|
დასახელება:
სტაჟიორი
|
| მომწოდებელი:
კავშირი - ბავშვი, ოჯახი, საზოგადოება
|
|
გამოქვეყნდა: 01 სექტემბერი
/ ბოლო ვადა: 01 ოქტომბერი
|
ა (ა)იპ "ბავშვი, ოჯახი, საზოგადოება" აცხადებს სტაჟირებას დღის ცენტრში უმაღლესი ან პროფესიული სასწავლებლის სტუდენტებისთვის.
სტაჟირების დანერგვის მიზნებია: სასწავლებელში მიღებული თეორიული ცოდნის გამდიდრება პრაქტიკით. სტუდენტების პროფესიული გაძლიერება და სტაჟიორთა ბაზის შექმნა, შემდგომი დასაქმებისათვის.
ორგანიზაციის ბაზაზე შშმ პირთა და ბავშვთა დღის ცენტრი მუშაობს 2005 წლიდან. დღის ცენტრის სამუშაო საათებია ყოველ დღე, გარდა ოფიციალური უქმე დღეებისა, ცენტრი მუშაობს 10-17 საათამდე. ცენტრში ბენეფიციარებია არიან სხვადასხვა დარღვევებით: სხვადასხვა გონებრივი დარღვევები, ბავშვთა ცერებრული დამბლა, დაუნის სინდრომი, აუტიზმი და სხვ. ცენტრში ბენეფიციარები ჩართულები არიან სხვადასხვა განმავითარებელ აქტივობებში და ღონისძიებებში.
ბავშვთა დღის ცენტრის პროგრამის მიზანია:
** ხელი შეუწყოს ბენეფიციარს ფორმალურ განათლებაში ჩართულობასა და სასკოლო პროგრამის ათვისებაში;
** ზრდასრულთა დღის ცენტრის პროგრამის მიზანია, დამოუკიდებელი ცხოვრებისთვის საჭირო უნარებისა და სოციალური ინკლუზიის განვითარების ხელშეწყობა. ბენეფიციართა საყოფაცხოვრებო და სახელობო-პროფესიული უნარ-ჩვევების განვითარების ხელშეწყობას.
სერვისი მოიცავს:
** ასაკის გათვალისწინებით ბენეფიციართა საჭიროებების (შემეცნებითი, ემოციური და ფიზიკური) გამოვლენას და მათ დაკმაყოფილებას;
** ბენეფიციარების კულტურულ და სპორტულ-გამაჯანსაღებელ ღონისძიებებში ჩართვის უზრუნველყოფას;
** დღის ცენტრის ფარგლებში დანერგილია მუს თერაპიისა და არტ თერაპიული მომსახურება;
საჭიროების შემთხვევაში პირველადი გადაუდებელი სამედიცინო და ფსიქოლოგიური მომსახურების ორგანიზება;
** ბენეფიციართა ფუნქციური, აკადემიური უნარების განვითარებას;
** საგანმანათლებლო, განმავითარებელი აქტივობების ხელშეწყობას;
** ბენეფიციართა ცენტრებში მიყვანისა და შინ დაბრუნების ორგანიზებას;
** თვითმომსახურების უნარ-ჩვევების შეძენა-განვითარებას;
** ბენეფიციარის დახმარებას კვების, საპირფარეშოს, პირადი ჰიგიენის დაცვის პროცესში.
ცენტრის ბენეფიციარებია:
0-17 წლამდე მძიმე და ღრმა გონებრივი განვითარების შეზღუდვის მქონე ბავშვები (6 ბენეფიციარი)
18 წლის ზემოთ 40 ბენეფიციარი.
კვალიფიკაცია და მოთხოვნები:
** სასურველია ფსიქოლოგიის ან მომიჯნავე მიმართულების სტუდენტი ან კურსდამთავრებული (შესაძლოა კოლეჯის სტუდენტებიც);
** სტაჟიორების ორგანიზაციაში სამუშაო დრო - კვირაში მინიმუმ 6 საათი, გრაფიკი შეთანხმებით;
** პრაქტიკის ხანგრძლივობა: 3-დან 6-თვემდე.
პიროვნული მახასიათებლები
** ურთიერთობების დამყარების და გუნდური მუშაობის უნარი;
** შშმ-პირებთან სწორი კომუნიკაციის დამყარების უნარი;
** ზრდისა და განვითარებისაკენ სწრაფვა;
** მოტივირებულობა;
** პუნქტუალობა;
** კომუნიკაბელურობა.
ჩვენ გთავაზობთ:
** სტუდენტზე მორგებულ გრაფიკს ;
** შშმ პირებთან პრაქტიკის გავლის შესაძლებლობას;
** ეფექტური ჩართულობის შემთხვევაში, ორგანიზაციაში სამომავლოდ დასაქმების პერსპექტივას;
** ცნობას სტაჟირების გავლის შესახებ.
განცხადების წარდგენის პროცედურები:
შერჩევა იწარმოება ორ ეტაპად:
** ელფოსტაზე მიღებული ინფორმაციის განხილვა - შერჩევა;
** გასაუბრება.
განმცხადებელმა ორგანიზაციას ელმისამართზე უნდა წარუდგინოს შემდეგი დოკუმენტაცია:
** რეზიუმე CV;
** სტუდენტის სტატუსის დამადასტურებელი დოკუმენტი.
შენიშვნა: განცხადება წარმოადგინეთ ელ.მისამართზე: dcfs.georgia@gmail.com "subject" ველში აუცილებლად მითითებული უნდა იყოს ვაკანსიის დასახელება "დღის ცენტრის სტაჟიორი"; დადებითი პასუხის შემთხვევაში დაგიკავშირდებით.
ა (ა)იპ " ბავშვი, ოჯახი, საზოგადოება", არის შეზღუდული შესაძლებლობის მქონე ბავშვთა მშობლების პირველი გაერთიანება საქართველოში, რომელიც დაფუძნდა 1995 წელს. ორგანიზაციის მიზანია შეზღუდული შესაძლებლობის მქონე პირთა და მათი ოჯახების უფლებების დაცვა. შშმ პირთა საზოგადოებაში ინტეგრირების ხელშეწყობა.
ორგანიზაციის მუშაობის ძირითადი მიმართულებებია: სოციალური სერვისების განვითარება, საგანმანათლებლო სისტემაზე შშმ პირებისათვის ხელმისაწვდომობის გაზრდა და კანონის ჰარმონიზების ხელშეწყობა გაეროს შეზღუდული შესაძლებლობების მქონე პირთა უფლებების დაცვის კონვენციასთან.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე