|
დასახელება:
ოფისის მენეჯერი
|
| მომწოდებელი:
კრისტალბეთი
|
|
გამოქვეყნდა: 23 სექტემბერი
/ ბოლო ვადა: 23 ოქტომბერი
|
კომპანია "მარსი", რომელიც აზარტული თამაშების ბაზარზე კრისტალბეთის სახელით ოპერირებს 2011 წელს დაარსდა და ერთ-ერთ წამყვან პოზიციას იკავებს ბუკმეიკინგისა და ონლაინ თამაშების სფეროში.
2018 წლიდან კრისტალბეთი მსოფლიოში უმსხვილესი მულტინაციონალური ჰოლდინგური კომპანიის Entain, ყოფილი GVC ჰოლდინგის ერთ-ერთი ბრენდია და საქართველოში ექსკლუზიურ უფლებას ფლობს უმსხვილესი საერთაშორისო ჰოლდინგის პორტფოლიოში არსებული პროდუქტები რამდენიმემილიონიანი ჯეკპოტებით შესთავაზოს მომხმარებელს.
ექსკლუზიური, სრულყოფილი, დაცული ონლაინ სათამაშო პორტალი https://www.crystalbet.com/
მომხმარებელს თამაშის საუკეთესო გამოცდილებას და მომსახურების მხოლოდ მაღალ სტანდარტს სთავაზობს.
"კრისტალბეთი" აცხადებს ვაკანსიას ოფისის მენეჯერის პოზიციაზე.
კომპანიის თანამშრომლებისათვის შეთავაზების პაკეტი მოიცავს: კომფორტულ, მეგობრულ გარემოს, საინტერესო, გამოწვევებით სავსე სამუშაოს მაღალკვალიფიციური პროფესიონალების გუნდში, თვითრეალიზაციის შესაძლებლობებს, მაღალ, კონკურენტუნარიან ანაზღაურებას და დამატებით ბენეფიტებს.
სამუშაო განაკვეთი: სრული
სამუშაო გრაფიკი: ორშაბათი-პარასკევი (სტანდარტული)
მოვალეობები:
** კომპანიის საოფისე-ადმინისტრაციული საკითხების მართვა და ოფისის გამართული მუშაობის უზრუნველყოფა;
** ოფისში სამუშაო პროცესისათვის აუცილებელი გარემოსა და რეჟიმის, მათ შორის სანიტარულ-ჰიგიენური მოთხოვნების დადგენილ სტანდარტებთან შესაბამისობის უზრუნველყოფა და კონტროლი;
** შრომითი უსაფრთხოების სტანდარტების და ნორმების კონტროლი;
** დაქვემდებარებული თანამშრომლების კოორდინირება _ დასუფთავების გუნდის/დიასახლისების მიერ შესასრულებელი სამუშაოს დაგეგმვა-ორგანიზება-ზედამხედველობა/მონიტორინგის უზრუნველყოფა და შესრულებული სამუშაოს კონტროლი;
** დიასახლისებისთვის ეფექტური და სამართლიანი სამუშაო გრაფიკების შედგენისა და დავალებების სწორად დელეგირების უზრუნველყოფა;
** საჭიროების მიხედვით დასუფთავების სტანდარტებისა და გაიდლაინების შემუშავების, დიასახლისებისთვის გაცნობის და დანერგვის უზრუნველყოფა;
** ოფისისთვის საჭირო საკანცელარიო და საყოფაცხოვრებო პროდუქციის შესყიდვასთან დაკავშირებული პროცესების მართვა და მარაგების კონტროლი;
** ადმინისტრაციულ საკითხებთან დაკავშირებული ხელშეკრულებების/მიღება-ჩაბარების აქტების გაფორმება/განახლება/მონიტორინგი;
** დოკუმენტების კონტროლი და მოწესრიგება;
** შემომავალი და გამავალი კორესპონდენციის მართვა;
** შეხვედრების ორგანიზება და ვიზიტორების მიღება-გასტუმრება;
** კომპანიის დირექტორებისთვის/პარტნიორებისთვის/სტუმრებისთვის წყალი/ყავა/ჩაის შეთავაზება და გამასპინძლება;
** საჭიროების შემთხვევაში, ხელმძღვანელი პირების სამოგზაურო საკითხების მართვა (ვიზა, სასტუმროს ჯავშანი, ავიაბილეთების შეძენა);
