|
დასახელება:
პურის მცხობელი
|
| მომწოდებელი:
მარგალიტი ქოლექშენი
|
|
გამოქვეყნდა: 02 ივლისი
/ ბოლო ვადა: 02 აგვისტო
|
"მარგალიტი ქოლექშენი" აცხადებს ვაკანსიას პურის მცხობლის პოზიციაზე.
თუ ხართ ენერგიული, პასუხისმგებლობის მქონე და გაქვთ გამოცდილება ცხობასა და პურის დამზადებაში, შემოგვიერთდით ჩვენს მეგობრულ გუნდს! ჩვენ ვეძებთ ადამიანს, რომელსაც უყვარს ნატურალური, ხარისხიანი ინგრედიენტებით მუშაობა და მზადაა, სტუმრებს დაუვიწყარი გემოები შესთავაზოს.
სამუშაო ადგილი: თბილისი, პეტრიაშვილის #1
ანაზღაურება: სამუშაო გრაფიკის, ასევე კანდიდატის გამოცდილებისა და კვალიფიკაციის გათვალისწინებით.
ჩვენ გთავაზობთ:
** სტაბილურ და დინამიკურ სამუშაო გარემოს, სადაც თქვენი წვლილი დაფასდება.
** შესაძლებლობას, გახდეთ მეგობრული და პროფესიონალური გუნდის ნაწილი.
** მზარდ განვითარების შესაძლებლობებს და ახალი საცხობი ტექნიკის ათვისებას.
** მუშაობას უმაღლესი ხარისხის, ნატურალურ ინგრედიენტებთან, მათ შორის საკუთარი ფერმიდან მიღებულ რძის პროდუქტებთან.
ფუნქცია-მოვალეობები:
** პურის პროდუქტების მაღალი სტანდარტით მომზადება: სხვადასხვა სახის პურის, და პურის პროდუქტების მომზადება ხარისხის სტანდარტების სრული დაცვით, კრეატიული მიდგომითა და ინოვაციური ხედვით.
** ინგრედიენტების შესყიდვა: საჭირო ინგრედიენტების შეკვეთა ადგილობრივი ბაზრიდან ან სხვა მომწოდებლებისგან, ხარისხის, სიახლისა და რაციონალური ბიუჯეტის გათვალისწინებით.
** საკვები პროდუქტების სწორად შენახვა: ნედლეულის მიღება, დამუშავება და შენახვა, HACCP-ის სტანდარტის და სანიტარულ-ჰიგიენური ნორმების შესაბამისად.
** სამზარეულოს სისუფთავე და ჰიგიენა: სამუშაო სივრცის, საცხობი აღჭურვილობისა და ინვენტარის მუდმივი სისუფთავის, სანიტარულ-ჰიგიენური ნორმების და უსაფრთხოების წესების უმკაცრესი დაცვა.
** ინვენტარიზაციაში მონაწილეობა: საცხობის მარაგების კონტროლში მონაწილეობა, პროდუქციის დროული შევსების უზრუნველყოფა და ნარჩენების მინიმიზაცია.
** მენიუს განვითარება: მენიუს განახლებაში მონაწილეობა და ახალი, ორიგინალური საცხობი პროდუქტების შექმნაში წვლილის შეტანა, "ფერმიდან მაგიდამდე" კონცეფციის გათვალისწინებით.
** გუნდური მუშაობა: საცხობის გუნდის წევრებთან ეფექტური კომუნიკაცია და საერთო მიზნებისთვის მუშაობა.
აუცილებელი უნარები და პიროვნული თვისებები:
** პურის მცხობლად მუშაობის გამოცდილება: აღნიშნულ პოზიციაზე (ან მსგავს სფეროში) მუშაობის მინიმუმ 3 წლიანი გამოცდილება ჩაითვლება პრიორიტეტად.
** ცხობის უნარები: სხვადასხვა სახის პურის, ნამცხვრებისა და საცხობი პროდუქტების დამზადების გამოცდილება.
** რეცეპტურის ცოდნა და დაცვა: პროდუქციის რეცეპტურის ათვისების, ზუსტად დაცვისა და ხარისხის კონტროლის უნარი.
** ორგანიზებულობა და დეტალებზე ორიენტაცია: შეკვეთების სიზუსტე, სამუშაო ადგილის მოწესრიგება და მაღალი ხარისხის სტანდარტების დაცვა.
** პასუხისმგებლობის მაღალი გრძნობა: მოვალეობების მიმართ კეთილსინდისიერი დამოკიდებულება და სისუფთავის უმკაცრესი დაცვა.
** პუნქტუალურობა და ენერგიულობა: დროის ეფექტურად მართვის უნარი და დინამიურ გარემოში მუშაობის მოტივაცია.
** სტრესულ სიტუაციებში მუშაობის უნარი: მაღალი დატვირთვის დროს ეფექტურად მუშაობისა და სწორი გადაწყვეტილებების მიღების უნარი.
** გუნდური მუშაობის უნარი: თანამშრომლებთან ჰარმონიული თანამშრომლობა და საერთო მიზნებისთვის მუშაობა.
"მარგალიტი ქოლექშენის" შესახებ:
"მარგალიტი ქოლექშენი" არის უნიკალური კონცეფცია, რომელიც აერთიანებს კაფესა და სპეციალიზებულ მაღაზიას, სადაც წარმოდგენილია საქართველოს საუკეთესო, აგრარული წარმოშობის ქართული პროდუქტები. ჩვენი ობიექტი განასახიერებს "ფერმიდან მაგიდამდე" კონცეფციას, რაც გულისხმობს, რომ ყველა პროდუქტი - ახალი ყველი საკუთარი მეურნეობიდან, პიცა, სენდვიჩები თუ საკონდიტრო ნაწარმი - უმაღლესი ხარისხის, ხელით მოყვანილი ინგრედიენტებით მზადდება. გარდა რძის პროდუქტებისა, "მარგალიტი" აღმოაჩენს და მომხმარებელს სთავაზობს საქართველოს სხვა "მარგალიტის პროდუქტებს" - მათ შორის, ნატურალურ თაფლს, მურაბებს, მაღალმთიან ჩაის, პრემიუმ ღვინოს და ხელნაკეთ ალკოჰოლურ სასმელებს. ჩვენი მიზანია, მხარი დავუჭიროთ ახალგაზრდების განათლებას და ქართული მდგრადი სოფლის მეურნეობის მომავალს.
დაინტერესებულ კანდიდატებს გთხოვთ, გამოაგზავნოთ თქვენი რეზიუმე (CV) ელექტრონულ მისამართზე: margaliticollection@gmail.com. გთხოვთ, ელ. ფოსტის სათაურის ველში (Subject) აუცილებლად მიუთითოთ პოზიციის დასახელება: "პურის მცხობელი".
გისურვებთ წარმატებებს!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
