ჯობს.გე - წყალმომარაგება-წყალარინების სისტემების ინჟინერი - გაერთიანებული წყალმომარაგების კომპანია

წყალმომარაგება-წყალარინების სისტემების ინჟინერი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: წყალმომარაგება-წყალარინების სისტემების ინჟინერი

მომწოდებელი: გაერთიანებული წყალმომარაგების კომპანია

გამოქვეყნდა: 23 ოქტომბერი / ბოლო ვადა: 02 ნოემბერი

შპს "საქართველოს გაერთიანებული წყალმომარაგების კომპანია" აცხადებს კანდიდატთა შერჩევას წყალმომარაგება - წყალარინების სისტემების ინჟინრის პოზიციაზე.

სამუშაო ადგილი: თბილისი
სამუშაოს ხანგრძლივობა: 24 თვე
სამუშაოს მოცულობა:

წყალმომარაგება - წყალარინების სისტემების ინჟინერი მონაწილეობას მიიღებს კომპანიის საპროექტო დეპარტამენტის საქმიანობაში, მათ შორის: როგორც ადგილობრივი, ასევე საერთაშორისო საკონსულტაციო / მიმწოდებელი კომპანიების მიერ მომზადებული დეტალური საინჟინრო საპროექტო /სახარჯთაღრიცხვო დოკუმენტაციების განხილვა შეთანხმებასა და მონიტორინგში.

დეტალური დავალება:

შპს "საქართველოს გაერთიანებული წყალმომარაგების კომპანიის" გუნდთან ერთად, ინჟინერი განახორციელებს შემდეგს:

** დავალების მიღების შემდგომ, შეისწავლის საპროექტო არეალს და შესაბამისად დაგეგმავს / მოამზადებს ტექნიკურ დავალებასა და შემდგომში სატენდერო დოკუმენტაციას საპროექტო სამუშაოების შესყიდვის მიზნით;
** სრულად იქნება ჩართული საკონსულტაციო / მიმწოდებელი ორგანიზაციების მიერ წარმოდგენილი საპროექტო დოკუმენტაციების ტექნოლოგიური ნაწილის განხილვა - შეთანხმებაში, რაც ძირითადად გულისხმობს შემდეგს:

- შესრულებული სამუშაოს ტექნიკურ დავალებასა და ხელშეკრულების მოთხოვნებთან შესაბამისობის დადგენას;
- წარმოდგენილი კვლევებისა და ანგარიშების შემოწმებას (მათ შორის საინჟინრო პროგრამების ფორმატში);
- დოკუმენტაციის მოქმედ საინჟინრო ნორმებთან და წესებთან შესაბამისობის დადგენას;
- პროექტირების დროს მიღებული გადაწყვეტილებების ტექნიკურ - ეკონომიკური კუთხით შეფასებას;
- მოცულობათა უწყისის განხილვა - შეთანხმებას;
- ტექნიკური სპეციფიკაციების განხილვა - შეთანხმებას;
- პროექტის შემადგენელი სხვა ნაწილების (გეოლოგია, ჰიდროგეოლოგია, ჰიდროლოგია, კონსტრუქცია, ელექტრობა და ა.შ.) შესაბამის სპეციალისტებთან / დეპარტამენტებთან მიწოდებას, კოორდინაციას და მიღებული ინფორმაციების შეგროვება - დამუშავებას;
- ხელშეკრულებით გათვალისწინებული ვადების კონტროლსა და მიმწოდებელ ორგანიზაციასთან კომუნიკაციას;
- საჭიროების შემთხვევაში, პროექტთან დაკავშირებული კორესპონდენციებისა და მოხსენებების მომზადება.

** სრულად იქნება ჩართული საკონსულტაციო / მიმწოდებელი ორგანიზაციების მიერ წარმოდგენილი საერთაშორისო პრაქტიკით მიღებული სახარჯთაღრიცხვო დოკუმენტაციების განხილვა - შეთანხმებაში.
** მოამზადებს საპროექტო - სახარჯთაღრიცხვო დოკუმენტაციის მიღება - ჩაბარებისთვის საჭირო დოკუმენტაციასა და შემდგომში სატენდერო პაკეტს სამშენებლო სამუშაოების შესყიდვის მიზნით;
** კომპანიის მიერ გამოცხადებულ ტენდერში მოთხოვნილი გამოცდილებებისა და პრეტენდენტის მიერ წარმოდგენილი გამოცდილებების შესაბამისობის დადგენა. პრეტენდენტის მიერ წარმოდგენილი ტექნიკური წინადადებების შეფასება და შესაბამისი ანგარიშის მომზადება;
** კომპანიას გაუწევს კონსულტაციას კონტრაქტის პირობებთან დაკავშირებით;
** სამშენებლო სამუშაოების მიმდინარეობისას, კომპეტენციის ფარგლებში, საპროექტო - სახარჯთაღრიცხვო დოკუმენტაციაში ცვლილების საჭიროების დადგენა;
** სამშენებლო სამუშაოების მიმდინარეობისას, სრულად იქნება ჩართული საკონსულტაციო / საზედამხედველო / მიმწოდებელი ორგანიზაციების მიერ წარმოდგენილი ცვლილებათა პაკეტის (გრაფიკული ნახაზები, ტექსტური ნაწილი, სახარჯთაღრიცხვო ნაწილი, ცვლილებათა უწყისი) განხილვა - შეთანხმებაში;
** სამშენებლო სამუშაოების მიმდინარეობისას, საჭიროების შემთხვევაში ცვლილებათა პაკეტის (გრაფიკული ნახაზები, ტექსტური ნაწილი, სახარჯთაღრიცხვო ნაწილი, ცვლილებათა უწყისი) მომზადება;
** საჭიროების შემთხვევაში განახორციელებს ობიექტზე ვიზიტებს;
** ჩართული იქნება დასრულებული სამშენებლო სამუშაოების კონტრაქტის პირობებთან შესაბამისობის დადგენაში.

