|
დასახელება:
ანაზღაურებადი სტაჟირება კომერციულ დეპარტამენტში
|
| მომწოდებელი:
აპტოსი
|
|
გამოქვეყნდა: 24 აპრილი
/ ბოლო ვადა: 24 მაისი
|
"Aptos" აცხადებს 6-თვიან ანაზღაურებად სტაჟირებას კომერციულ დეპარტამენტში.
თუ გინდა დაიწყო კარიერა საერთაშორისო გამოცდილების მქონე ქართულ კომპანიაში და განვითარდე კომერციული მიმართულებით — ეს შესაძლებლობა შენთვისაა.
"Aptos" ესთეტიკური მედიცინისა და სილამაზის ინდუსტრიის წამყვანი ქართული კომპანიაა, რომლის ისტორია 1996 წლიდან იწყება. კომპანიის დამფუძნებელმა, პლასტიკურმა ქირურგმა მარლენ სულამანიძემ, შექმნა მსოფლიოში პირველი კბილანებიანი ძაფი, რამაც საფუძველი ჩაუყარა ესთეტიკური მედიცინის ახალ მიმართულებას — ძაფებით ლიფტინგს.
"Aptos" არის პირველი ქართული კომპანია, რომელსაც მიღებული აქვს CE ნიშანი სამედიცინო პროდუქტზე, რაც საშუალებას აძლევს პროდუქცია ევროპის ნებისმიერ ქვეყანაში გაიტანოს. დღეს Aptos-ის პროდუქცია წარმოდგენილია მსოფლიოს 6 კონტინენტზე, 90 ქვეყანაში, ხოლო 2021 წლიდან საერთაშორისო ბაზარზე გადის "Made in Georgia" ნიშნით.
დეტალური ინფორმაცია: https://aptos.global/
პროგრამა ორიენტირებულია ახალგაზრდა ტალანტების განვითარებაზე და მიზნად ისახავს საუკეთესო კანდიდატების შემდგომ დასაქმებას კომპანიაში.
სტაჟირების განმავლობაში მონაწილეები გაივლიან სრულფასოვან ონბორდინგს, ჩაერთვებიან რეალურ პროექტებსა და სამუშაო პროცესებში, იმუშავებენ მენტორის მხარდაჭერით და შეიძენენ საერთაშორისო ბაზარზე მუშაობისთვის საჭირო პრაქტიკულ ცოდნასა და გამოცდილებას.
მოთხოვნები
** უმაღლესი განათლება ან დამამთავრებელი კურსის სტუდენტი (ბიზნესის ადმინისტრირება, მარკეტინგი, ეკონომიკა ან მომიჯნავე სფერო)
** მინიმუმ ერთი უცხო ენის მაღალ დონეზე ფლობა (ინგლისური, გერმანული, ესპანური ან სხვა)
აუცილებელი უნარები
** ძლიერი კომუნიკაციისა და პრეზენტაციის უნარები
** ანალიტიკური აზროვნება და დეტალებზე ორიენტირებულობა
** პასუხისმგებლობის მაღალი დონე და დროის ეფექტური მართვის უნარი
** სწრაფი სწავლისა და ახალი ინფორმაციის ათვისების უნარი
** გუნდში მუშაობისა და თანამშრომლობის უნარი
** პროაქტიულობა და ინიციატივის გამოჩენის უნარი
** MS Office პროგრამების (განსაკუთრებით Excel-ის) ცოდნა
პირობები
** სტაჟირების ხანგრძლივობა: 6 თვე
** სამუშაო გრაფიკი: ორშაბათი - პარასკევი, 09:30 - 18:00
** სამუშაო ადგილი: თბილისი, გ. ამილახვრის ქ. #15
** ანაზღაურება: 500 ლარი
ბენეფიტები
** უზრუნველყოფილი კვება
** კომპანიის ტრანსპორტი (მეტრო - ოფისი)
შერჩევის პროცესი
** პირველადი გასაუბრება
** გასაუბრება უშუალო ხელმძღვანელებთან
დაინტერესების შემთხვევაში, გთხოვთ 25 მაისამდე გამოგზავნოთ რეზიუმე ელ. ფოსტაზე: internship@aptos.ge
გთხოვთ, ელ.ფოსტის სათაურის ველში (Subject) აუცილებლად მიუთითოთ: "სტაჟირება კომერციულ დეპარტამენტში".
დავუკავშირდებით მხოლოდ გასაუბრებისთვის შერჩეულ კანდიდატებს.
გისურვებთ წარმატებას!
გაცნობებთ, რომ ვაკანსიაზე გამოგზავნილი რეზიუმე და სხვა დოკუმენტები ავტომატურად ხვდება კომპანიის მონაცემთა ბაზაში და ინახება 3 წლის განმავლობაში. ამასთანავე, თქვენი კანდიდატურა შესაძლებელია განხილულ იქნას შპს "აპტოს"-ის ან შპს "აპტოს"-ის უფლებამოსილი პირის მიერ, სხვა პოზიციაზე ვაკანსიის არსებობის შემთხვევაში. პირი, აპლიკაციის მითითებულ ელექტრონულ ფოსტაზე გაგზავნის გზით, ადასტურებს და თანხმდება წინამდებარე პირობას პერსონალურ მონაცემთა დამუშავებასთან დაკავშირებით. აპლიკანტი უფლებამოსილია მოითხოვოს მიწოდებული ინფორმაციის გასწორება, განახლება, დამატება, დაბლოკვა, წაშალა ან განადგურება. ამ შემთხვევაში, შპს "აპტოს", ისევე როგორც შესაბამისი უფლებამოსილი პირი, 15 დღის ვადაში გაასწორებს, განაახლებს, დაამატებს, დაბლოკავს, წაშლის, გაანადგურებს მიღებულ ინფორმაციას ან მიიღებს გადაწყვეტილებას მოთხოვნაზე უარის თქმის შესახებ. გადაწყვეტილება შესაძლებელია გასაჩივრდეს პერსონალურ მონაცემთა დაცვის ინსპექტორთან ან სასამართლოში კანონმდებლობით დადგენილი წესით.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
