|
დასახელება:
კომერციული დირექტორი
|
| მომწოდებელი:
ნავთობკომპანია ქონექთი
|
|
გამოქვეყნდა: 04 თებერვალი
/ ბოლო ვადა: 01 მარტი
|
ნავთობკომპანია "ქონექთი" (Connect) 2014 წლიდან ოპერირებს საქართველოს ბაზარზე. კომპანია ფლობს 140-ზე მეტ ავტოგასამართ სადგურს და 2025 წლიდან ოპერირებს საკუთარი ნავთობტერმინალით, რაც იმპორტისა და დისტრიბუციის სრული ციკლის მართვის შესაძლებლობას გვაძლევს.
ვეძებთ კომერციულ დირექტორს, რომელიც უხელმძღვანელებს საწვავის შესყიდვების, ფასწარმოქმნისა და რეალიზაციის (საცალო და კორპორატიული) სტრატეგიას.
სამუშაო პირობები:
** გრაფიკი: ორშაბათი-პარასკევი, 10:00 - 18:00 სთ;
** ანაზღაურება: შეთანხმებით (მაღალი, კვალიფიკაციის შესაბამისად);
** ადგილმდებარეობა: თბილისი, საბურთალო, უნივერსიტეტის ქუჩა #8.
ძირითადი ფუნქცია-მოვალეობები:
1. სტრატეგიული შესყიდვები და იმპორტი (Trading):
** ნავთობპროდუქტების საერთაშორისო ბაზრის (Platts) მონიტორინგი და შესყიდვების დროული დაგეგმვა;
** საერთაშორისო მომწოდებლებთან (ტრეიდერებთან/ქარხნებთან) მოლაპარაკებების წარმოება და საუკეთესო პირობების მიღება (ფასი, მოწოდების ვადები);
** ნავთობტერმინალის მარაგების ოპტიმალური მართვა - დეფიციტის და ჭარბი მარაგების რისკების დაზღვევა.
2. კომერციული სტრატეგია და ფასწარმოქმნა:
** საცალო (Retail) და კორპორატიული (B2B) ფასების პოლიტიკის განსაზღვრა ბაზრის ტენდენციებისა და თვითღირებულების გათვალისწინებით;
** კონკურენტული გარემოს მუდმივი ანალიზი და კომპანიის საბაზრო წილის ზრდის სტრატეგიის შემუშავება;
** ქსელის მომგებიანობის (Margins) კონტროლი და ოპტიმიზაცია.
3. გაყიდვების მართვა (Sales Management):
** კორპორატიული გაყიდვების დეპარტამენტის ზედამხედველობა - მსხვილი ტენდერებისა და სტრატეგიული პარტნიორების მოზიდვა;
** საცალო ქსელში საწვავის რეალიზაციის გეგმების განსაზღვრა და შესრულების მონიტორინგი;
** ლოიალობის სისტემებისა და მარკეტინგული აქტივობების კომერციული ეფექტურობის შეფასება.
საკვალიფიკაციო მოთხოვნები:
** უმაღლესი განათლება (ბიზნესი, ეკონომიკა, ფინანსები);
** მინიმუმ 5-წლიანი მენეჯერული გამოცდილება ნავთობპროდუქტების სექტორში (სასურველია შესყიდვების ან კომერციული მიმართულებით);
** საერთაშორისო ვაჭრობის პრინციპების (Incoterms) და ნავთობპროდუქტების ლოგისტიკის ცოდნა;
** მოლაპარაკებების წარმოების მაღალი დონის უნარი;
** ანალიტიკური აზროვნება - დიდი მოცულობის მონაცემებთან და ფინანსურ მაჩვენებლებთან მუშაობის გამოცდილება;
** ინგლისური და რუსული ენების სრულყოფილი ცოდნა (საერთაშორისო პარტნიორებთან კომუნიკაციისთვის).
პიროვნული უნარები:
** სტრატეგიული ხედვა;
** გადაწყვეტილების სწრაფად მიღების უნარი დინამიკურ გარემოში;
** ლიდერული თვისებები და გუნდის მართვის უნარი.
დაინტერესების შემთხვევაში, გთხოვთ, გამოგვიგზავნოთ თქვენი რეზიუმე ელ-ფოსტის მისამართზე: career@connect.com.ge 2026 წლის 01 მარტის ჩათვლით და სათაურის ველში მიუთითოთ პოზიციის დასახელება.
თქვენ მიერ გაგზავნილი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს. გაცნობებთ, რომ თქვენი პერსონალური მონაცემები კომპანიის მხრიდან დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისათვის. ასევე, თქვენს მიერ გამოგზავნილი რეზიუმე შესაძლოა არ იქნას განხილული მოცემულ ვაკანსიაზე, სავაკანსიო მოთხოვნებიდან გამომდინარე, ან დარეზერვებული იქნას სხვა რელევანტურ ვაკანსიაზე. თქვენი პერსონალური მონაცემები კომპანიის მონაცემთა ბაზაში შეინახება 6 თვის ვადით.
კომპანია ემიჯნება ნებისმიერი სახის დისკრიმინაციას როგორც ვაკანსიის შესახებ განცხადების გამოქვეყნების და შერჩევის ეტაპზე, ისე შრომითი ურთიერთობის ფარგლებში.
წარმატებებს გისურვებთ!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე