|
დასახელება:
გაყიდვების სპეციალისტი
|
| მომწოდებელი:
მედკორი
|
|
გამოქვეყნდა: 29 მაისი
/ ბოლო ვადა: 29 ივნისი
|
სამედიცინო პროდუქციის იმპორტიორი კომპანია "მედკორი" აცხადებს ვაკანსიას გაყიდვების სპეციალისტის პოზიციაზე.
კომპანია (https://medcoreaesthetics.ge/) 2014 წლიდან მოღვაწეობს ბაზარზე და ჯანდაცვის სექტორს სთავაზობს ინოვაციურ და თანამედროვე პროდუქციას სამედიცინო, სტომატოლოგიური და ესთეტიკური მედიცინის მიმართულებით.
სამუშაო ადგილი: ბათუმი
სამუშაო გრაფიკი: ორშაბათი-პარასკევი, 10:00-19:00
ანაზღაურება: საშუალოდ 2500-3000 ლარი (ბონუსის ჩათვლით);
ძირითადი ფუნქცია-მოვალეობები:
** კომპანიის პროდუქციის ასორტიმენტის შესწავლა და ტექნიკური მახასიათებლების ცოდნა;
** ესთეტიკური კლინიკების წარმომადგენლებთან და შესაბამისი პროფილის ექიმებთან ვიზიტების დაგეგმვა და საქმიანი კომუნიკაციის წარმართვა;
** პროდუქციის პრეზენტაცია სამიზნე აუდიტორიისთვის და ეფექტური მოლაპარაკებების წარმოება;
** ბაზრის საჭიროებებისა და მომხმარებელთა უკუკავშირის მუდმივი ანალიზი, ინფორმაციის დამუშავება და გუნდისთვის რეკომენდაციების წარდგენა;
** გაყიდვების ოპტიმიზაციის მიზნით საინტერესო ინიციატივების წარდგენა;
** საერთაშორისო გამოფენებსა თუ თემატურ ღონისძიებებზე კომპანიის წარმომადგენლობა;
** პოზიციასთან დაკავშირებული სხვა ფუნქცია-მოვალეობების შესრულება.
ვაკანსიის მოთხოვნები:
** უმაღლესი განათლება, სასურველია სამედიცინო მიმართულებით;
** საცალო/კორპორატიული გაყიდვების, მომსახურების სფეროს, საბანკო ან სადაზღვევო მიმართულებით მუშაობის გამოცდილება;
** სასურველია ინგლისური ან/და რუსული ენების ცოდნა;
** ეფექტური კომუნიკაციის, მოლაპარაკებების წარმოებისა და დარწმუნების უნარები;
** შედეგზე ორიენტირებულობა, ახალი კლიენტების მოზიდვისა და გრძელვადიანი ურთიერთობების ჩამოყალიბების უნარი.
დამატებითი ინფორმაცია:
** სასურველია საკუთარი ავტომობილის ქონა, კომპანია უზრუნველყოფს საწვავისა და ავტომობილის ცვეთის (ამორტიზაციის) ხარჯების ანაზღაურებას;
** ულიმიტო საკომუნიკაციო პაკეტით უზრუნველყოფა;
** კომპანია უზრუნველყოფს თანამშრომელთა პროფესიულ განვითარებას საერთაშორისო მივლინებებში, ტრენინგებსა და კონფერენციებში მათი მონაწილეობის მხარდაჭერით.
დაინტერესების შემთხვევაში, გთხოვთ, თქვენი რეზიუმე (CV) გამოგზავნეთ შემდეგ მისამართზე: vacancy01@medcore.ge და სათაურის (subject) ველში მიუთითეთ ვაკანსიის დასახელება - "გაყიდვების სპეციალისტი".
გაცნობებთ, რომ თქვენ მიერ გამოგზავნილი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს, მათ შორის განსაკუთრებული კატეგორიის მონაცემებსაც. გაითვალისწინეთ, რომ თქვენი მონაცემები დამუშავდება კომპანიის მიერ თქვენთან სახელშეკრულებო ან შრომითი ურთიერთობის დამყარების შესახებ გადაწყვეტილების მიღების მიზნით და შენახული იქნება 5 (ხუთი) წლის განმავლობაში.
მადლობას გიხდით ვაკანსიით დაინტერესებისათვის და გისურვებთ წარმატებებს!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე