ჯობს.გე - ლოგისტიკის სამსახურის უფროსი

ლოგისტიკის სამსახურის უფროსი - გარდაბანი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: ლოგისტიკის სამსახურის უფროსი

მომწოდებელი: გარდაბნის თბოსადგური 2

გამოქვეყნდა: 23 სექტემბერი / ბოლო ვადა: 07 ოქტომბერი

ენერგეტიკული კომპანია შპს "გარდაბნის თბოსადგური 2" აცხადებს ვაკანსიას ლოგისტიკის სამსახურის უფროსის პოზიციაზე.

პირობები:

** ყოველთვიური ანაზღაურება: 3000-4000 ლარი კვალიფიკაციისა და გამოცდილების შესაბამისად.
** სამუშაო გრაფიკი: 5 სამუშაო დღე, 10:00-17:00 სთ, შესვენება 1 საათი;
** სამუშაო ადგილი: ქ. გარდაბანი, დ. აღმაშენებლის ქ. 2ბ
** ტრანსპორტირება: უზრუნველყოფს კომპანია ქ. თბილისის სხვადასხვა ლოკაციიდან

ბენეფიტები:

** უსაფრთხო და კომფორტული სამუშაო გარემო;
** ჯანმრთელობისა და სიცოცხლის დაზღვევა;
** კორპორატიული მობილური ტელეფონის ნომერი ყოველთვიური ლიმიტითა და შეღავათიანი ტარიფებით.

კანდიდატის მიმართ მოთხოვნები:

** შესყიდული საქონლის მიმწოდებლისგან მიღებულ განაცხადებზე ფინანსური სამსახურის მხრიდან თანხის გადარიცხვის შემდგომ, შესასყიდი ტვირთის გადაზიდვის მომსახურებით უზრუნველყოფა;
** სატრანსპორტო კომპანიების მოძიება ადგილობრივ ან გარე ბაზარზე; მოლაპარაკებების წარმოება და დამკვეთისათვის მაქსიმალურად სასარგებლო გადაზიდვის წინადადების წარდგენა; ტვირთის პარამეტრების დაზუსტება (მეტი დეტალიზირება) დამკვეთთან/განაცხადის შემსრულებელთან მჭიდრო კომუნიკაციით. ყოველგვარი გადაზიდვის შესახებ ინფორმაციის შეთანხმება ხელმძღვანელთან;
** ტვირთის განბაჟება; დოკუმენტაციის მომზადება საბაჟოზე წარსადგენად; მებაჟესთან მჭიდრო კომუნიკაცია; საბაჟო საკითხებთან დაკავშირებული წარმოშობილი პრობლემების აღმოფხვრა;
** ლოგისტიკურ საკითხებთან დაკავშირებით უცხოელ პარტნიორებთან კომუნიკაცია;
** საბაჟო პროცედურებთან დაკავშირებული პროცესების მართვა;
** საბაჟო პროცედურებთან (იმპორტ/ექსპორტის) დაკავშირებული ნებართვების მოპოვება სახელმწიფო სტრუქტურებიდან.
** ტვირთის მოძრაობის სრული ციკლის მანძილზე დაკვირვება, კონტროლი და დამკვეთის/განაცხადის შემსრულებლის დეტალური ინფორმირება;
** გარკვეული სახეობის მასალის/მომსახურების შესყიდვაზე სატრანსპორტო - სასაწყობე კომპანიებთან ხელშეკრულების გაფორმების ორგანიზება. შემოთავაზებული წინადადების გაანალიზება სარგებლიანობის კუთხით. საჭირო პარამეტრების, დეტალების, ვადების, ღირებულების დადგენა და ინფორმაციის გადაცემა დამკვეთისათვის შესათანხმებლად. დამკვეთი-ინიციატორის მიერ წარმოდგენილი სახელშეკრულებო განაცხადის საფუძველზე ხელშეკრულების გაფორმების ორგანიზებაში დახმარება შესაბამის სტრუქტურულ ერთეულთან ერთად; ხელმოწერების ორგანიზების უზრუნველყოფა;
** ახალი მომწოდებლების გაცნობა ბაზარზე, კომუნიკაციის დამყარება - შემდგომი თანამშრომლობისათვის;
** სამომავლო პოტენციური გადაზიდვის ლოჯისტიკის კუთხით ჩასატარებელი ფასთა კვლევისთვის საჭირო დოკუმენტაციის მომზადება;
** კომპეტენციის ფარგლებში უშუალო უფროსის სხვა დავალებების შესრულება.

