ჯობს.გე - სასტუმროს საოპერაციო მენეჯერი

სასტუმროს საოპერაციო მენეჯერი - ჩაქვი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: სასტუმროს საოპერაციო მენეჯერი

მომწოდებელი: Dreamland Oasis in Chakvi

გამოქვეყნდა: 30 აპრილი / ბოლო ვადა: 30 მაისი

"Dreamland Oasis Chakvi" წარმოადგენს საქართველოში პირველ, პრემიუმ კლასის დასასვენებელ და საცხოვრებელ კომპლექსს, რომელიც მდებარეობს დაბა ჩაქვში, აჭარის ულამაზეს მთიანეთსა და შავი ზღვის სანაპიროს შორის. კომპლექსი აერთიანებს პრემიუმ კატეგორიის სასტუმროს, საცხოვრებელ აპარტამენტებს, ასევე გართობისა და დასვენებისათვის განკუთვნილ სივრცეებს.
კომპანიის შესახებ დამატებითი ინფორმაციისათვის ეწვიეთ ჩვენს ონლაინ პლატფორმებს:

https://www.linkedin.com/company/4870928/admin/
https://www.facebook.com/dreamlandoasishotel/?ref=pages_you_manage
https://www.instagram.com/dreamlandoasis_chakvi/

კომპანია აცხადებს ვაკანსიას სასტუმროს საოპერაციო მენეჯერის პოზიციაზე.

სამუშაო გრაფიკი - სრული
სამუშაო ადგილი - ჩაქვი
უშუალო ხელმძღვანელი - სასტუმროს გენერალური მენეჯერი

ძირითადი ფუნქცია-მოვალეობები:

** სრული პასუხისმგებლობა დაქვემდებარებული დეპარტამენტების (მიღება-განთავსების, დასუფთავების, სამრეცხაოს, დაცვის, ტექნიკური და IT) ეფექტური მართვასა და გამართულ მუშაობაზე;
** ოპერაციული პროცედურებისა და მომსახურების სტანდარტების შემუშაბება, დანერგვა და შემდგომ განვითარებაზე ზრუნვა;
** სასტუმროს საოპერაციო დეპარტამენტების ხელმძღვანელების მხარდაჭერა სასტუმროს მართვის ყველა ასპექტში;
** სასტუმროს ოთახების ფუნქციონირებაზე და მუდმივ მზადყოფნაზე ზრუნვა;
** საოპერაციო დეპარტამენტების შესყიდვების/რეკვიზიციის მონიტორინგი;
** საწყობების ინსპექტირება მარაგების შესამოწმებლად;
** საოპერაციო დეპარტამენტებში სტაფინგის დაგეგმვა, ცვლების ოპტიმალური განრიგის შედგენა და ადამიანური რესურსის ეფექტური გამოყენება;
** გუნდური მუშაობის მხარდაჭერა და დასაქმებულთა მოტივაცია;
** რეპორტინგი და საოპერაციო მონაცემების ანალიზი გაუმჯობესებისთვის;
** სტუმრების კმაყოფილების მუდმივი კვლევა და შეფასება. ყველა საჩივრის დაუყოვნებლივ, თავაზიანად და დამაკმაყოფილებლად განხილვა;
** დაქვემდებარებული თანამშრომლების სამუშაო-აღწერილობების შემუშავება, მათი უფლებამოსილებებისა და პასუხისმგებლობების ნათლად განსაზღვრა, სამუშაო პროცესში იმპლემენტაცია და შესრულების მონიტორინგი;
** პერსონალის კვალიფიკაციის იდენტიფიცირება და მათ განვითარებაზე მუდმივი ზრუნვა;
** შესაბამისი რეპორტინგის წარმოება დადგენილი პერიოდის მიხედვით უშუალო ხელმძღვანელთან.

საკვალიფიკაციო მოთხოვნები:

** სასტუმროს საოპერაციო მენეჯერის პოზიციაზე მუშაობის მინიმუმ 2 წლიანი გამოცდილება;
** სასტუმროს მართვის პროცესების სიღრმისეული ცოდნა;
** ლიდერული და კომუნიკაციის უნარები;
** რუსული და ინგლისური ენების მაღალ დონეზე ცოდნა;
** სასტუმროს საოპერაციო პროგრამების სიღრმისეული ცოდნა;

პიროვნული თვისებები:

** პასუხისმგებლობის მაღალი გრძნობა;
** შრომისმოყვარე;
** მართვის/ლიდერობის უნარი;
** პრობლემების გადაჭრის უნარი;
** ორგანიზებული;
** სერვისზე/მომსახურებაზე ორიენტირებული;

ჩვენ გთავაზობთ:

** კორპორატიულ დაზღვევას
** კვებას

შერჩევის ეტაპები:

1. განაცხადების გადარჩევა
2. გასაუბრება

დაინტერესებულ პირებს, გთხოვთ, გამოაგზავნოთ თქვენი რეზიუმე (CV) შემდეგ ელექტრონულ მისამართზე: vacancy@hoteloasis.ge გთხოვთ, სათაურში (subject) მიუთითოთ ვაკანსიის დასახელება - "სასტუმროს საოპერაციო მენეჯერი"

დაკავშირება მოხდება მხოლოდ შერჩეულ კანდიდატებთან.

