|
დასახელება:
კონკურსი სცენარისტის შერჩევაზე თოჯინების თეატრისთვის
|
| მომწოდებელი:
ჰერა XXI
|
|
გამოქვეყნდა: 25 მარტი
/ ბოლო ვადა: 05 აპრილი
|
"ჰერა XXI" აცხადებს კონკურსს სცენარისტის შერჩევაზე თოჯინების თეატრისთვის.
თემა: ნაადრევი ქორწინება
თანამშრომლობის ფორმატი- ერთჯერადი ხელშეკრულების საფუძველზე
სამუშაოს შესრულების ვადა-1 თვე
კონტექსტი:
ადრეული ქორწინება ნიშნავს ქორწინებას 18 წლამდე ასაკში, როდესაც გოგონები ჯერ არ არიან მომწიფებულები ფიზიკურად, ფსიქოლოგიურად და სოციალურ-ეკონომიკურად, სრულფასოვანი გადაწყვეტილების მისაღებად; მიუხედავად იმისა, რომ ეს პრაქტიკა ადამიანის უფლებათა დარღვევად მიიჩნევა, საქართველოში იგი კვლავ აქტუალურ პრობლემად რჩება — UNFPA-ისა და საქართველოს სტატისტიკის ეროვნული სამსახური-ს მონაცემებით (2024), 20-49 წლის ქალთა 14.1% 18 წლამდე იყო დაქორწინებული, ხოლო სოფლად მცხოვრები გოგონები ორჯერ უფრო ხშირად ხვდებიან ადრეულ ქორწინებაში, ვიდრე ქალაქში მცხოვრებლები; UNICEF-ის 2018 წლის კვლევის მიხედვით, ადრეული ქორწინების ყველაზე მაღალი მაჩვენებელი (25%) ქვემო ქართლში ფიქსირდება, სადაც საქართველოს სახალხო დამცველი-ის ანგარიშის თანახმად, რიგ სოფლებში გოგონების დიდი ნაწილი ვერ ასრულებს სკოლას სწორედ ქორწინების გამო, ხოლო სახელმწიფო ზრუნვის სააგენტოს მონაცემები აჩვენებს, რომ გამოვლენილი შემთხვევების ნაწილი სწორედ ამ რეგიონზე მოდის, რაც პრობლემის სისტემურ და მასშტაბურ ხასიათზე მიუთითებს.
ქეისების ანალიზი აჩვენებს, რომ ნაადრევი ქორწინება ხშირად იწყება გოგონების ადრეულ ასაკში დანიშვნით, რაც ძირითადად ოჯახის წევრების გადაწყვეტილებით ხდება; განსაკუთრებით გამოიკვეთება დედების როლი, რომლებიც თავადაც ამ პრაქტიკის მატარებლები არიან და მის გაგრძელებას უწყობენ ხელს. გათხოვების შემდეგ ისინი ხვდებიან მეუღლის ოჯახში, სადაც განათლების გაგრძელების შესაძლებლობა მნიშვნელოვნად იზღუდება — ამას ხშირად განაპირობებს როგორც მეუღლის, ისე მეუღლის ოჯახის წევრები. ამასთანავე, იკვეთება თემასთან გადამკვეთი პრობლემა — არასრულწლოვან გოგონებსა და ასაკოვან მამაკაცებს შორის ადრეული სექსუალური ურთიერთობები, რომლებიც ზოგჯერ ოჯახისა და გარემოს მხრიდან უყურადღებოდაა დატოვებული, რაც პრობლემის პრევენციას კიდევ უფრო ართულებს
არსებულ პრობლემაზე საპასუხოდ ასოციაცია HERA XXI ეძებს სცენარისტს, რომელიც შექმნის სცენარს, 20-25 წუთიანი თოჯინების თეატრის წარმოდგენისთვის ქართულ ენაზე, რომელიც განკუთვნილი იქნება მოზარდ-ახალგაზრდა გოგონებისთვის. სცენარი უნდა იყოს კულტურულად ადაპტირებული ეთნიკური უმცირესობების წარმომადგენლებისთვის (მათ შორის მარნეულის კონტექსტში), თუმცა ამავე დროს უნდა იყოს გამოყენებადი და რელევანტური საქართველოს სხვა რეგიონებშიც, მათ შორის ქართულენოვან თემებში.
გთხოვთ, დაინტერესებულმა კანდიდატებმა გამოგვიგზავნოთ თქვენი პორტფოლიო და CV (რეზიუმე), ასევე მიუთითოთ თქვენთვის სასურველი ანაზღაურება შემდეგ ელექტრონულ ფოსტაზე: xxihera@gmail.com არაუგვიანეს 2026 წლის 5 აპრილისა.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