დამატებითი ფუნქცია-მოვალეობები:

** ყოველწლიური ბიუჯეტის შედგენისას, კონკრეტული მიმართულებით ინფორმაციის მიწოდება მასალის/მომსახურების/გადაზიდვის საორიენტაციო ფასებზე დეპარტამენტის ხელმძღვანელისათვის;
** შესყიდულ მასალაზე/მომსახურებაზე გადახდილი თანხის დანაზოგების კვლევა, დინამიკაში დაკვირვება, რეპორტინგის წარმოება კონკრეტული მიმართულებით;

საკვალიფიკაციო მოთხოვნები:

განათლება:

უმაღლესი განათლება (ბაკალავრის ხარისხი) სასურველია ბიზნესის ადმინისტრირებისა ან საინჟინრო-ტექნიკური მიმართულებით

სამუშაო გამოცდილება:

მინიმუმ 3 წლიანი მუშაობის გამოცდილება გადაზიდვებისა და საბაჟო საკითხების მიმართულებით.

ცოდნა, უნარები და შესაძლებლობები:

** ინგლისური და რუსული ენების ცოდნა საშუალო დონეზე;
** ქართული ენის სრულყოფილად ცოდნა;
** საბაჟო-საგადასახადო საკითხებთან დაკავშირებული საკანონმდებლო აქტების ცოდნა;
** უსაფრთხოების ნორმების და სტანდარტების ცოდნა;

კომპიუტერული უნარები:

** Microsoft Office
** Word
** Excel
** Outlook
** Microsoft Teams
** OneDrive

პიროვნული და პროფესიული უნარები:

** დისციპლინირებულობა;
** ორგანიზებულობა;
** პასუხისმგებლობის გრძნობა;
** სტრესულ გარემოში მუშაობის უნარი;
** გუნდური მუშაობის უნარი;
** ეფექტური და გამართული კომუნიკაციის უნარი;
** სიტუაციების სწორად შეფასების, მნიშვნელობის, რისკისა და აუცილებლობის განსაზღვრისა და შესაბამისი გადაწყვეტილებების დროული მიღების უნარი;
** სამუშაოს დაგეგმვისა და დროის ეფექტური განაწილების უნარი;
** პროფილური სამუშაო სპეციფიკის დამოუკიდებლად გაძღოლისა და მართვის უნარი;

მოცემულ ვაკანსიაზე განაცხადის წარმოდგენის მიზნით, გთხოვთ, დაინტერესებულმა პირებმა გამოაგზავნოთ თქვენი რეზიუმე (CV) ქართულ ენაზე შემდეგ ელ. მისამართზე: hr@tpp.ge არაუგვიანეს 2025 წლის 7 ოქტომბრისა. გთხოვთ, Subject-ში მიუთითოთ ვაკანსიის დასახელება, წინააღმდეგ შემთხვევაში, თქვენი რეზიუმე არ განიხილება.

შენიშვნა:

კანდიდატის მიერ განაცხადის ფარგლებში წარმოდგენილი პერსონალური მონაცემების დამუშავება განხორციელდება შპს "გარდაბნის თბოსადგური 2"-ის მიერ (ს/კ: 426529759) (მათ შორის, უფლებამოსილი პირების მეშვეობით), მოქმედი კანონმდებლობის შესაბამისად. პერსონალური მონაცემების დამუშავების მიზანია კანდიდატის შესაბამისობის დადგენა არსებულ/სამომავლო ვაკანსიის მოთხოვნებთან, დასაქმების თაობაზე გადაწყვეტილების მიღების მიზნით. პერსონალური მონაცემები შეინახება არაუმეტეს 5 წლის ვადით. კანდიდატი განაცხადის წარმოდგენით ეთანხმება ზემოაღნიშნულს. იმ შემთხვევაში, თუ არ გსურთ მონაცემთა შემდგომი დამუშავება, გსურთ მონაცემთა ცვლილება ან წაშლა, გთხოვთ, დაგვიკავშირდეთ ელ. ფოსტის მისამართზე: hr@tpp.ge

დაგვიანებით გადმოგზავნილი აპლიკაცია არ მიიღება და არ დაექვემდებარება შერჩევას.

გთხოვთ არ შემოიტანოთ აპლიკაცია, თუ თქვენი განათლება და კვალიფიკაცია არ შეესაბამება ზემოთ მოცემულ მოთხოვნებს.

დაკავშირება მოხდება მხოლოდ შერჩეულ კანდიდატებთან.

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

ყველა ვაკანსია ერთ გვერდზე

ყველა ვაკანსია ერთ გვერდზე

ყველა ვაკანსია ერთ გვერდზე