გისურვებთ წარმატებას!

აპლიკანტის ინფორმირება:

მე, როგორც აპლიკანტი, ჩემი სააპლიკაციო განაცხადის ან/და რეზიუმეს (CV) შპს "დრიმლენდ ოაზისი"-ს ელექტრონულ ფოსტაზე გამოგზავნით ვადასტურებ, რომ შპს "დრიმლენდ ოაზისი"-ს მხრიდან ინფორმირებული ვარ შემდეგზე:
1. ჩემ მიერ მიწოდებულ პერსონალურ მონაცემებს დაამუშავებს შპს "დრიმლენდ ოაზისი" (ტელ: 032 247 22 33).
2. ჩემი პერსონალური მონაცემები, შპს "დრიმლენდ ოაზისი"-ს მიერ მუშავდება "პერსონალურ მონაცემთა დაცვის შესახებ" საქართველოს კანონის, მათ შორის აღნიშნული კანონის მე-5 მუხლის პირველი პუნქტის "ბ" (ჩემთან გარიგების დასადებად) და "კ" (ჩემი რეზიუმეს განსახილველად) ქვეპუნქტების საფუძველზე, ჩემთან სახელშეკრულებო/შრომითი ურთიერთობის დამყარების მიზნით.
3. ჩემ მიერ პერსონალური მონაცემების მიწოდება სავალდებულოა/აუცილებელია ჩემი კანდიდატურის განსახილველად, ხოლო, მიუწოდებლობა წარმოადგენს შპს "დრიმლენდ ოაზისი"-ს მიერ ჩემი კანდიდატურის განხილვაზე უარის თქმის საფუძველს.
4. შპს "დრიმლენდ ოაზისი"-ს პერსონალურ მონაცემთა დაცვის ოფიცერია შპს "შრომის უსაფრთხოების მენეჯმენტის ჯგუფი" (ტელ: +995 577 208 787).
5. ჩემი პერსონალური მონაცემების დამუშავების პროცესში ჩართულია იმ დეპარტამენტის ხელმძღვანელი, რომელსაც ეკუთვნის ვაკანსია და ადამიანური რესურსების დეპარტამენტის ის თანამშრომლები, რომლებიც უშუალოდ არიან ჩართული შერჩევის პროცესში. თითოეულ მათგანს გაცნობიერებული აქვს პერსონალური მონაცემების დაცვის მნიშვნელობა და ნაკისრი აქვს მათი დაცვის ვალდებულება.
6. შპს "დრიმლენდ ოაზისი" არ გეგმავს ჩემი პერსონალური მონაცემების სხვა პირებისათვის გადაცემას, მათ შორის საერთაშორისო გადაცემას.
7. ჩემი პერსონალური მონაცემები ინახება ჩემ მიერ მისი მიწოდებიდან არაუმეტეს 1 (ერთი) წლისა, ხოლო, ჩემთან შრომითი ხელშეკრულების გაფორმების შემთხვევაში, მიღებული იქნება დამატებითი გადაწყვეტილება ჩემი პერსონალური მონაცემების დამუშავების ვადებთან დაკავშირებით.
8. მაქვს შემდეგი უფლებები: მონაცემთა დამუშავების შესახებ ინფორმაციის მიღების უფლება; მონაცემთა გაცნობისა და ასლის მიღების უფლება; მონაცემთა გასწორების, განახლებისა და შევსების მოთხოვნის უფლება; მონაცემების დამუშავების შეწყვეტის, წაშლის ან განადგურების მოთხოვნის უფლება; მონაცემთა დაბლოკვის მოთხოვნის უფლება; მონაცემთა გადატანის მოთხოვნის უფლება; თანხმობის გამოხმობის უფლება; "პერსონალურ მონაცემთა დაცვის შესახებ" საქართველოს კანონით გათვალისწინებული ჩემი უფლებების და აღნიშნული კანონით დადგენილი წესების შპს "დრიმლენდ ოაზისი"-ს მიერ დარღვევის შემთხვევაში, პერსონალურ მონაცემთა დაცვის სამსახურში ან სასამართლოში გასაჩივრების უფლება.

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

ყველა ვაკანსია ერთ გვერდზე