|
დასახელება:
ტრენინგი - გაძლიერება ხელოვნური ინტელექტის გამოყენებაში
|
| მომწოდებელი:
UN Women
|
|
გამოქვეყნდა: 29 აგვისტო
/ ბოლო ვადა: 10 სექტემბერი
|
გაეროს ქალთა ორგანიზაცია (UN Women) აცხადებს მიღებას ტრენინგზე "დასავლეთ საქართველოს სამოქალაქო საზოგადოების ორგანიზაციების გაძლიერება ხელოვნური ინტელექტის გამოყენებაში."
ტრენინგი განკუთვნილია დასავლეთ საქართველოს სამოქალაქო საზოგადოების ორგანიზაციების წარმომადგენლებისთვის, რომლებიც მუშაობენ გენდერული თანასწორობისა და ქალთა გაძლიერების საკითხებზე.
ტრენინგი ტარდება გაეროს ქალთა ორგანიზაციისა და ბიზნესისა და ტექნოლოგიების უნივერსიტეტის (BTU) თანამშრომლობით, ნორვეგიის განვითარების თანამშრომლობის სააგენტოს (Norad) მხარდაჭერით, პროექტის "კარგი მმართველობა გენდერული თანასწორობისთვის საქართველოში" (GG4GEG) ფარგლებში. ტრენინგს წარუძღვებიან ექსპერტები ხელოვნური ინტელექტისა და მონაცემთა გამოყენების სფეროში.
ტრენინგის ადგილმდებარეობა: ქუთაისი (მისამართი დაზუსტდება მოგვიანებით)
ტრენინგის თარიღები: 29 სექტემბერი - 1 ოქტომბერი 2025
ტრენინგის ენა: ქართული
მონაწილეთა სწავლების, ტრანსპორტირების და სასტუმროში განთავსების (საჭიროების შემთხვევაში) ხარჯები სრულად დაიფარება ორგანიზაციის მიერ.
ჩვენს შესახებ
გაეროს ქალთა ორგანიზაცია (UN Women) არის გაერთიანებული ერების ორგანიზაციის სააგენტო, რომელიც გენდერული თანასწორობის და ქალთა გაძლიერების საკითხებზე მუშაობს მთელს მსოფლიოში. გაეროს ქალთა ორგანიზაცია საქართველოში მუშაობს სახელმწიფო და არასამთავრობო პარტნიორებთან ერთად გენდერული თანასწორობის მისაღწევად საერთაშორისო და ეროვნული ვალდებულებების შესაბამისად.
ტრენინგის შესახებ:
ტრენინგი მიზნად ისახავს დასავლეთ საქართველოს სამოქალაქო საზოგადოების ორგანიზაციების წარმომადგენელთა შესაძლებლობების გაძლიერებას ხელოვნური ინტელექტის (AI) პრაქტიკული გამოყენების შესახებ.
ტრენინგის პროგრამა მოიცავს:
** ხელოვნური ინტელექტისა და მონაცემების საფუძვლებს და მათ როლს გენდერული თანასწორობის საკითხების ადვოკატირებაში.
** სტრატეგიული დაგეგმვის გაუმჯობესებას ხელოვნურ ინტელექტზე დაფუძნებული ხელსაწყოებით.
** ციფრული ინსტრუმენტების გამოყენებას ადვოკატირებისა და ინოვაციური სერვისების განვითარებისთვის.
ვის შეუძლია მონაწილეობის მიღება:
ტრენინგში მონაწილეობის მიღება შეუძლიათ დასავლეთ საქართველოს სამოქალაქო საზოგადოების ორგანიზაციების წარმომადგენლებს, რომელთა საქმიანობა უკავშირდება გენდერული თანასწორობისა და ქალთა გაძლიერების საკითხებს. განაცხადები განიხილება ინდივიდუალურად.
განაცხადების მიღების პროცესი:
დაინტერესებულმა პირებმა უნდა გამოაგზავნონ რეზიუმე და სამოტივაციო წერილი (ქართულ ენაზე) შემდეგ ელექტრონულ მისამართზე: mari.sharashidze@unwomen.org.
განაცხადის წარმოდგენის ბოლო ვადაა: 2025 წლის 10 სექტემბერი.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
