აიტი სერვისების კომპანია "F1 - კომპიუტერული სერვისი" აცხადებს ვაკანსიას B2B გაყიდვების მენეჯერის პოზიციაზე.
კომპანიის შესახებ ინფორმაციას შეგიძლიათ გაეცნოთ ბმულზე - https://f1.com.ge/
ჩვენ ვეძებთ შედეგზე ორიენტირებულ კანდიდატს, რომლის ამოცანა იქნება ახალი ბიზნეს-პარტნიორობების ინიცირება და კომპანიის პორტფელის გაფართოება IT აუთსორსინგის მიმართულებით.
ძირითადი ფუნქციები და მოვალეობები:
თქვენი პასუხისმგებლობა იქნება გაყიდვების ციკლის ყველაზე კრიტიკული, საწყისი ეტაპის მართვა - პოტენციური კლიენტების იდენტიფიცირება და მათთან ბიზნეს-კომუნიკაციის დამყარება.
** IT სერვისებით პოტენციურად დაინტერესებული ორგანიზაციების მოძიება და პირველადი კონტაქტის დამყარება;
** პოტენციური კლიენტის საჭიროებების პირველადი დიაგნოსტიკა და აუთსორს მომსახურების უპირატესობების არგუმენტირებული პრეზენტაცია;
** კვალიფიციური ლიდების მომზადება და საქმიანი შეხვედრების ჩანიშვნა აუთსორსინგის მიმართულების მენეჯერთან კოლაბორაციით.
შეხვედრის ჩანიშვნის შემდეგ პროცესში ერთვება აუთსორსინგის მენეჯერი, რომელიც ტექნიკურ გუნდთან ერთად უძღვება შემდგომ პროცესებს - ამზადებს შეთავაზებას და ხურავს ლიდს კონტრაქტის საბოლოო გაფორმებით.
ჩვენ მკაფიოდ გვაქვს გამიჯნული ფუნქციები, რათა თქვენი ფოკუსი მხოლოდ შედეგზე იყოს მიმართული.
რატომ ჩვენი გუნდი?
** ბრენდის რეპუტაცია: "F1" ბაზარზე ცნობილია, როგორც მაღალი სანდოობის მქონე IT პარტნიორი. ჩვენი სერვისების შეთავაზება ნიშნავს, რომ თქვენს ზურგს უკან დგას ძლიერი ტექნიკური გუნდი და მრავალწლიანი წარმატებული ქეისები;
** მოთხოვნადი პროდუქტი: თქვენ ყიდით IT აუთსორსინგს - ეს არის კონტრაქტზე დაფუძნებული მომსახურების მოდელი, რომელზეც მოთხოვნა ბიზნეს-სექტორში მზარდია. ჩვენი შეთავაზება არის მაღალკონკურენტული და მორგებული თანამედროვე ბიზნესის საჭიროებებზე.
სამუშაო პირობები და ანაზღაურება:
** ანაზღაურების მოდელი: ფიქსირებული ხელფასი + მაღალი საბონუსე სისტემა;
** ზრდის შესაძლებლობა: ანაზღაურებას არ აქვს ზედა ზღვარი. თქვენ იღებთ ბონუსს თითოეულ დანიშნულ ხარისხიან შეხვედრაზე და დამატებით პროცენტს ყოველი მოგებული კონტრაქტიდან;
** სტრუქტურა: ჩვენთან დაგხვდებათ მოწესრიგებული სამუშაო პროცესი, ავტომატიზებული ინსტრუმენტები და სრული მხარდაჭერა გუნდის მხრიდან;
** ფორმატი: თავისუფალი და შედეგზე ორიენტირებული გრაფიკი.
განაცხადის მიღების წესი:
დაინტერესებულ პირებს გთხოვთ, ელექტრონულ მისამართზე guga@f1.com.ge გამოაგზავნოთ შემდეგი ინფორმაცია:
** რეზიუმე (CV);
** მოკლე ხედვა (3-4 წინადადება), სადაც აღწერთ თქვენს სტრატეგიას ახალი კლიენტების მოძიებისა და "შეღწევისთვის", ასევე იმას, თუ როგორ წარმოგიდგენიათ ყოველდღიური სამუშაო პროცესი.
გაითვალისწინეთ, რომ კანდიდატები, რომლებიც არ წარმოადგენენ აღნიშნულ მოკლე ხედვას, არ განიხილებიან.
ბოლო ვადა: 10 ნოემბერი.
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე