|
დასახელება:
ცხელი ხაზის საინფორმაციო სამსახურის სარეზერვო ოპერატორი
|
| მომწოდებელი:
თბილისი ენერჯი
|
|
გამოქვეყნდა: 04 დეკემბერი
/ ბოლო ვადა: 04 იანვარი
|
შპს "თბილისი ენერჯი" აცხადებს ვაკანსიას ცხელი ხაზის საინფორმაციო სამსახურის სარეზერვო ოპერატორის პოზიციაზე;
საკვალიფიკაციო მოთხოვნები: საშუალო, პროფესიული ან /და უმაღლესი განათლება;
ძირითადი მოვალეობები:
** სატელეფონო ზარების მიღება და მომსახურება;
** დაზუსტებული ინფორმაციის გაცემა კომპანიის საქმიანობასთან დაკავშირებულ შემდეგ საკითხებზე:
** წყვეტის (გეგმური, არაგეგმური) არსებობის შემთხვევაში - მისი მიზეზი და სავარაუდო ხანგრძლივობა;
** მომხმარებლის მიმდინარე და/ან დაგროვილი დავალიანების ოდენობა და გადახდის ბოლო ვადა;
** დავალიანების გადაუხდელობისთვის გათიშული მომხმარებლის მიერ დავალიანების დაფარვის შემთხვევაში - მომარაგების აღდგენის სავარაუდო დრო და მოთხოვნის შესრულების ეტაპი;
** გადანაწილებული დავალიანების გადახდის გრაფიკის შესახებ ინფორმაცია;
** აბონენტად რეგისტრაციის შესახებ განაცხადის წარდგენის წესი და პირობები;
** ახალი მომხმარებლის მიერთების წესი და პირობები;
** საწარმოს მიერ მომხმარებელზე ადმინისტრაციული სახდელის დადების შემთხვევაში, მისი გასაჩივრების წესი და ვადა;
** კომპანიის საქმიანობასთან დაკავშირებული სხვა საკითხები;
უნარ-ჩვევები:
** მაღალი პასუხისმგებლობის გრძნობა;
** დეტალებზე ორიენტირებულობა;
** ანალიტიკური აზროვნება;
** გუნდური მუშაობის უნარი;
კონკურსში მონაწილეობისათვის აპლიკანტმა უნდა წარმოადგინოს რეზიუმე ქართულ ენაზე (CV)
ჩვენ გთავაზობთ:
** პროფესიონალ გუნდთან მუშაობას;
** მეგობრულ გარემოს;
** კარიერული ზრდის შესაძლებლობას;
სამუშაო განრიგი: სამუშაო საათების არჩევა შესაძლებელია სასურველ დროს, ორშაბათიდან პარასკევის ჩათვლით, 09:00 - 18:00 საათამდე პერიოდში, დღეში არანაკლებ 3 საათისა და არაუმეტეს 5 საათისა.
სამუშაო კვირის საათობრივი დატვირთვა განისაზღვრება არანაკლებ 10 საათით, ხოლო თვის ჭრილში მაქსიმუმ 75 საათით.
ანაზღაურება საათში 8, 5 ლარი გადასახადების ჩათვლით.
დასაქმებიდან 2 თვე (გამოსაცდელი პერიოდის განმავლობაში), ორშაბათიდან პარასკევის ჩათვლით, 09:00-18:00 საათამდე პერიოდში, ზედიზედ მინიმუმ 4 ან მაქსიმუმ 6 საათი.
ანაზღაურება გადასახადების ჩათვლით:
** 4 საათი - 700 ლარი
** 5 საათი - 900 ლარი
** 6 საათი - 1100 ლარი
დასაქმებიდან ორი თვის შემდეგ საქმიანობას შეძლებთ დისტანციურად;
სამუშაო ადგილი: ქ. თბილისი, ა. მიცკევიჩის ქ18ა.
დაინტერესების შემთხვევაში განაცხადის გადმოსაგზავნად გთხოვთ ეწვიოთ მოცემულ ბმულს: https://my.te.ge/ ან გამოაგზავნოთ რეზიუმე ელფოსტაზე: vacancies@te.ge (ელფოსტის "subject" ველში მიუთითეთ ვაკანსიის დასახელება.
რეზიუმეს მიღების ბოლო ვადა: 2026 წლის 4 იანვარი
წინამდებარე ვაკანსიისათვის პირის მიერ CV-ს (რეზიუმეს) წარდგენა, გულისხმობს პირის მიერ პერსონალური მონაცემების შპს "თბილისი ენერჯისთვის" გადაცემას და თანხმობის გაცხადებას აღნიშნული მონაცემების დამუშავების თაობაზე. CV-ში (რეზიუმეში) მოცემული პერსონალური მონაცემები დამსაქმებლის მიერ დამუშავებულ/შენახული იქნება გამოცხადებული ვაკანსიისათვის კანდიდატის შერჩევის მიზნით, შესასრულებელ სამუშაოსთან კანდიდატის შესაბამისობის დადგენის მიზნით, შესაძლო შრომითი ურთიერთობის წარმოშობის მიზნით, შრომითი ურთიერთობის მთელი პერიოდის განმავლობაში, ასევე შრომითი ურთიერთობიდან გამომდინარე. დამსაქმებლის მხრიდან, ზემოთ აღნიშნული მიზნებისათვის, პერსონალური მონაცემების დამუშავება განხორციელდება შესაბამისი უფლებამოსილების მქონე პირთა/თანამშრომელთა მიერ.
გაცნობებთ, რომ უფლება გაქვთ ნებისმიერ დროს მიიღოთ ინფორმაცია თქვენს შესახებ დამუშავებულ მონაცემთა თაობაზე. კანონმდებლობით გათვალისწინებულ შემთხვევებში, მოითხოვოთ მათი გასწორება, განახლება, დამატება, დაბლოკვა, წაშლა განადგურება და გამოთხოვა წერილობით შემდეგ ელ. ფოსტაზე public@te.ge შეტყობინების გაგზავნის გზით ან/და ფოსტის მეშვეობით მისამართზე: ქ. თბილისი, ადამ მიცკევიჩის ქ. N 18ა.
კანდიდატის პერსონალური მონაცემების დამუშავება (შენახვა) განხორციელდება ექვსი (6) თვის ვადით ან / და გამოცხადებულ ვაკანსიაზე განხილვის დასრულებამდე, ელექტრონული ან/და ამობეჭდილი სახით.
ასევე გაცნობებთ, რომ თუ გსურთ თქვენს მიერ წარმოდგენილი რეზიუმე განხილულ იქნეს კომპანიის მიერ გამოცხადებულ სხვა მსგავს პოზიციაზე ვაკანსიის არსებობის შემთხვევაში, გთხოვთ, გადმოაგზავნოთ ელექტრონულ ფოსტაზე vacancies@te.ge რეზიუმეს გამოგზავნასთან ერთად მოგვწეროთ შემდეგი შინაარსის ტექსტი: "თანახმა ვარ, ჩემს მიერ წარმოდგენილი რეზიუმე განხილულ იქნეს კომპანიის მიერ სამომავლოდ გამოცხადებულ სხვა მსგავს პოზიციაზე ვაკანსიის გამოცხადების შემთხვევაში."
თანხმობის შემთხვევაში, კანდიდატის პერსონალური მონაცემების დამუშავება (შენახვა) განხორციელდება ექვსი (6) თვის ვადით, ელექტრონული ან/და ამობეჭდილი სახით.
აქვე განგიმარტავთ, რომ შესაბამისი თანხმობის (რეზიუმეს განხილვაზე სხვა ვაკანსიებთან დაკავშირებით) არარსებობის შემთხვევაში თქვენი რეზიუმე გამოცხადებულ ვაკანსიაზე განხილვის დასრულების შემდგომ ავტომატურად წაიშლება, არ მოხდება მისი დამუშავება მომავალში გამოცხადებული სხვა მსგავსი ვაკანსიების შემთხვევაში.
შპს "თბილისი ენერჯი" კანდიდატთა შერჩევის პროცესს ახორციელებს დისკრიმინაციის ყველა ფორმით აღმოფხვრის შესახებ საქართველოს კანონის მოთხოვნათა და პირთა მიმართ თანაბარი მოპყრობის პრინციპის დაცვით და გამორიცხავს პირთა მიმართ დისკრიმინაციას ნებისმიერი ფორმითა და ნიშნით.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