** თანამშრომლების მხარდაჭერა ყველა ადმინისტრაციულ საკითხში;
** ანგარიშგება და მოთხოვნისამებრ პერიოდული რეპორტების წარმოება HR და ადმინისტრაციის დეპარტამენტის უფროსთან;
** საჭიროებისამებრ დირექტორის მიერ მიცემული სხვადასხვა დავალებების შესრულება.
მოთხოვნები და პიროვნული თვისებები/უნარ-ჩვევები:
** უმაღლესი განათლება;
** სასურველია იგივე პოზიციაზე მუშაობის გამოცდილება;
** ქართულ ენაზე გამართული/ბრწყინვალე წერითი და ზეპირი კომუნიკაციის უნარი;
** ინგლისური და რუსული ენის საკომუნიკაციო დონეზე ცოდნა სავალდებულოა;
** საოფისე პროგრამების ცოდნა;
** ინდივიდუალური და გუნდური მუშაობის უნარი;
** მოტივირებული და ორგანიზებული;
** კეთილგანწყობილი და თავაზიანი;
** პასუხისმგებლობიანი და ინიციატივიანი.
დაინტერესებულ კანდიდატებს გთხოვთ გამოგვიგზავნოთ CV მისამართზე: vacancy@crystalbet.com არა უგვიანეს 2025 წლის 23 ოქტომბრისა. გთხოვთ, წერილის თემის გრაფაში მიუთითოთ ვაკანსიის დასახელება, წინააღმდეგ შემთხვევაში თქვენი განაცხადი არ/ვერ განიხილება.
გისურვებთ წარმატებებს!
შპს "მარსის" მიერ გამოცხადებულ წინამდებარე ვაკანსიაზე გამოხმაურების შემთხვევაში, მათ შორის, თქვენი რეზიუმეს (CV) გამოგზავნით, თქვენ:
ეთანხმებით, რომ შპს "მარსი" უფლებამოსილია, კანონმდებლობით დადგენილი წესით, მიზნით, მოცულობითა და ვადით დაამუშაოს თქვენი პერსონალური მონაცემები.
ანიჭებთ შპს "მარსს" უფლებას, თქვენი დასაქმების შესახებ უარყოფითი გადაწყვეტილების მიღების შემთხვევაში, თქვენგან მიღებული ინფორმაცია, მათ შორის, პერსონალური მონაცემები, შეინახოს და დაამუშაოს მათი მიღებიდან 1 (ერთი) წლის განმავლობაში, დასაქმების შემდგომი შემოთავაზების ან/და საკანონმდებლო ვალდებულებების შესრულების მიზნით.
დამატებით, გაცნობებთ, რომ ნებისმიერ დროს უფლება გაქვთ გამოიხმოთ დამუშავებაზე გაცემული თანხმობა. ამ შემთხვევაში, ჩვენ შევწყვეტთ მონაცემთა დამუშავებას ან/და წავშლით/გავანადგურებთ დამუშავებულ მონაცემებს, გარდა იმ შემთხვევისა, როდესაც არსებობს მონაცემთა დამუშავების კანონით გათვალისწინებული სხვა საფუძველი.
დაუსაქმებლობის შემთხვევაში ამ ვადის გასვლისთანავე შპს "მარსი" სრულად გაანადგურებს თქვენ მიერ გამოგზავნილ რეზიუმეს (CV) და კომპანიაში არსებულ პერსონალურ მონაცემებს.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
