ჯობს.გე - ფილიალის მენეჯერი - სტივ ჯობსის ამერიკული აკადემია

ფილიალის მენეჯერი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: ფილიალის მენეჯერი

მომწოდებელი: სტივ ჯობსის ამერიკული აკადემია

გამოქვეყნდა: 12 ივლისი / ბოლო ვადა: 01 აგვისტო

ჩვენ შესახებ: "სტივ ჯობსის ამერიკული აკადემია საქართველოში" არის ინოვაციური საგანმანათლებლო ინსტიტუტი, რომელსაც აქვს რამდენიმე ფილიალი ქვეყნის მასშტაბით. ჩვენი მისიაა 6-დან 16 წლამდე ახალგაზრდების აღზრდა მომავლის გლობალურ ტექნოლოგიურ ლიდერებად. ჩვენი პროგრამები 2008 წლიდან ხორციელდება მსოფლიოს 60 ქვეყანაში, ოფიციალურადაა აღიარებული Harvard University-ს მიერ და სერტიფიცირებულია Google-ისა და Microsoft-ის მიერ.

ვის ვეძებთ: თუ გრძნობ, რომ შენი შესაძლებლობები მასშტაბურია და გჭირდება ადგილი, სადაც დემოკრატიულ და პროფესიონალურ გარემოში შეძლებ შენი თავის გამოვლენას, თუ გიყვარს ბავშვები, თუ ხარ შრომისმოყვარე, ორგანიზებული და დეტალებზე ორიენტირებული - მაშინ შეგიძლია გახდე აკადემიის გუნდის წევრი, სადაც მომავალი ლიდერები იზრდებიან!

თანამდებობის დასახელება: ფილიალის მენეჯერი

** მდებარეობა: ქ. თბილისი
** სამუშაოს ტიპი: სრული განაკვეთი, კვირაში 40 საათი.
** სამუშაო დღეები: შაბათი და კვირა, ხოლო დანარჩენი დღეები - დისტანციურად.
** ხელფასი: 2000 ლარი (ხელზე ასაღები)
** ბონუსი: 1000 ლარამდე (დამოკიდებულია დეტალურად გაწერილ კრიტერიუმებზე)
** პოზიციის მიმოხილვა: მენეჯერი კომპანიის ცენტრალურ ოფისთან შეთანხმებით, დამოუკიდებლად მართავს შესაბამის ფილიალს წინასწარ დადგენილი სტანდარტების მეშვეობით. იგი სრულად არის პასუხისმგებელი ფილიალის როგორც ადმინისტრაციული პროცესების, ისე აკადემიური პროცესის წარმართვის ორგანიზებაზე საერთაშორისო სტანდარტების შესაბამისად.

სავალდებულო უნარ-ჩვევები:

** ბავშვებისადმი სიყვარული და მათთან პოზიტიური კომუნიკაციის უნარი;
** ლოგიკური და ანალიტიკური აზროვნების უნარი;
** შრომისმოყვარეობა და სტრესისადმი მედეგობა;
** ორგანიზებულობა, დისციპლინირებულობა და პასუხისმგებლობის მაღალი დონე;
** სოციალური პასუხისმგებლობის გრძნობა და პიროვნულ ზრდაზე ორიენტირებულობა.

საკვალიფიკაციო მოთხოვნები:

** საკომუნიკაციო ინგლისური ენის ცოდნა;
** მენეჯერად მუშაობის არანაკლებ 2 წლიანი გამოცდილება;
** სასურველია ბიზნეს ადმინისტრირების/მენეჯმენტის მიმართულებით განათლება;
** სასურველია ზოგადი ტექნოლოგიური ცოდნა, გამოცდილება ან ინტერესი ტექნოლოგიური პროგრესის მიმართ;
** სასურველია მარკეტინგის და ბრენდინგის მიმართულებით ზოგადი ცოდნა ან გამოცდილება;
** უპირატესობა მიენიჭება განათლების მიმართულებით საქმიანობის გამოცდილების მქონე კანდიდატს.

სამუშაო აღწერილობა:

1. საგანმანათლებლო პროცესის ხარისხიანად, შეუფერხებლად და უსაფრთხოდ წარმართვა:

** აკადემიაში სასწავლო პროცესისა და გამოცდების ორგანიზება;
** ტრენერთა მიერ თავიანთი საქმიანობის განხორციელებისას მათი ხელშეკრულების, სამუშაო აღწერილობის, თანამდებობრივი ინსტრუქციებისა და სხვა შიდასამართლებრივი აქტების სრული დაცვის კონტროლი;
** წინასწარ განსაზღვრული სასწავლო გეგმის შესაბამისად ტრენინგების ჩატარების ზედამხედველობა, მათ შორის, ტრენერთა მიერ ჩატარებული ტრენინგების თემატიკის, ტრენინგის შინაარსის, მეთოდოლოგიისა და თანმიმდევრობის სასწავლო გეგმასთან შესაბამისობის ზედამხედველობა;
** მშობელთა საკომუნიკაციო ჯგუფების მართვა;
** სტუდენტთა უსაფრთხოების უზრუნველობა;
** აკადემიის ჰიგიენურ-სანიტარული სტანდარტების დაცვის უზრუნველყოფა.

2. მაღალკვალიფიციური აკადემიური პერსონალის მოზიდვა და კმაყოფილების უზრუნველყოფა, კერძოდ:

** არსებული აკადემიური პერსონალის კმაყოფილებაზე ზრუნვა, საყურადღებო შემთხვევის გამოვლენის შემთხვევაში, ზემდგომი პირისთვის ინფორმაციის დაუყოვნებლივ მიწოდება, ასევე, შესაძლებლობის ფარგლებში აკადემიური პერსონალის კმაყოფილების ხარისხის გაზრდის მიზნით, ახალი იდეებისა, თუ წინადადებების ზემდგომი პირისთვის მიწოდება;
** შესაძლებლობის ფარგლებში, ახალი კვალიფიციური პერსონალის მოზიდვის ან მოზიდული პერსონალის კვალიფიკაციის ამაღლების მიზნით, ზემდგომი პირისთვის წინადადებების წარდგენა;
** ახალი პერსონალის მიღებისა და ადაპტაციის პროცედურის წარმართვა.

3. სტუდენტებისა და მათი მშობლების კმაყოფილებაზე ზრუნვა, კერძოდ:

** სტუდენტებისა და მათი მშობლების კმაყოფილების მუდმივი მონიტორინგი, საყურადღებო შემთხვევების გამოვლენა და სტუდენტების ან მათი მშობლების მხრიდან ნებისმიერი, მათ შორის, უმცირესი უკმაყოფილების დაფიქსირების შემთხვევაში, დაუყოვნებლივ რეაგირება და ზემდგომი პირის ინფორმირება;
** შესაძლებლობის ფარგლებში, სტუდენტთა და მშობელთა კმაყოფილების გასაუმჯობესებლად, ახალი იდეებისა, თუ წინადადებების ზემდგომი პირისთვის მიწოდება;
** პერიოდულად, ხარისხის შეფასების მექანიზმებში, თავისი როლის შესაბამისად, მონაწილეობის მიღება, განხორციელებული ხარისხის გარე შეფასების მექანიზმების შედეგად გამოვლენილი ხარვეზების, თავისი კომპეტენციის ფარგლებში, გამოსწორების ხელშეწყობა;
** ყოველი თვის ბოლოს რეპორტის ფორმის შევსებაში, თავისის კომპეტენციის ფარგლებში, მონაწილეობის მიღება.

კონკურსი ჩატარდება ორ ეტაპად: პირველ ეტაპზე შერჩევა მოხდება CV-ის საფუძველზე. მეორე ეტაპზე ჩატარდება გასაუბრება.

საბუთების მიღების ბოლო ვადაა 2025 წლის 1 აგვისტო.

დაინტერესებულ პირებს გთხოვთ, გამოაგზავნოთ CV ფოტოსურათით და სურვილის შემთხვევაში, მცირე სამოტივაციო წერილი შემდეგი ელექტრონული ფოსტის მისამართზე: hr@stevejobs.edu.ge და გთხოვთ, სათაურის ველში აუცილებლად მიუთითოთ პოზიციის დასახელება და ქალაქი, რომელი ქალაქის ფილიალის მენეჯერის პოზიციაზეც შემოგაქვთ განაცხადი, მაგალითად "მენეჯერი თბილისში". ამ სათაურის გარეშე აპლიკანტის განაცხადი შეიძლება არ იქნას განხილული.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ კანონის" ფარგლებში შეაგროვოს, დაამუშაოს და შეინახოს თქვენი ინფორმაცია. პერსონალური მონაცემები გამოყენებული იქნება მხოლოდ დასაქმებისათვის საჭირო პროცედურებისთვის და თქვენი თანხმობის გარეშე არ გადაეცემა მესამე პირებს.

გისურვებთ წარმატებებს!

ყველა ვაკანსია

ამოსაბეჭდი ვერსია

ყველა ვაკანსია ერთ გვერდზე

ყველა ვაკანსია ერთ გვერდზე