|
დასახელება:
გაყიდვების და კოორდინაციის სპეციალისტი
|
| მომწოდებელი:
ACT Institute
|
|
გამოქვეყნდა: 13 თებერვალი
/ ბოლო ვადა: 06 მარტი
|
საგანმანათლებლო მიმართულება "ACT Institute" აცხადებს ვაკანსიას სრულ განაკვეთზე მომუშავე ენერგიული და შედეგზე ორიენტირებული გაყიდვების და კოორდინაციის სპეციალისტის პოზიციაზე. შერჩეული კანდიდატი უნდა იყოს ხიდი პოტენციურ მონაწილეებსა და სასწავლო პროცესს შორის.
პოზიცია: გაყიდვების და კოორდინაციის სპეციალისტი
დასაქმება: სრული განაკვეთი
სამუშაო ადგილი: თბილისი, ზურაბ ანჯაფარიძის 1 შესახვევი, #4
სამუშაო საათები: 09:30 - 18:30 (ჰიბრიდული, ორშაბათიდან პარასკევის ჩათვლით, 1 სთ შესვენებით)
პოზიციის ძირითადი საქმიანობა:
გაყიდვების და კოორდინაციის სპეციალისტის ძირითადი საქმიანობაა ტრენინგ-ცენტრის საგანმანათლებლო პროგრამების აქტიური გაყიდვა (განსაკუთრებით B2C მიმართულებით) და ტრენინგების შემდგომი ორგანიზაციული მხარდაჭერა.
კერძოდ:
გაყიდვები და ბიზნესის განვითარება (70%):
** B2C გაყიდვების მართვა: ღია პროგრამების პოპულარიზაცია და ინდივიდუალური მსმენელების მოზიდვა.
** აქტიური გაყიდვების წარმოება: "ცივი" და "თბილი" ზარების განხორციელება, პოტენციურ კლიენტებთან მიმოწერის წარმოება და კონსულტირება.
** მცირე ბიზნესებთან კომუნიკაცია: მცირე ზომის ორგანიზაციების იდენტიფიცირება და მათთვის შესაბამისი ტრენინგ-პროდუქტების შეთავაზება.
** კლიენტების ბაზის შექმნა და მართვა: დაინტერესებული პირების მონაცემთა ბაზის (Lead generation) მუდმივი განახლება და მათთან გრძელვადიანი ურთიერთობის შენარჩუნება.
** B2B მხარდაჭერა: აღმასრულებელი ლიდის დახმარება კორპორატიულ კლიენტებთან კომუნიკაციისას (მაგ. ინფორმაციის მიწოდება HR მენეჯერებისთვის ღია პროგრამების შესახებ).
საოპერაციო და საორგანიზაციო კოორდინაცია (30%):
** ლოგისტიკური მართვა: ტრენინგის ჩასატარებელი სივრცის მომზადება, საჭირო მასალების (ბეჭდური მასალები, სერტიფიკატები და სხვ.) მომზადება.
** ტრენერებთან თანამშრომლობა: ტრენერების სამუშაო განრიგის კოორდინაცია და მათთვის საჭირო ტექნიკური თუ შინაარსობრივი მხარდაჭერის გაწევა.
** გაყიდვების შემდგომი მომსახურება (After-sales): ტრენინგის მსვლელობისას მსმენელთა კმაყოფილების მონიტორინგი და კურსის დასრულების შემდეგ უკუკავშირის შეგროვება.
საკვალიფიკაციო მოთხოვნები:
** ბაკალავრის ხარისხი ბიზნესის ადმინისტრირების, მარკეტინგის, სოციალური მეცნიერებების ან მომიჯნავე სფეროში.
** ქართული და ინგლისური ენების სრულყოფილი ცოდნა.
** საოფისე პროგრამების (MS Office) საბაზისო ცოდნა ნებისმიერ პლატფორმაზე; კანდიდატს ადგილზე შევასწავლით მუშაობისთვის საჭირო ყველა სპეციფიკურ პროგრამასა თუ ხელსაწყოს. სავალდებულოა სოციალურ ქსელებში კომუნიკაციისა და ინტერაქციის ძალიან მაღალ დონეზე ფლობა.
სამუშაო გამოცდილება:
** მინიმუმ 3 წლიანი სამუშაო გამოცდილება გაყიდვების, მომსახურების ან ადმინისტრირების მიმართულებით (განიხილებიან დამწყები სპეციალისტები, მაღალი მოტივაციით)
უნარები:
** პროაქტიულობა: ინიციატივის გამოჩენა და პრობლემების გადაჭრის უნარი დამოუკიდებლად.
** კომუნიკაბელურობა: სხვადასხვა ტიპის ადამიანებთან ეფექტური კომუნიკაციის დამყარების უნარი.
** ორგანიზებულობა: დეტალებზე ორიენტირებულობა და ვადების (deadlines) მკაცრი დაცვა.
** შედეგზე ორიენტირებულობა: დასახული გაყიდვების გეგმების შესრულების შინაგანი დრაივი.
რას გთავაზობთ ჩვენ?
** პროფესიული ზრდა: შესაძლებლობა იმუშაოთ უშუალოდ აღმასრულებელ ლიდთან და ისწავლოთ ბიზნესის მართვის ყველა ასპექტი.
** დამოუკიდებლობა: ჩვენ ვაფასებთ ახალ იდეებს და გაძლევთ სივრცეს მათი იმპლემენტაციისთვის.
** ტრენინგებზე წვდომა: საშუალება დაესწროთ კომპანიის მიერ ორგანიზებულ საუკეთესო ბიზნეს ტრენინგებს.
** მოქნილი ანაზღაურება: ფიქსირებული ხელფასი + ბონუსი გაყიდვების შედეგებიდან გამომდინარე.
ACT ინსტიტუტი არის ACT-ის (ანალიზისა და კონსულტაციის გუნდი) საგანმანათლებლო მიმართულება, რომელიც მიზნად ისახავს პროფესიონალებისა და ორგანიზაციების განვითარებას საქართველოში. ჩვენი პროგრამები ორიენტირებულია პრაქტიკული უნარების გაძლიერებასა და უწყვეტ განვითარებაზე.
ACT ინსტიტუტი შეიქმნა მთავარი რწმენით: ცოდნა იქცევა ტრანსფორმაციის ძალად მაშინ, როდესაც ის პრაქტიკაში გამოიყენება და რეალურ ცვლილებებს იწვევს.
ჩვენ ვქმნით პრაქტიკულ სასწავლო პროგრამებს, რომლებიც ინდივიდებსა და ორგანიზაციებს ეხმარება ზრდასა და განვითარებაში.
23-წლიანი გამოცდილებით კვლევასა და მენეჯმენტ კონსალტინგში, ჩვენი პროგრამები აერთიანებს ბიზნეს ექსპერტიზას, თანამედროვე მენეჯმენტის საუკეთესო პრაქტიკებსა და ტრანსფორმაციულ სწავლებას.
დაინტერესების შემთხვევაში გთხოვთ გადმოაგზავნოთ რეზიუმე 2026 წლის 6 მარტის ჩათვლით შემდეგ მისამართზე: hr@act-global.com
მეილის სათაურის ველში აუცილებლად მიუთითეთ პოზიციის დასახელება.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
