხის კონტროლი, სტუმრების კმაყოფილების უზრუნველყოფა და მათ საჭიროებებზე დროული რეაგირება;
** უსაფრთხოების, ჰიგიენისა და მოქმედი რეგულაციების დაცვის უზრუნველყოფა.
მოთხოვნები:
** მსგავს პოზიციაზე მუშაობის მინიმუმ 2-3-წლიანი გამოცდილება;
** სხვადასხვა კოქტეილისა და სასმლის მომზადების ცოდნა;
** ლიდერული და გუნდური მართვის უნარები;
** ეფექტური კომუნიკაციისა და პრობლემების გადაჭრის უნარი;
** ქართული და ინგლისური ენების ცოდნა.
თუ გსურთ გახდეთ ჩვენი გუნდის წევრი, გამოგვიგზავნეთ თქვენი რეზიუმე ელექტრონულ მისამართზე: hr@kvarelilake.ge. ელფოსტის სათაურის ველში მიუთითეთ პოზიციის დასახელება. გასაუბრება ჩატარდება მხოლოდ შერჩეულ კანდიდატებთან.
აღნიშნულ ვაკანსიაზე მონაცემების გამოგზავნით ადასტურებთ, რომ თანახმა ხართ, შპს "ყვარელი პალასმა", მონაცემთა დაცვის სტანდარტებისა და საქართველოს მოქმედი კანონმდებლობის შესაბამისად, შეაგროვოს, დაამუშაოს და შეინახოს თქვენს მიერ წარმოდგენილი ინფორმაცია (რეზიუმე) დასაქმების პროცესის წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.
ყვარლის ტბა გისურვებთ წარმატებას!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე