|
დასახელება:
საგამომცემლო უფლებებისა და ავტორებთან ურთიერთობების მენეჯერი
|
| მომწოდებელი:
Litup
|
|
გამოქვეყნდა: 16 ივლისი
/ ბოლო ვადა: 02 აგვისტო
|
"Litup" აცხადებს ვაკანსიას საგამომცემლო უფლებებისა და ავტორებთან ურთიერთობების მენეჯერის პოზიციაზე.
"Litup" - წიგნების ონლაინ მაღაზია და ბუტიკური გამომცემლობა, რომელიც ამჟამად ფოკუსირებულია საქართველოზე და გეგმავს გაფართოებას სომხეთსა და აზერბაიჯანში.
განაკვეთი: არასრული (60%)
სამუშაო ადგილი: თბილისი
რატომ გვჭირდება ეს პოზიცია.
ვეძებთ ადამიანს, რომელიც კარგად იცნობს საქართველოს საგამომცემლო ბაზარს, და სურვილი აქვს იმუშაოს სამხრეთ კავკასიის რეგიონზეც.
თქვენი ძირითადი ამოცანებია:
** მოიძიოთ და მოიპოვოთ პერსპექტიული ქართველი ავტორების ინგლისურენოვანი და რეგიონული საავტორო უფლებები (ეს ჩვენი მთავარი პრიორიტეტია).
** კომპანიის ზრდასთან ერთად, აღმოაჩინოთ და მხარი დაუჭიროთ სომეხ და აზერბაიჯანელ ავტორებს.
** უზრუნველყოთ, რომ თითოეული კონტრაქტორი ავტორის წიგნი მიწვდეს მკითხველს (თარგმანიდან დაწყებული, გამოცემით დამთავრებული, სრული პროცესის კოორდინაციით)
რას ველოდებით პირველ წელს:
** მინიმუმ 12 წიგნის საავტორო უფლებების შეთანხმება, რომელთაგან 6 ან მეტი უნდა იყოს საქართველოდან.
** 8 წიგნის გამოცემა როგორც ბეჭდური, ასევე ელექტრონული ფორმატით -საშუალოდ 2 წიგნი კვარტალში.
** ისე დაგეგმოთ და განახორციელოთ საქმიანობა, რომ პირველი გამოცემიდან 9 თვეში კომპანიამ შეძლოს დაიბრუნოს თქვენს ხელფასზე გაწეული ხარჯი.
რა იქნება თქვენი მოვალეობები (დაახლოებით 60% სამუშაო დრო, მოქნილი გრაფიკი)
** მოიძიოთ და მოილაპარაკოთ საავტორო უფლებებზე ავტორებთან, აგენტებთან, გამომცემლებთან და მემკვიდრეებთან - ძირითადად საქართველოში (ეტაპობრივად კი - სამხრეთ კავკასიაშიც).
** იურისტთან ერთად შეადგინოთ ხელშეკრულებები ბეჭდური, ელექტრონული და აუდიო ფორმატებისთვის ქართულ და ინგლისურ ენებზე.
** დაგეგმოთ და გააკონტროლოთ წიგნის მომზადების პროცესი - ტექსტის გადაცემა, თარგმნა, დიზაინი და საბოლოო ვადების დაცვა.
** გამოიყენოთ Litup-ის შიდა ანალიტიკური ხელსაწყოები (მაგ. AI-ზე დაფუძნებული შეფასება, გაყიდვების დაფები) კომერციულად საინტერესო წიგნების შესარჩევად.
** დაამყაროთ პარტნიორული ურთიერთობები ქართულ დისტრიბუტორებთან/გამომცემლებთან, და თანდათან მოამზადოთ ბაზა რეგიონული პარტნიორობისთვის (სომხეთში, აზერბაიჯანში).
ვინ გვჭირდება:
** ადამიანი, რომელსაც აქვს საავტორო უფლებებთან, რედაქციასთან ან ლიტერატურულ სააგენტოსთან მუშაობის მინიმუმ 3 წლიანი გამოცდილება
** ქართულისა და ინგლისურის ცოდნა სავალდებულოა; სომხური ან აზერბაიჯანული ჩაითვლება უპირატესობად, მაგრამ სავალდებულო არაა.
** მინიმუმ 5 წარმატებული გარიგება საავტორო უფლებებზე - გთხოვთ, რეზუმეს თან დაურთოთ მოკლე სია (წიგნი, ავტორი, წელი, თქვენი როლი).
** მზადყოფნა იმუშაოთ არასრულ განაკვეთზე (დაახლოებით კვირაში 3 დღე), მოქნილი გრაფიკითა და შედეგებზე ორიენტირებული მიდგომით.
** გქონდეთ კარგი კონტაქტები საქართველოს საგამომცემლო სივრცეში; რეგიონული კავშირები დამატებით უპირატესობად ჩაითვლება.
ანაზღაურება და ზრდის პოტენციალი:
** ყოველთვიური ფიქსირებული და კონკურენტული ანაზღაურება გამოცდილების მიხედვით, ხოლო 7 თვის შემდგომ ზრდის პერსპექტივა (შესრულებულ სამუშაოზე დაყრდნობით).
** 6%-იანი ჰონორარი თქვენ მიერ დაკონტრაქტებული წიგნების გაყიდვებიდან (Litup-ის წმინდა/net შემოსავლიდან), კვარტალურად, ლიმიტის გარეშე.
** მოგზაურობის დაფინანსება წიგნის საერთაშორისო გამოფენაზე დასასწრებად (მაგალითად, ლონდონი ან ფრანკფურტი) - თუ წლის გეგმური მიზნები სრულდება.
შერჩევის პროცესი:
გთხოვთ, 2025 წლის 2 აგვისტომდე გამოგვიგზავნოთ:
** თქვენი რეზიუმე
** მოკლე ცხრილი თქვენი ბოლო გარიგებების შესახებ (წიგნი, ავტორი, წელი, თქვენი როლი)
** მოკლე ტექსტი იმ ქართველი ან სამხრეთ კავკასიელი ავტორის შესახებ, რომელსაც Litup-ს შესთავაზებდით და რატომ (საშუალოდ 150 სიტყვა).
ელფოსტა: tinatin.m@litup.ge
საგნის ველში მიუთითეთ: Rights Manager - [თქვენი სახელი]
შერჩეულ კანდიდატებს შევთავაზებთ ანაზღაურებად 2-დღიან სატესტო დავალებას. პირველი გასაუბრებიდან 2 კვირაში კი გავუზიარებთ საბოლოო შეთავაზებას/კონტრაქტს.
"Litup" არის თანასწორი შესაძლებლობების დამსაქმებელი. ამ ეტაპზე ჩვენი პრიორიტეტია საქართველოს საგამომცემლო გამოცდილება, თუმცა ასევე მივესალმებით კანდიდატებს სომხეთიდან და აზერბაიჯანიდან, რომლებიც მზად არიან ადგილობრივი წიგნები გააცნონ ინგლისურენოვან სამყაროს.
|
|
|
|
ყველა ვაკანსია
ამოსაბეჭდი ვერსია
გადაიტანე Facebook-ზე