|
დასახელება:
პროაქტიული კორპორატიული გაყიდვების მენეჯერი
|
| მომწოდებელი:
ჯი-ემ-თი ჰოსფითალითი
|
|
გამოქვეყნდა: 20 თებერვალი
/ ბოლო ვადა: 20 მარტი
|
"GMT/Hospitality" აცხადებს ვაკანსიას პროაქტიული კორპორატიული გაყიდვების მენეჯერის პოზიციაზე ქ. თბილისში.
ჩვენი მიზანია კომერციული სტრატეგიის რეალურ, გაზომვად შედეგებად ქცევა. ვეძებთ პროაქტიულ ტალანტს, რომელიც ხედავს დიდ სურათს, აზროვნებს ანალიტიკურად და შეუძლია გრძელვადიანი, ღირებულებაზე დაფუძნებული B2B პარტნიორობის შენება.
ჩვენთან ფასდება არა უბრალოდ პროცესი, არამედ მიღწეული შედეგი და კომპანიის კომერციულ ზრდაში შეტანილი კონკრეტული წვლილი.
სამუშაო პირობები:
** სამუშაო განრიგი: სრული განაკვეთი
** ადგილმდებარეობა: გია ჭანტურიას 6/2
ძირითადი მოვალეობები:
** კომერციული მიმართულების მიზნების და სამოქმედო გეგმის შემუშავება/აღსრულება.
** ტურისტული კომპანიებისთვის, კორპორატიული კლიენტებისა და სახელმწიფო სტრუქტურებისთვის გაყიდვების სტრატეგიების შემუშავება.
** პოტენციური შემოსავლების წყაროების შექმნა, არსებული არხების ოპტიმიზაცია და ფასდაკლების სისტემების ფორმირება.
** ახალ ობიექტებთან კომერციული მოლაპარაკებების ინიცირება და ხელშეკრულებების გაფორმება.
** ბაზრის კვლევა, ანალიზი და მენეჯმენტისთვის რეპორტინგის სისტემის მართვა.
** კომპანიის მიერ ინიცირებული ღონისძიებების სტრატეგიის გაწერა და მსვლელობაზე პასუხისმგებლობის აღება.
ვის ვეძებთ: ჩვენთვის იდეალური კანდიდატი არის პროაქტიული პროფესიონალი, რომელსაც ესმის კომერციული ლოგიკა და ბიზნესის ძირითადი ღირებულებები. ვეძებთ ადამიანს რთული მოლაპარაკებების წარმოების უნარით, რომელიც მზად არის აიღოს პასუხისმგებლობა გაყიდვების გეგმის შესრულებაზე.
ჩვენი კულტურა და ღირებულებები: ჩვენ ვართ გუნდი, რომელიც მუდმივად ისწრაფვის განვითარებისკენ და გვჯერა, რომ კომპანიის წარმატებას მისი თანამშრომლები ქმნიან. ჩვენი კულტურა ეფუძნება ოთხ ფუნდამენტურ პრინციპს:
** ხარისხი, რომელიც სტანდარტებს ქმნის: ჩვენთვის ხარისხი მხოლოდ მიზანი კი არა, მუშაობის სტილია. ჩვენ გაძლევთ ყველა საჭირო რესურსს იმისთვის, რომ შეასრულოთ სამუშაო უმაღლეს დონეზე და შექმნათ სერვისი, რომლითაც იამაყებთ.
** მრავალფეროვნება და ინკლუზიურობა, როგორც ჩვენი სიძლიერე: ჩვენ ვქმნით გარემოს, სადაც ყველა ტალანტის უნიკალური გამოცდილება და პერსპექტივა ფასდება. ჩვენ გარანტიას ვიძლევით, რომ ყველას თანაბარი შესაძლებლობები ექნება ზრდისა და განვითარებისთვის.
** გარემო, რომელიც შთააგონებს: ვქმნით პოზიტიურ და პროდუქტიულ სამუშაო ატმოსფეროს, რომლის ჩამოყალიბებაშიც თითოეულ თანამშრომელს თავისი წვლილი შეაქვს.
** ინოვაცია, როგორც მუდმივი პროცესი: მუდმივად ვეძებთ ახალ გზებს ჩვენი სერვისების გასაუმჯობესებლად. თქვენ გექნებათ შემოქმედებითი თავისუფლება, დანერგოთ ინოვაციური მიდგომები და გახდეთ პროგრესის ნაწილი.
შემოგვიერთდით, თუ იზიარებთ ჩვენს ღირებულებებს და მზად ხართ, გახდეთ ჩვენი გუნდის წევრი.
განაცხადის პროცესი: თუ თვლით, რომ თქვენი გამოცდილება და ხედვა თანხვედრაშია ამ პოზიციასთან, გამოგვიგზავნეთ სააპლიკაციო ფორმა ბმულზე: პროაქტიული კორპორატიული გაყიდვების მენეჯერი
GMT/Hospitality-ს მიერ გამოცხადებულ წინამდებარე ვაკანსიაზე გამოხმაურების შემთხვევაში, თქვენ ეთანხმებით, რომ კომპანია უფლებამოსილია, კანონმდებლობით დადგენილი წესით დაამუშაოს თქვენი პერსონალური მონაცემები. ასევე, ანიჭებთ კომპანიას უფლებას, შეინახოს თქვენი მონაცემები 6 (ექვსი) თვის განმავლობაში შემდგომი დასაქმების შემოთავაზების მიზნით, რის შემდეგაც მონაცემები სრულად განადგურდება.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე