იშბანკი საქართველო

სს "იშბანკი საქართველო" წარმოადგენს "თურქეთის იშბანკის" შვილობილ კომპანიას. "თურქეთის იშბანკი" (Türkiye İş Bankası) უმსხვილესი კერძო ბანკია, რომელსაც 2024 წელს 100 წელი შეუსრულდა. ბანკს აქვს თურქეთის მასშტაბით, კერძო ბანკებს შორის, ფილიალების ყველაზე დიდი ქსელი და ოპერირებს 11 ქვეყანაში, მათ შორის საქართველოში.

"თურქეთის იშბანკი" საქართველოს ბაზარზე 2012 წელს შემოვიდა, როდესაც მისი ბათუმის ფილიალი გაიხსნა. 2015 წელს მოხდა ფილიალის რეორგანიზაცია, რის შედეგად შეიქმნა სს "იშბანკი საქართველო" და განაგრძო ფუნქციონირება, როგორც დამოუკიდებელმა ბანკმა. დღეს სს "იშბანკი საქართველო" იურიდიულ პირებს სთავაზობს საბანკო პროდუქტებისა და მომსახურების ფართო არჩევანს.

დამატებითი ინფორმაციისთვის იხილეთ: http://www.isbank.ge