ჯობს.გე - აკადემიური თანამდებობები - მედიცინის ფაკულტეტი

აკადემიური თანამდებობები - მედიცინის ფაკულტეტი - ინგლისურენოვანი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: აკადემიური თანამდებობები - მედიცინის ფაკულტეტი

მომწოდებელი: უნილეველი

გამოქვეყნდა: 28 მაისი / ბოლო ვადა: 30 ივნისი

შპს "უნივერსიტეტი უნილეველი" 2026 წლის 25 მაისიდან აცხადებს ღია კონკურსს მედიცინის ფაკულტეტის დიპლომირებული მედიკოსის ინგლისურენოვან საგანმანათლებლო პროგრამაზე აკადემიური თანამდებობების დაკავების მიზნით. კონკურსი ცხადდება 23 (ოცდასამ) საშტატო ერთეულზე, შემდეგი მიმართულებებით:

** საბაზისო სამედიცინო დისციპლინები:

1. ასოცირებული პროფესორი-2 (ორი) საშტატო ერთეული,
2. ასისტენტ-პროფესორი - 2 (ორი) საშტატო ერთეული

** პრეკლინიკური დისციპლინები: ასისტენტ-პროფესორი - 2 (ორი) საშტატო ერთეული

** კლინიკური დისციპლინები:

1. პროფესორი - 1 (ერთი) საშტატო ერთეული,
2. ასოცირებული პროფესორი-5 (ხუთი) საშტატო ერთეული,
3. ასისტენტ-პროფესორი - 9 (ცხრა) საშტატო ერთეული,
4. ასისტენტი - 2 (ორი) საშტატო ერთეული

კონკურსში მონაწილეობის მისაღებად კანდიდატმა ელექტრონულად უნდა წარმოადგინოს
შემდეგი დოკუმენტები:

** პირადი განცხადება (დანართი N1);
** პირადობის დამადასტურებელი მოწმობის ასლი;
** CV (რეზიუმე), სადაც მითითებული იქნება გამოქვეყნებული სამეცნიერო ნაშრომების ჩამონათვალი;
** შესაბამისი აკადემიური ხარისხის დამადასტურებელი დოკუმენტის ასლი;
** სპეციალობის სერტიფიკატი (კლინიკური დისციპლინების შემთხვევაში);
** ინგლისური ენის ცოდნის დამადასტურებელი შესაბამისი დოკუმენტი;
** სსიპ - შინაგან საქმეთა სამინისტროს მომსახურების სააგენტოს მიერ გაცემული ცნობები "სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლეობის შესახებ" და "უფლების ჩამორთმევის შესახებ" ;
** ერთი სამეცნიერო ნაშრომი, რომელიც კანდიდატის აზრით საუკეთესოდ წარმოაჩენს მის კვლევით უნარებს.

კონკურსში მონაწილეობის მისაღებად, კონკურსანტმა უნდა დააკმაყოფილოს ქვემოთ მოყვანილი შესაბამისი კრიტერიუმები:

პროფესორის აკადემიურ თანამდებობაზე: დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს:

** სამეცნიერო-პედაგოგიური მუშაობის არანაკლებ 6 (ექვსი) წლის გამოცდილება;
** კლინიკური დისციპლინების შემთხვევაში - დამატებით სპეციალობის სერტიფიკატი და სულ მცირე ბოლო 9 (ცხრა) წელი კლინიკური გამოცდილება.
** სამეცნიერო პუბლიკაციების რაოდენობა და ხარისხი (განსაკუთრებით ბოლო 5 წლის განმავლობაში.

ასოცირებული პროფესორის აკადემიურ თანამდებობაზე:

** დოქტორის ან მასთან გათანაბრებული აკადემიური ხარისხი;
** სამეცნიერო-პედაგოგიური მუშაობის არანაკლებ 3 წლის გამოცდილება;
** კლინიკური დისციპლინების შემთხვევაში - დამატებით სპეციალობის სერტიფიკატი და სულ მცირე ბოლო 5 წელი კლინიკური გამოცდილება;
** სამეცნიერო პუბლიკაციების რაოდენობა და ხარისხი (განსაკუთრებით ბოლო 5 წლის განმავლობაში).

ასისტენტ-პროფესორის აკადემიურ თანამდებობაზე:

** დოქტორის ან მასთან გათანაბრებული აკადემიური ხარისხი;
** კლინიკური დისციპლინების შემთხვევაში - დამატებით სპეციალობის სერტიფიკატი და სულ მცირე ბოლო 3 წელი კლინიკური გამოცდილება;
** სამეცნიერო პუბლიკაციების რაოდენობა და ხარისხი (განსაკუთრებით ბოლო 5 წლის განმავლობაში)

ასისტენტის აკადემიურ თანამდებობაზე: შესაბამისი მიმართულების სადოქტორო პროგრამის დოქტორანტი.

დამატებითი საკვალიფიკაციო მოთხოვნები:

** ინგლისურენოვანი პროგრამით სწავლების სულ მცირე 3 წლის გამოცდილება
ან
** საზღვარგარეთ მოქმედ კლინიკაში ინგლისურ ენაზე საექიმო საქმიანობის განხორციელება არანაკლებ 1 წლის განმავლობაში
ან
** საზღვარგარეთ მოქმედ კვლევით დაწესებულებაში ბიომედიცინის მიმართულებით სასწავლო/კვლევითი საქმიანობის ინგლისურ ენაზე განხორციელება არანაკლებ 1 წლის განმავლობაში
ან
** ინგლისურენოვანი დიპლომამდელი ან დიპლომისშემდგომი პროგრამის დასრულება (დადასტურებული შესაბამისი დოკუმენტით); ან ინგლისური ენის ცოდნის დამადასტურებელი საერთაშორისო სერტიფიკატი მინიმუმ B2 დონის (IELTS, TOEFL, Cambridge English, UNIcert, EnglishScore და სხვ.).

საკონკურსო განცხადებები მიიღება 2026 წლის 26 ივნისიდან 30 ივნისის ჩათვლით, შემდეგ ელექტრონულ მისამართებზე: info@unilevel.ge, hr@unilevel.ge. სათაურის ველში (subject) უნდა მიეთითოს შესაბამისი მიმართულება და აკადემიური თანამდებობა.

კონკურსის შედეგები გამოცხადდება 2026 წლის 21 ივლისს.

კონკურსის შედეგები გამოქვეყნდება უნილეველის ოფიციალურ ვებგვერდზ: https://unilevel.ge

დეტალური ინფორმაცია კონკურსის პირობებისა და ვადების შესახებ, გთხოვთ, იხილოთ ვებგვერდზე: https://unilevel.ge/ge/news/01-11/

კონკურსანტის მიერ წარმოდგენილი საკონკურსო დოკუმენტები "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცადეს პერსონალურ მონაცემებს, მათ შორის განსაკუთრებული კატეგორიის მონაცემებსაც. კონკურსანტმა უნდა გაითვალისწინოს, რომ მისი პერსონალური მონაცემები უნივერსიტეტის მხრიდან დამუშავდება შრომითი ურთიერთობის დამყარების შესახებ გადაწყვეტილების მიღების მიზნებისთვის. საკონკურსო დოკუმენტაციის გამოგზავნით თქვენ ავტომატურად ეთანხმებით ზემოთ აღნიშნულ პირობებს.

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

ყველა ვაკანსია ერთ გვერდზე