|
დასახელება:
HR მენეჯერი
|
| მომწოდებელი:
ჯითექსი
|
|
გამოქვეყნდა: 08 აგვისტო
/ ბოლო ვადა: 22 აგვისტო
|
კომპანია "ჯითექსი" 2007 წელს დაარსდა და მას შემდეგ წარმატებულად ოპერირებს ბაზარზე ტანსაცმლის, ავეჯისა და სახლის აქსესუარების ხაზით. იგი აერთიანებს ისეთ საერთაშორისო ბრენდებს, როგორიცაა: Penti, Matalan, OVS, Terranova, KIABI, Enza Home, EnglishHome. კომპანია წარმოდგენილია 30-ზე მეტი მაღაზიით თბილისში, ქუთაისში, ბათუმში, რუსთავსა და გორში.
"ჯითექსი" აცხადებს ვაკანსიას HR მენეჯერის პოზიციაზე.
სამუშაო განაკვეთი: სრული, კვირაში 40 საათი.
ლოკაცია: ქ.თბილისი, მუხრან მაჭავარიანის 4ბ.
ფუნქცია-მოვალეობები:
** ადამიანური რესურსების მართვასთან დაკავშირებული პროცესების განსაზღვრა/მართვა;
** ადამიანური რესურსების კუთხით სტრატეგიული პროექტების მართვა;
** თანამშრომელთა შერჩევის პროცესის გამართვა/მართვა ვაკანსიის გამოცხადებიდან შერჩევა/დაქირავებამდე;
** თანამშრომელთა სწავლებისა და განვითარების სტრატეგიის შემუშავება და შესაბამისი აქტივობების განხორციელება;
** ორგანიზაციული კულტურის გაჯანსაღებისათვის შესაბამისი აქტივობების დაინიცირება/დაორგანიზება;
** საჭიროების შემთხვევაში ორგანიზაციული კვლევების ჩატარება/დამუშავება და მისი დამუშავების შედეგად მიღებული მონაცემების საფუძველზე სტრატეგიული გადაწყვეტილებების მირება/ინიცირება;
** შეფასების სისტემის დანერგვა/გაუმჯობესება;
** კომპანიის HR პოლიტიკის და სხვა წესების შემუშავება/განახლებაში მონაწილეობის მიღება;
** HR დოკუმენტაციის: თანამშრომელთა ხელშეკრულებების, პირადი საქმეებისა და პერსონალთან დაკავშირებული გადაწყვეტილებების/ბრძანებების მართვა.
საკვალიფიკაციო მოთხოვნები:
** უმაღლესი განათლება HR-ის, ფსიქოლოგიის, სოციოლოგიის ან ბიზნეს ადმინისტრირების მიმართულებით;
** მინიმუმ 3 წლიანი გამოცდილება ადამიანური რესურსების მართვის მიმართულებით (სასურველია სხვადასხვა მიმართულების HR-ის პოზიციებიდან);
** ინგლისური ენის ცოდნა (მინიმუმ B2 დონეზე).
პიროვნული კომპეტენციები/უნარები:
** ანალიტიკური აზროვნების უნარი;
** სწავლების უნარი;
** საქმიანობის ორგანიზების, დაგეგმვისა და დროის მართვის უნარი;
** თანამშრომელთა მართვის, მოტივირებისა და მათი საქმეში შემოერთების უნარი;
** უკუკავშირის მიღებისა და გაცემის უნარი;
** პრიორიტეტების სწორად განსაზღვრისა და საქმის ბოლომდე მიყოლის უნარი.
დაინტერესებულ კანდიდატებს გთხოვთ, გამოაგზავნოთ რეზიუმე ელექტრონულ მისამართზე: Vacancy@gtex.ge და გთხოვთ, ვაკანსიის ველში მიუთითოთ "HR მენეჯერი".
განაცხადის მიღების ბოლო ვადაა 2025 წლის 22 აგვისტო.
გისურვებთ წარმატებას!
თქვენ მიერ (დასაქმების მსურველი კანდიდატის) წინამდებარე ვაკანსიის ფარგლებში მოთხოვნილი ინფორმაციის (პირადი მონაცემები, რეზიუმე, დიპლომ (ებ)ი, სერტიფიკატ (ებ)ი და სხვა ნებისმიერი მოწოდებული დოკუმენტაცია) გადმოგზავნით ადასტურებთ თანხმობას, რომ შპს "ჯითექსი", როგორც დამსაქმებელი, უფლებამოსილია დაამუშაოს გამოგზავნილი ინფორმაცია კანონიერად, სამართლიანად, მონაცემთა სუბიექტისთვის გამჭვირვალედ და მისი ღირსების შეულახავად, კონკრეტულად ამ ვაკანსიის ანდა ამ ვაკანსიის რელევანტური, მომიჯნავე ვაკანსიისთვის განსახილველად, იმ მოცულობით, რომელიც აუცილებელია შესაბამისი ლეგიტიმური მიზნის მისაღწევად.
დამსაქმებელი იღებს ვალდებულებას კანდიდატს მიაწოდოს: ა) შესასრულებელი სამუშაოს შესახებ; ბ) შრომითი ხელშეკრულების ფორმის (ზეპირი ან წერილობითი) და ვადის (განსაზღვრული ან განუსაზღვრელი) შესახებ; გ) შრომის პირობების შესახებ; დ) შრომითი ურთიერთობისას დასაქმებულის უფლებრივი მდგომარეობის შესახებ; ე) შრომის ანაზღაურების შესახებ ინფორმაცია;
კანდიდატი ადასტურებს, რომ მის მიერ მოწოდებული ინფორმაცია არის უტყუარი და აცხადებს თანხმობას, რომ დამატებით წარადგენს უტყუარ ინფორმაციას, რაც საჭირო იქნება წინასახელშეკრულებო ურთიერთობის პერიოდში, რომელზეც ასევე აცხადებს თანხმობას დამუშავდეს კანდიდატის შერჩევის მიზნით;
კანდიდატი იღებს ვალდებულებას, დამსაქმებელს აცნობოს ნებისმიერი გარემოების შესახებ, რომელმაც შეიძლება ხელი შეუშალოს მას სამუშაოს შესრულებაში ან საფრთხე შეუქმნას დამსაქმებლის ინტერესებს.
მოპოვებული ინფორმაცია დამსაქმებელთან ინახება მხოლოდ იმ ვადით, რომელიც აუცილებელია მონაცემთა დამუშავების შესაბამისი ლეგიტიმური მიზნის მისაღწევად. ამასთან, სადავო გარემოებების არსებობისას, დამსაქმებელი უფლებამოსილია, მოპოვებული ინფორმაცია გადასცეს შესაბამის კომპეტენტურ ორგანოებს. კანდიდატს უფლება აქვს, მოითხოვოს მის მიერ გაგზავნილი პერსონალური მონაცემების გამოთხოვა, დაბლოკვა, წაშლა ან განადგურება კანონით დადგენილ ვადებში;
კანდიდატი უფლებამოსილია მის მიერ მოწოდებულ ინფორმაციის დამუშავებასთან დაკავშირებულ ნებისმიერ საკითხზე მომართოს შპს "ჯითექსს".
ასევე, გაცნობებთ, რომ შპს "ჯითექსი" თქვენ შესახებ არსებულ პერსონალურ მონაცემებს შეინახავს 1 (ერთი) წლის ვადით, რომლის გასვლის შემდეგაც აღნიშნული ინფორმაცია განადგურდება. თქვენი პერსონალური მონაცემების მესამე პირებზე გადაცემა დაუშვებელია, აღნიშნული შესაძლებელია განხორციელდეს მხოლოდ თქვენი წერილობითი თანხმობის საფუძველზე.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
