|
დასახელება:
საერთაშორისო შესყიდვების სპეციალისტი
|
| მომწოდებელი:
ელტეგი
|
|
გამოქვეყნდა: 02 ივნისი
/ ბოლო ვადა: 02 ივლისი
|
კომპანია "ელტეგი" 2007 წელს დაარსდა და წარმოადგენს ლიფტების, ესკალატორებისა და სხვა ამწე საშუალებების იმპორტიორ, სამონტაჟო და მომსახურე კომპანიას, რომელიც ISO მენეჯმენტის ხარისხის სტანდარტის მიხედვით ოპერირებს ბაზარზე. კომპანიის მიზანია აღნიშნულ სფეროში საქართველოს ბაზარზე ლიდერობა, ინოვაციების ძიება და დანერგვა, მუდმივი განვითარების გზით წინსვლა, პერსონალის კვალიფიკაციის მუდმივი ამაღლება და დამკვეთებისათვის მომსახურების მათზე მორგებული პაკეტების შეთავაზება, არსებული მრავალწლიანი გამოცდილების ოპტიმალურად გამოყენების გზით. სრული ინფორმაციისთვის ეწვიეთ ჩვენს ვებგვერდს: http://www.elteg.ge/
კომპანია "ელტეგი" აცხადებს ვაკანსიას საერთაშორისო შესყიდვების სპეციალისტის პოზიციაზე.
ადგილმდებარეობა: #44/3 ქეთევან წამებულის გამზ., #0103 თბილისი, საქართველო
სამუშაო გრაფიკი: სრული
ანაზღაურება: ფიქსირებული ხელფასი + კვარტალური ბონუსი
ძირითადი ფუნქცია-მოვალეობები:
** საერთაშორისო და ადგილობრივ მომწოდებლებთან მოლაპარაკებების წარმოება, კომერციული პირობების შეთანხმება;
** ახალი მწარმოებლებისა და მომწოდებლების მოძიება, შეფასება და მომწოდებელთა ბაზის მართვა;
** შესყიდვების მოთხოვნების ანალიზი, ფასთა შეთავაზებების მიღება, შედარება და ოპტიმალური შესყიდვის გადაწყვების მომზადება;
** იმპორტის პროცესის კოორდინაცია -შეკვეთიდან მიწოდებამდე, შესაბამისი დოკუმენტაციის კონტროლის ჩათვლით;
** საერთაშორისო გადაზიდვების ორგანიზება და მომწოდებლებთან/სატრანსპორტო კომპანიებთან კოორდინაცია;
** შესყიდვებთან დაკავშირებული ხარჯების ანალიზი, ბიუჯეტის კონტროლი და ოპტიმიზაციის შესაძლებლობების იდენტიფიცირება;
** ტექნიკურ და გაყიდვების გუნდებთან მჭიდრო თანამშრომლობა პროდუქციის სპეციფიკაციების, ვადებისა და მიწოდების პირობების შეთანხმების მიზნით;
** შესყიდვებისა და მიწოდების პროცესთან დაკავშირებული პერიოდული ანგარიშების მომზადება მენეჯმენტისთვის.
საკვალიფიკაციო მოთხოვნები:
** მინიმუმ 2 წლიანი სამუშაო გამოცდილება საერთაშორისო შესყიდვების, იმპორტის/ექსპორტის ან მიწოდების ჯაჭვის მართვის მიმართულებით;
** ინგლისური ენის ცოდნა - მაღალ დონეზე (წერილობით და ზეპირად);
** რუსული ენის ცოდნა - სამუშაო დონეზე;
** საოფისე პროგრამების (MS Excel, Word, Outlook) მაღალ დონეზე ცოდნა.
თუ თქვენ აკმაყოფილებთ ზემოთ მოყვანილ მოთხოვნებს, გთხოვთ, გამოაგზავნოთ თქვენი CV/რეზიუმე მისამართზე: llabadze@elteg.ge. სათაურის ველში, გთხოვთ, მიუთითოთ ვაკანსიის დასახელება " საერთაშორისო შესყიდვების სპეციალისტი " წინააღმდეგ შემთხვევაში თქვენი კანდიდატურა არ განიხილება. CV/რეზიუმეს გამოგზავნით თქვენ ადასტურებთ, რომ თანახმა ხართ, კომპანიამ დაამუშაოს და შეინახოს თქვენი პერსონალური მონაცემები "პერსონალურ მონაცემთა დაცვის შესახებ" საქართველოს კანონის შესაბამისად. მონაცემების შენახვის ვადაა 3 (სამი) წელი.
გისურვებთ წარმატებებს!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია