|
დასახელება:
ფინანსური დეპარტამენტის ხელმძღვანელი
|
| მომწოდებელი:
ლაზიერი
|
|
გამოქვეყნდა: 14 ოქტომბერი
/ ბოლო ვადა: 14 ნოემბერი
|
ჩვენ ვეძებთ პროფესიონალებს, რომლებიც გამოირჩევიან კეთილსინდისიერებით, ორგანიზებულობითა და განვითარებისაკენ სწრაფვით.
ჩვენ გთავაზობთ შესაძლებლობას, იმუშაოთ გუნდში, რომელიც ორიენტირებულია ხარისხზე, ცოდნის გაზიარებასა და უწყვეტ პროგრესზე.
თუ, გსურს გახდე წარმატებული გუნდის ნაწილი და განავითარო ან გააძლიერო შენი ლიდერული უნარები- შემოგვიერთდი!
"ლაზიერი" ქართული ბრენდია, რომელიც 2013 წლიდან ინდივიდუალურ მოთხოვნებზე მორგებულ ავეჯს ქმნის, როგორც კორპორატიული მომხმარებლებისთვის, ასევე ფიზიკური პირებისთვის.
ევროპული სტანდარტების შესაბამისი საწარმო შეიქმნა წამყვანი გერმანული საკონსულტაციო კომპანიის LIGNUM CONSULTING ექსპერტებთან თანამშრომლობით და აღიჭურვა უახლესი იტალიური, გერმანული და ესპანური დანადგარებით (SCM GROUP, HOLZ-HER, GLOBAL PRESS). საწარმო განლაგებულია 3, 500 მ²-ზე და 80 მაღალკვალიფიციურ ადგილობრივ კადრს ასაქმებს. ლაზიერის ავეჯი იქმნება მაღალი ხარისხის ხის, ქვის (კორიანი - DUPONT`S CORIAN®, ნეოლითი - ThESIZE`S NEOLITH®), მეტალის და კომპოზიტური მასალებით (MDF, ლამინატი, HPL).
ლაზიერს მასშტაბური პროექტები აქვს შესრულებული, ისეთი კომპანიებისთვის, როგორიცაა: City Mall, Tbilisi Gallery, Golden Tulip, Lopota Lake Resort and spa, Bioli Wellness Resort; Making Science Sweeft, King David, Raymann, Archi, Kutaisi Airport; in Vitro; Terminal, Tbc Bank და სხვა.
ლაზიერის შესრულებული პროექტების შესახებ ინფორმაცია იხილეთ მითითებულ ბმულზე: https://tinyurl.com/2ee8smde
ფუნქცია-მოვალეობა:
** კომპანიის ფინანსური სტრატეგიის შემუშავება და განხორციელება;
** კომპანიის ბიუჯეტის შედგენა (თვიური, კვარტალური, წლიური);
** ფინანსური მაჩვენებლების ანალიზი, ტენდენციების დადგენა და რეკომენდაციების მომზადება მენეჯმენტისთვის;
** ფინანსური ანგარიშგებების (მოგება/ზარალი, ბალანსი, ქეშ ფლოუ) მომზადება და წარდგენა;
** ფაქტობრივი შედეგების შედარება ბიუჯეტთან და გეგმებთან, გადახრების მიზეზების გამოვლენა და ანალიზი;
** ფინანსური მოდელების შექმნა და ანალიზი სტრატეგიული გადაწყვეტილებების მხარდასაჭერად;
** ქეშ ფლოუს დაგეგმვა და მონიტორინგი, ლიკვიდობის მართვა;
** ფინანსური პროცესების გაუმჯობესება და ეფექტიანობის ამაღლება;
** ბუღალტრული აღრიცხვის, ანგარიშგებისა და აუდიტის პროცესების ზედამხედველობა;
** ბანკებთან, ინვესტორებთან და ფინანსურ ინსტიტუტებთან ურთიერთობა;
** საბანკო ანგარიშების, სესხებისა და ფინანსური ინსტრუმენტების ეფექტური მართვა;
** ფინანსური ანგარიშგებებისა და ანალიზების მიწოდება შიდა და გარე დაინტერესებული მხარეებისთვის.
საკვალიფიკაციო მოთხოვნები:
** უმაღლესი განათლება ფინანსების ან ეკონომიკის მიმართულებით;
** სასურველია მინიმუმ სამ წლიანი სამუშაო გამოცდილება მსგავს პოზიციაზე;
** საოფისე პროგრამის (MS Excel) მაღალ დონეზე ცოდნა;
პიროვნული უნარ-ჩვევები:
** სტრატეგიული ხედვა და ბიზნეს-განსაზღვრული გადაწყვეტილებების მიღების უნარი;
** ძლიერი ლიდერობისა და გუნდის მართვის უნარები;
** შედეგებზე ორიენტირებული.
ლაზიერში დაგხვდებათ:
** პროფესიონალებით დაკომპლექტებული გუნდი და მეგობრული გარემო;
** პროფესიული ზრდისა და განვითარების შესაძლებლობა;
** სამედიცინო დაზღვევა;
** ფიტპასი;
** სხვადასხვა ტიპის კორპორაციული შეთავაზება და ფასდაკლება;
** ტრენინგები და სასწავლო პროგრამები.
სამუშაო ადგილი: თბილისი, ფეიქართა 12;
სამუშაო გრაფიკი: ორშაბათი-პარასკევი, დილის 09:00 სთ-დან 18:00 სთ-მდე.
ანაზღაურება განისაზღვრება კანდიდატის გამოცდილებისა და კვალიფიკაციის შესაბამისად.
დაინტერესებულ პირებს, გთხოვთ, გამოაგზავნოთ თქვენი რეზიუმე (CV) შემდეგ ელექტრონულ მისამართზე: jobs@lazieri.com; გთხოვთ, სათაურში (subject) მიუთითოთ ვაკანსიის დასახელება - " ფინანსური დეპარტამენტის ხელმძღვანელი".
გთხოვთ, გაითვალისწინოთ, რომ თქვენ მიერ ვაკანსიის ფარგლებში ჩვენთვის რეზიუმეს ან/და პერსონალური მონაცემების შემცველი სხვა დოკუმენტის წარდგენით აცხადებთ თანხმობას შერჩევის პროცესში კომპანიის მიერ თქვენი პერსონალური მონაცემების ფლობასა და დამუშავებაზე არაუმეტეს 3 წლის ვადით "პერსონალურ მონაცემთა დაცვის შესახებ" საქართველოს კანონის შესაბამისად.
ლაზიერი ემიჯნება ნებისმიერი სახის დისკრიმინაციას, როგორც ვაკანსიის შესახებ განცხადების გამოქვეყნების და შერჩევის ეტაპზე, ისე შრომითი ურთიერთობის ფარგლებში.
გისურვებთ წარმატებას!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე