|
დასახელება:
შერჩევის უმცროსი სპეციალისტი
|
| მომწოდებელი:
ორი ნაბიჯი
|
|
გამოქვეყნდა: 04 ივლისი
/ ბოლო ვადა: 18 ივლისი
|
"2 ნაბიჯი" ქართული საცალო ვაჭრობის სფეროს გამოკვეთილი ლიდერია. კომპანია მუდმივად ზრდაზეა ორიენტირებული. დღეისათვის "2 ნაბიჯი" მთელი ქვეყნის მასშტაბით 500-ზე მეტი მაღაზიით არის წარმოდგენილი და მომხმარებელს მისგან 2 ნაბიჯში, ყოველდღიური მოხმარების პროდუქტებზე ხელმისაწვდომ ფასებსა და კომფორტულ გარემოს სთავაზობს. 2022 წლიდან ამოქმედდა კომპანიის ონლაინ მაღაზია, რომელიც ხელმისაწვდომია როგორც ვებ ფორმატში, ასევე აპლიკაციის სახით.
"2 ნაბიჯი" ერთ-ერთი უმსხვილესი დამსაქმებელია შრომის ბაზარზე, ამჟამად კომპანია 5000-მდე თანამშრომელს ითვლის. ჩვენი მიზანია, მივაღწიოთ მაქსიმალურ ეფექტიანობას და გვჯერა, რომ ამ მიზნის მიღწევას მხოლოდ საუკეთესო პროფესიონალების გუნდით მოვახერხებთ.
კომპანია "2 ნაბიჯი" აცხადებს ვაკანსიას შერჩევის უმცროსი სპეციალისტის პოზიციაზე.
ძირითადი ფუნქცია-მოვალეობები:
** კანდიდატების მონაცემების დამუშავება, შესაბამის პროგრამაში ასახვა და დასაქმების მსურველთა ბაზების წარმოება;
** აპლიკანტებთან დაკავშირება, გასაუბრება და შესაბამის ფილიალში განაწილება;
** გასაუბრების შედეგების პროგრამული ასახვა;
** სტაჟირების პროცესის დასაწყებად საჭირო ხელშეკრულების გაფორმების პროცესის მართვა;
** ვაკანტურ პოზიციებზე შერჩეული კანდიდატების ფილიალში გამოცხადების პროცესის ყოველდღიური მონიტორინგი და ინფორმაციის შესაბამის ბაზებში ასახვა;
** ტესტირებების დაგეგმვა, ჩატარება და შედეგების ადმინისტრირება;
** კანდიდატების მოზიდვა-დაინტერესების არეალის გაზრდის მიზნით დაგეგმილ აქტივობებში მონაწილეობა;
** უშუალო საქმიანობასთან დაკავშირებული რეგულარული და რიგგარეშე რეპორტების მომზადება.
საკვალიფიკაციო მოთხოვნები და კომპეტენციები:
განათლება და გამოცდილება:
** დამამთავრებელი კურსის სტუდენტი ან ბაკალავრი, სასურველია ფსიქოლოგიის ან სოციალური მეცნიერებების მიმართულებით.
** სასურველია რეკრუტინგისა და შერჩევის მიმართულებით სამუშაო გამოცდილება.
პიროვნული თვისებები და უნარები:
** ეფექტური წერილობითი და ვერბალური კომუნიკაციის უნარი;
** განვითარებაზე ორიენტირებულობა;
** დეტალებზე ორიენტირებულობა;
** შედეგზე ორიენტირებულობა.
დაინტერესდით ამ შესაძლებლობით და გსურთ, განვითარდეთ "2 ნაბიჯის" გუნდთან ერთად, გამოგვიგზავნეთ რეზიუმე ელ.მისამართზე: HR@orinabiji.ge
გთხოვთ, სათაურის ველში (subject) აუცილებლად მიუთითო ვაკანსიის დასახელება "შერჩევის უმცროსი სპეციალისტი".
განაცხადების მიღების ბოლო ვადაა 18.07.2025.
გისურვებთ წარმატებებს!
მაღაზიათა ქსელი "ორი ნაბიჯი" კანდიდატების პერსონალურ მონაცემებს ამუშავებს მოქმედი კანონმდებლობის დაცვით. თქვენ მიერ გამოგზავნილი რეზიუმე შესაძლოა შეიცავდეს პერსონალურ მონაცემებს, რაც მაღაზიათა ქსელ "ორი ნაბიჯის" მიერ შესაძლოა დამუშავდეს თქვენი კანდიდატურის განხილვის და დასაქმების თაობაზე გადაწყვეტილების მიღების მიზნით. მონაცემების დამუშავების საფუძველია თქვენი თანხმობა (გამოხატული ამ ვაკანსიაზე გამოხმაურების გზით), ასევე, შრომითი ურთიერთობის დამყარების მიზნით თქვენი განცხადების განხილვა და სახელშეკრულებო ურთიერთობის დამყარება. დასაქმების პროცესში მოპოვებული ინფორმაცია შესაძლოა გაუზიარდეს მხოლოდ მაღაზიათა ქსელ "ორი ნაბიჯის" დამუშავებაზე უფლებამოსილ პირებს, კანონმდებლობით დადგენილი წესით, მათ მიერ გაწეული მომსახურებების ფარგლებში.
თქვენ მიერ წარმოდგენილი ინფორმაცია შეინახება არაუმეტეს 4 წლის ვადით (მათ შორის, სხვა რელევანტურ პოზიციაზე განსახილველად), გარდა იმ შემთხვევისა, როდესაც შესაძლოა არსებობდეს ინფორმაციის უფრო ხანგრძლივად შენახვის საკანონმდებლო ვალდებულება.
თქვენ უფლება გაქვთ მიიღოს ინფორმაცია თქვენ შესახებ დამუშავებული პერსონალური მონაცემების თაობაზე, გაეცნოთ მათ ასლებს, მოითხოვოთ მონაცემების გასწორება, განახლება, შევსება, დაბლოკვა, დამუშავების შეწყვეტა, წაშლა და/ან განადგურება, რისთვისაც შეგიძლიათ მიმართოთ მაღაზიათა ქსელ "ორი ნაბიჯს".
კომპანია ემიჯნება ნებისმიერი სახის დისკრიმინაციას როგორც ვაკანსიის შესახებ განცხადების გამოქვეყნების და შერჩევის ეტაპზე, ისე შრომითი ურთიერთობის ფარგლებში.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