მოთხოვნები:

** ინჟინერს უნდა ჰქონდეს სამოქალაქო ინჟინერიის დიპლომი ან მსგავსი კვალიფიკაცია და თავისუფლად ფლობდეს ინგლისურ ენას;
** სასურველია ჰქონდეს ბოლო 10 წელიწადში მინიმუმ 5 წლიანი გამოცდილება მასშტაბური პროექტების დაგეგმვასა და პროექტირებაში. კერძოდ, წყალმომარაგება - წყალარინების სისტემებისა და წყლის / ჩამდინარე წყლების გამწმენდი ნაგებობების პროექტირების მიმართულებით;
** საერთაშორისო დონორებთან მუშაობის გამოცდილება ჩაითვლება უპირატესობად;
** უნდა იცნობდეს FIDIC-ის კონტრაქტის პირობებს. უნდა ჰქონდეს საერთაშორისო ორგანიზაციებთან მუშაობის გამოცდილება;
** უნდა ფლობდეს შემდეგ საინჟინრო პროგრამებს - Autocad, Civil 3D, WaterGems, WaterHammer, SewerGems, ArcMap;
** მართვის მოწმობა B კატეგორია;
** სამუშაო გრაფიკი: სრული განაკვეთი (ორშაბათი-პარასკევი, 09:00-18:00);
** სამუშაო ადგილი: შპს "საქართველოს გაერთიანებული წყალმომარაგების კომპანიის" სათავო ოფისი (დისტანციური ან ჰიბრიდული ფორმატი არ არის გათვალისწინებული).

კომპეტენცია:

** სამუშაოს დაგეგმვისა და პრიორიტეტების განსაზღვრის უნარი ორგანიზაციული მიზნების მისაღწევად, ასევე სამუშაო პროცესების ეფექტურად ორგანიზებისა და კონტროლის უნარი ხარისხიანი შედეგის უზრუნველსაყოფად;
** ადამიანებთან ეფექტური კომუნიკაციისა და ურთიერთობის უნარი და საკითხების სხვადასხვა პერსპექტივიდან დანახვის უნარის დემონსტრირება;
** კომუნიკაცია სხვადასხვა ადამიანებთან როგორც ტექნიკურ, ასევე არატექნიკურ საკითხებზე;
** სამოქალაქო/სამშენებლო ინჟინერიასთან დაკავშირებული იდეებისა და გეგმების თანამშრომლებთან და კოლეგებთან ერთად განხილვის პრაქტიკა;
** თანამშრომლებთან კონსულტაციის გავლა და მუშაობისას საჭირო სამუშაო ურთიერთობების ცოდნა;
** ტექნიკური ან საინჟინრო პრობლემების იდენტიფიცირების უნარი;
** პრობლემების ანალიზის უნარი შესაბამისი ტექნიკური ან საინჟინრო პრინციპების/ცოდნის გამოყენებით;
** სამოქალაქო ინჟინერიის სფეროში ამოცანების გადაჭრის უნარი;
** სამოქალაქო ინჟინერიის პრობლემების გადაჭრის ოპტიმიზაციის უნარი;
** სამოქალაქო ინჟინერიის პრობლემების გადაჭრის საბოლოო გზების შემუშავების უნარი.

დაინტერესებულმა პირებმა მიმდინარე წლის 02 ნოემბრის ჩათვლით გამოაგზავნეთ რეზიუმე (CV) შემდეგ მისამართზე: hr@water.gov.ge

გთხოვთ, წერილის სათაურში მიუთითოთ პოზიციის დასახელება, წინააღმდეგ შემთხვევაში განაცხადი არ განიხილება.

დაკავშირება მოხდება მხოლოდ შერჩეულ კანდიდატებთან.

გისურვებთ წარმატებას!

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

ყველა ვაკანსია ერთ გვერდზე

ყველა ვაკანსია ერთ გვერდზე

ყველა ვაკანსია ერთ გვერდზე