"თბილისის სამართლის სკოლა და ზვიად კორძაძის საადვოკატო ბიურო" აცხადებს მიღებას მოქმედი იურისტებისა და ადვოკატებისთვის სასწავლო პროგრამაზე "ადვოკატის პრაქტიკული უნარ-ჩვევები და პროფესიული საქმიანობის ორგანიზება".
პროგრამა მოიცავს თორმეტ 2-საათიან ინტენსიურ სესიას, რომელიც მიმართულია ადვოკატებსა და იურისტებში შემდეგი უნარების განვითარებაზე:
** კლიენტთან ურთიერთობა: პირველი შეხვედრის დაგეგმვა და განხორციელება, ფაქტებისა და კლიენტის შეხედულებების გამიჯვნა, კლიენტის მოლოდინების მართვა, საქმის სამართლებრივი და პრაქტიკული რისკების იდენტიფიცირება;
** მომსახურების საფასურის განსაზღვრა: ჰონორარის სხვადასხვა მოდელის გამოყენება, ხარჯებისა და ანაზღაურების წესის შეთანხმება;
** პროფესიული კომუნიკაცია: კლიენტისთვის საქმის მიმდინარეობის შესახებ ინფორმაციის მიწოდება, პროფესიული წერილებისა და ანგარიშების მომზადება, მოლაპარაკება და მეორე მხარესთან კომუნიკაცია;
** სასამართლოში გამოსვლა: ზეპირი პოზიციის ლაკონურად და სტრუქტურირებულად ჩამოყალიბება, მოსამართლის კითხვებზე რეაგირება;
** ხელოვნური ინტელექტის (AI) ეფექტური და ეთიკური გამოყენება საადვოკატო საქმიანობაში;
** რეკლამა, როგორც საადვოკატო საქმიანობის ორგანიზების საშუალება და არა კლიენტის მოპოვების არასწორი გზა.
პრაქტიკული სწავლება: რეალური შემთხვევების (ქეისების) განხილვა, პროფესიული სიტუაციების მოდელირება, AI ინსტრუმენტებთან მუშაობა და ინდივიდუალური უკუკავშირი.
მიღებული ცოდნა გამოგადგებათ ყოველდღიურ პრაქტიკაში — ახალი კლიენტის მიღებისას, ჰონორარის შეთანხმებისას, საქმის წარმართვისას, სასამართლო სხდომისთვის მომზადებისას და საკუთარი პრაქტიკის ორგანიზებისას.
პროგრამის წარმატებით დასრულების შემდეგ მონაწილეებზე გაიცემა სერტიფიკატი.
პროგრამას გაუძღვება ზვიად კორძაძე — ადვოკატი 30-წლიანი პრაქტიკული გამოცდილებით, "კორძაძის საადვოკატო ბიუროს" მმართველი პარტნიორი, ქართულ-ამერიკული უნივერსიტეტის პროფესორი და საქართველოს იურიდიული ფირმების ასოციაციის თავმჯდომარე.
დაწყება: 5 ნოემბერი, 2026
შეხვედრები: ორშაბათს და ხუთშაბათს, 20:00 საათზე
ადგილი: თბილისი, პეკინის გამზირი 36ა, II სართული
საფასური: 1400 ლარი
ფასდაკლება: 31 ოქტომბრის ჩათვლით (23:59 საათამდე) რეგისტრირებული მონაწილეებისთვის [- 20%], ანუ საფასური 1120 ლარი
რეგისტრაციის ბოლო ვადა: 3 ნოემბერი, 2026
მონაწილეთა რაოდენობა შეზღუდულია.
რეგისტრაცია: https://forms.gle/KA5EVd1FBGHg4e45A
დამატებითი ინფორმაცია:
info@tbilisilawschool.ge
ტელ.: 592 00 14 20
https://www.facebook.com/TbilisiLawSchool
სკოლის შესახებ:
თბილისის სამართლის სკოლა 2016 წელს დაარსდა იურიდიულ სფეროში მოღვაწე პროფესიონალი იურისტების მიერ. სკოლა მოქმედ იურისტებსა და ადვოკატებს სთავაზობს უწყვეტ პროფესიულ სწავლებას — პროფესიული უნარების დახვეწასა და ცოდნის რეგულარულ განახლებას. სკოლის პარტნიორები არიან: "კორძაძის საადვოკატო ბიურო" და "ზვიად კორძაძის გამომცემლობა".
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე