კომპანია "BENTO"-ი აცხადებს ვაკანსიას დამხმარე კონსულტანტის პოზიციაზე
კომპანია გახლავთ სწრაფი კვების ობიექტი, რომელსაც გააჩნია მზა ცხელი და ცივი კერძების, კონდიტერიისა და საცხობი მიმართულებები. გავიხსენით 11 თვის წინ და სულ უფრო და უფრო პოპულარული ვხდებით მომხმარებლებისათვის იმ ძალისხმევის გამო, რასაც ვიჩენთ სტაბილური, მაღალი ხარისხის პროდუქტის მიწოდების დამკვიდრებაში.
ტერიტორიულად ვართ თბილისში, ა.პოლიტკოვსკაიას 33ა-ში, მოსახლეობის და ოფისების რიცხოვნობის სწრაფად მზარდ ლოკაციაზე.
ვეძებთ ყურადღებიან, საქმის მოყვარულ, პასუხისმგებლობიან, მომხმარებლის კმაყოფილებაზე ორიენტირებულ პიროვნებას, რომელსაც აქვს ფრონტში, გაყიდვების ხაზზე მუშაობის გამოცდილება და დაიკავებს მოლარე-ოპერატორის დამხმარე კონსულტანტის პოზიციას.
ფუნქცია-მოვალეობები:
** ფრონტის ხაზზე დახმარება, რაც მოიაზრებს ყავის მომზადებას აპარატზე (ამერიკანო, კაპუჩინო, ლატე, ესპრესო), ასევე ცივი ყავის, ცხელი შოკოლადის, შეიკების მომზადება;
** მომხმარებლის მიერ არჩეული საკონდიტრო ნაწარმის, საცხობის ნამზადების (ხაჭაპური, ლობიანი, პიცა და ა.შ.), ასევე ცხელი და ცივი მზა კერძების თავმოყრა, ყუთებში ან პაკეტებში მოთავსება, გამზადება გასატანებლად;
** გლოვო, ვოლტის და სხვა საკურიერო მიწოდების სისტემების გეჯეტებთან მუშაობა, შეკვეთის მიღება-გაგზავნა და შესაბამისი მანიპულაციები. სატელეფონო შეკვეთების მიღება კერძებზე და კონტროლი მათ შესრულებაზე;
** დარბაზის მხრიდან რეგულარული შემოწმება სარეალიზაციო დახლების, კონტროლი კერძების/ნამზადების უწყვეტობაზე, კერძების ოდენობის შემცირების შემთხვევაში სამზარეულოსთვის მათ დამატებაზე ინფორმაციის დროულად გადაცემა; ასევე სამზარეულოდან მოწოდებული მზა კერძების განთავსება დახლებზე, მაცივრებში, სიმეტრიულ და გეომეტრიულ სისწორეში, მარკეტინგული კუთხით მიმზიდველად;
** სეზონური ხილის (მარწყვი, ბალი, ალუჩა, ანანასი, ციტრუსი და ა.შ.) გარჩევა, გარეცხვა, დაჭრა (საჭიროების შემთხვევაში) და კონტეინერებში სერვირება საცალო გაყიდვებისთვის;
** სამზარეულოში მომზადებული კომპოტების სერვირება პლასტიკის ბოთლებში, ეტიკეტირება და ფრონტის მაცივრებში მათი დალაგება;
** საცხობიდან გამოსული და გაგრილებული თითო ულუფა მშრალი ნამცხვრების და პურის როლების შეფუთვა პაკეტებში და ეტიკეტირება, მათი განთავსება სარეალიზაციო დახლებზე;
** ფრონტის ხაზზე სისუფთავეზე ზედამხედველობა და რეაგირებები, ხელსაწმენდების, ერთჯერადი დანა-ჩანგლის, ერთჯერადი შაქრის, და სხვა დამხმარე პროდუქტების და ნივთების უწყვეტად წარმოდგენაზე კონტროლი;
** მუდმივი მომართულობა და მცდელობა გაიზარდოს კომპანიის გაყიდვების რიცხვი, ამ გზაზე მაქსიმალური მარკეტინგული კრეატიულობის და ესთეტიურობის გამოჩენა, კლიენტთა კმაყოფილების მოპოვებით და კომპანიის რეპუტაციული ზრდით.
** ასევე იმ სამუშაოების და დავალებების შესრულება, რომელიც ხელმძღვანელობის მხრიდან შესაძლოა დაევალოს კადრს, აქ ვერ მოხდა მათი განჭვრეტა, მაგრამ შინაარსობრივად ეხება ზემოაღნიშნულ სამუშაოთა სპექტრს და ემსახურება ფრონტის ხაზის ეფექტურ ფუნქციონირებას.
უნარ-ჩვევები:
** ყურადღებიანი.
** გუნდში მუშაობის უნარი.
** პასუხისმგებლობის გრძნობა.
** მუდმივ კონტაქტზე ყოფნა ხელმძღვანელობასთან მობილური ტელეფონის საშუალებით, საკომუნიკაციო აპლიკაცია WhatsApp-ით.
სამუშაო პირობები:
** სამუშაო რეჟიმი 5/2, დასვენების დღეები შაბათი-კვირა.
** დღიურად მუშაობა 12:00 საათიდან 21:00-მდე. (მათში 1 საათი შესვენების დრო).
** ანაზღაურება 1200 ლარი. ფირმა ასევე უზრუნველყოფს კადრს კვებით.
თუ თვლით, რომ აკმაყოფილებთ ზემოაღნიშნულ პირობებს და გაქვთ სურვილი, შემოუერთდეთ ჩვენს გუნდს, გთხოვთ დაგვირეკოთ 599 188 229, ან მოგვწეროთ WhatsApp-ზე.
(სარეზერვო ნომერი საკონტაქტოდ, თუკი ზემოაღნიშნულ ნომერს ვერ დაუკავშირდით - 599 704228).
სამუშაოს დაწყება შესაძლებელია თქვენს პირველ შესაძლებლობისთანავე.
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე