|
დასახელება:
იმპორტის მენეჯერის ასისტენტი
|
| მომწოდებელი:
სონნივა ჯორჯია
|
|
გამოქვეყნდა: 26 ნოემბერი
/ ბოლო ვადა: 15 დეკემბერი
|
შპს "სონნივა ჯორჯია" "Sonniva Georgia" 2014 წლიდან ოპერირებს ქართულ ბაზარზე და წარმოადგენს ავეჯის მასალების, ფურნიტურისა და აქსესუარების ერთ-ერთ წამყვან იმპორტიორსა და დისტრიბუტორს.
კომპანია მომხმარებელს სთავაზობს უმაღლესი ხარისხის პროდუქციას გლობალური ბრენდებისგან და უზრუნველყოფს ავეჯის წარმოებისთვის საჭირო სრული სპექტრის მიწოდებას. ჩვენი მთავარი ღირებულება ხარისხი და საიმედოობაა, რასაც მყარი ინფრასტრუქტურა და საერთაშორისო სტანდარტების შესაბამისი სასაწყობე მეურნეობა განაპირობებს.
შპს "სონნივა ჯორჯია" გაძლევთ უნიკალურ შანსს, გადადგათ პირველი ნაბიჯები წარმატებული კარიერისკენ! შემოუერთდით ჩვენს მუდმივად განვითარებად გუნდს, სადაც გამოცდილებაზე მეტად ფასდება მონდომება და განვითარების სურვილი. ჩვენთან გექნებათ საშუალება, ჩაერთოთ საერთაშორისო პარტნიორებთან ურთიერთობაში და ნულიდან დაეუფლოთ საინტერესო პროფესიას.
სწორედ ამ მიზნით, შპს "სონნივა ჯორჯია" აცხადებს ვაკანსიას იმპორტის მენეჯერის ასისტენტის პოზიციაზე.
ძირითადი მოვალეობები:
** მომწოდებლებთან კომუნიკაცია: საერთაშორისო მომწოდებლებთან/მწარმოებლებთან ყოველდღიური მიმოწერის მართვა, შეკვეთების განთავსება და პროდუქციის დეტალების დაზუსტება.
** დოკუმენტაციის მართვა: საიმპორტო დოკუმენტაციის (ინვოისები, ჩატვირთვის ფურცლები/Packing Lists) შეგროვება, გადამოწმება და დამუშავება სიზუსტის უზრუნველსაყოფად.
** ლოჯისტიკის კოორდინირება: ტვირთების გადაადგილების კონტროლი და ტრანსპორტირების პროცესის მონიტორინგი დროული მოწოდების უზრუნველსაყოფად.
** საბაჟო მხარდაჭერა: განბაჟების პროცედურებში დახმარება და საბაჟო ბროკერებთან კომუნიკაცია.
** მარაგების ანალიზი: ავეჯის ფურნიტურისა და აქსესუარების ნაშთების მონიტორინგი მარაგების შევსების შეკვეთების მომზადებაში დასახმარებლად.
საკვალიფიკაციო მოთხოვნები:
** კომპიუტერული პროგრამების ცოდნა MS Office, განსაკუთრებით Excel-ის ცოდნა მარაგების ანალიზის და რეპორტინგისთვის.
** თურქული ენის ცოდნა მაღალ დონეზე, დამატებით ინგლისური ან რუსული ენის ცოდნა სასაუბრო დონეზე.
პიროვნული უნარები:
** პასუხისმგებლობის გრძნობა;
** დეტალებზე ორიენტირებულობა;
** ორგანიზებულობა და დროის მართვა;
** ანალიტიკური აზროვნება
ჩვენ გთავაზობთ საუკეთესო პირობებს:
** ანაზღაურება: 2000 ლარი (ხელზე ასაღები)
** სამუშაო დრო: ორშაბათი-პარასკევი, 09:00-17:00 სთ (შაბათ-კვირა დასვენება)
** სამუშაო ადგილი: თბილისი, ავჭალა
** კომპანია უზრუნველყოფს თანამშრომლების კვებას და ტრანსპორტირებას
თუ თვლით, რომ ეს შანსი თქვენთვისაა, გთხოვთ, გამოგვიგზავნოთ CV 2025 წლის 15 დეკემბრამდე ელ. ფოსტაზე: talentsourcecareers@gmail.com. სათაურის ველში აუცილებლად მიუთითეთ ვაკანსიის დასახელება.
გაცნობებთ, რომ თქვენს მიერ გამოგზავნილი რეზიუმე და მასში მოცემული პერსონალური მონაცემები, "პერსონალურ მონაცემთა დაცვის შესახებ" საქართველოს კანონის შესაბამისად, დამუშავდება შერჩევის პროცესის უზრუნველსაყოფად და გადაეცემა პოტენციურ დამსაქმებელს (შპს "სონნივა ჯორჯია"). თქვენი მონაცემები შესაძლოა შენახულ იქნას 6 თვით, რათა განხილულ იქნას სხვა რელევანტურ ვაკანსიებზეც. CV-ის გამოგზავნით თქვენ ავტომატურად აცხადებთ თანხმობას თქვენი მონაცემების დამუშავებასა და დამკვეთი კომპანიისთვის გაზიარებაზე.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე