|
დასახელება:
ელექტრო შემკეთებელი
|
| მომწოდებელი:
ჰანიველ ცემენტი
|
|
გამოქვეყნდა: 30 ივნისი
/ ბოლო ვადა: 30 ივლისი
|
|
თანდართული ფაილი:
645936_app_form_6761598.zip
|
"ჰანიველ ცემენტი" საქართველოში 2006 წლიდან ოპერირებს და წამყვან ბრენდს წარმოადგენს ცემენტის და ბეტონის ადგილობრივ ბაზარზე. კომპანია ფლობს ცემენტის ქარხნებს კასპში და რუსთავში ასევე ცემენტის წისქვილს ფოთში და ცემენტის ტერმინალს სუფსაში. ჰანიველ ცემენტი კლინკერის ერთადერთი მწარმოებელია საქართველოში. ბეტონის პირველი ქარხანა ქვეყანაში 2009 წელს ამოქმედდა. ამჟამად ჰანიველ ცემენტი ბეტონის 15 ქარხანას ითვლის.
"ჰანიველ ცემენტი" აცხადებს ვაკანსიას რუსთავის ცემენტის ქარხანაში ელექტრო შემკეთებლის პოზიციაზე.
სამუშაო ლოკაცია: ქ. რუსთავი, მშენებელთა ქ. #70
სამუშაო გრაფიკი: ორშაბათი-პარასკევი, 08:00-17:00 საათი.
ვაკანტური პოზიციების რაოდენობა: 1
ძირითადი მოვალეობები:
** ელექტრული დანადგარებისა და მოწყობილობების სამონტაჟო, სარემონტო და გაწყობითი სამუშაოების შესრულება;
** ქარხნის ელექტროქსელში საექსპლუატაციო და სარემონტო სამუშაოების შესრულება საქართველოში მოქმედი წესებისა და სტანდარტების მიხედვით;
** ელექტროქსელში წარმოქმნილი გაუმართაობის დროული გამოვლენა და აღმოფხვრა კომპეტენციის ფარგლებში;
** უბედური შემთხვევის შედეგად დაზარალებულის პირველადი სამედიცინო დახმარების გაწევა;
** ელექტრო ოთახების, ელექტრო მოწყობილობების ელექტრო ფარების დაკეტილ მდგომარეობაში შენარჩუნება და სისუფთავის დაცვა;
** არ დაუშვას არსებული ელექტრული სქემების გადაკეთება, ხოლო აუცილებლობის შემთხვევაში შეათანხმოს ხელმძღვანელთან და შეადგინოს ახალი სქემა/ნახაზი;
** ავარიის შემთხვევაში მოახდინოს ადეკვატური რეაგირება და დაუყოვნებლივ დაუკავშირდეს მის უშუალო ხელმძღვანელს;
** კომპანიის სამუშაო ტერიტორიაზე არსებული და მოქმედი შრომის უსაფრთხოების წესებისა და რეგულაციების დაცვა.
საკვალიფიკაციო მოთხოვნები და უნარ-ჩვევები:
** უმაღლესი ან/და პროფესიული განათლება ელექტრო ინჟინერიის მიმართულებით.
** მსგავს პოზიციაზე მუშაობის მინიმუმ 1 წლიანი გამოცდილება.
** ელექტრიკოსის IV ჯგუფის მოწმობა.
** პასუხისმგებლობის გრძნობა.
** გუნდური მუშაობა.
** დეტალებზე ორიენტირებულობა.
არსებული ბენეფიტები:
** კომპანია უზრუნველყოფს უფასო კვებას
** ტრენინგებს სამუშაოს კვალიფიციურად შესასრულებლად
** ჯანმრთელობის კერძო დაზღვევას საუკეთესო პირობებით
** უფასო ტრანსპორტირებას სამსახურამდე
დაინტერესების შემთხვევაში გთხოვთ მოგვაწოდოთ თქვენი რეზიუმე ელ. მისამართზე: careers@cement.ge (ასევე, შეგიძლიათ შეავსოთ და გამოგვიგზავნოთ თანდართული სააპლიკაციო ფორმა) ან მოგვწერეთ თქვენი საკონტაქტო ინფორმაცია და ჩვენ დაგიკავშირდებით.
გთხოვთ, სათაურის ველში მიუთითეთ პოზიციის დასახელება - ელექტრო შემკეთებელი (რუსთავი)
გისურვებთ წარმატებას!
თქვენი პერსონალური მონაცემები, რომლებიც ჰანიველ ცემენტისთვის ხელმისაწვდომი გახდა გამოცხადებულ ვაკანსიაზე განაცხადების განხილვისას, ჰანიველ ცემენტის მხრიდან დამუშავდება "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად. თქვენს მიერ წარმოდგენილი პერსონალური მონაცემების დამუშავების ვადა განისაზღვრება 3 წლის ვადით.
კანდიდატის პერსონალური მონაცემები, უშუალოდ იმ ვაკანსიაზე განხილვის გარდა, რომელზეც გამოიგზავნა განაცხადი, შესაძლოა შენახული და გამოყენებული იქნას თქვენი კანდიდატურის სხვა პოზიციაზე განსახილველად. თუ თქვენ წინააღმდეგი ხართ, თქვენი კანდიდატურა განხილულ იქნას სხვა პოზიციაზე ან გსურთ შპს ჰანიველ ცემენტმა შეწყვიტოს თქვენი პერსონალური მონაცემების დამუშავება, შეგიძლიათ დაგვიკავშირდეთ კომპანიის საკონტაქტო ნომერზე.
გაითვალისწინეთ, რომ კანდიდატის პერსონალური მონაცემების გამოგზავნით, თქვენ ადასტურებთ, რომ გაეცანით წინამდებარე შეტყობინებას და თანახმა ხართ, თქვენი პერსონალური მონაცემები დამუშავდეს ზემოაღნიშნული პირობების დაცვით.
ჰანიველ ცემენტი კანდიდატთა შერჩევის პროცესს ახორციელებს "დისკრიმინაციის ყველა ფორმით აღმოფხვრის შესახებ" საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე