ჯობს.გე - ეპიდემიოლოგიური მიმართულების უფროსი

ეპიდემიოლოგიური მიმართულების უფროსი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: ეპიდემიოლოგიური მიმართულების უფროსი

მომწოდებელი: საქართველოს კლინიკები

გამოქვეყნდა: 27 ივნისი / ბოლო ვადა: 11 ივლისი

"საქართველოს კლინიკები" საქართველოს ჯანდაცვის ჯგუფში შემავალი კომპანიაა, რომლის მისიაა ჯანდაცვის სერვისებზე ხელმისაწვდომობა და პაციენტების ცხოვრების ხარისხის გაუმჯობესება.
"საქართველოს კლინიკები" ერთ-ერთი ყველაზე ფართო ჰოსპიტალური ქსელია საქართველოში.
შემოუერთდი ჩვენს დიდ გუნდს!

"საქართველოს კლინიკები" აცხადებს ეპიდემიოლოგიური მიმართულების უფროსის ვაკანსიას თბილისში.

სამუშოს ადგილმდებარეობა: სათავო ოფისი, თბილისი, ცინცაძის N24ა.
სამუშო გრაფიკი: ორშაბათი-პარასკევი, 10:00-19:00.

ძირითადი მოვალეობები:

** ქსელის მასშტაბით, ინფექციის კონტროლის, ეპიდზედამხედველობისა და ანტიბიოტიკოთერაპიის მონიტორინგის სისტემის დანერგვა და კონტროლი;
** ნოზოკომიური ინფექციების აფეთქებების შესწავლა და მართვა;
** არსებული გაიდლაინებისა და პროტოკოლების ქსელის შიდა პროცესებთან ადაპტირება და ქსელის მასშტაბით კლინიკების მიერ აღსრულების მონიტორინგი;
** ინფექციის კონტროლისა და პრევენციის სამუშაო გეგმის შედგენა, ინფექციის კონტროლის დოკუმენტაციის შემუშავება;
** პაციენტთა იზოლაციისა და ინფექციის პრევენციის ალგორითმების შემუშავება და აღსრულების მონიტორინგი;
** ინფექციის კონტროლის/პრევენციასთან დაკავშირებული საქმიანობის მონიტორინგი (სტერილიზაციის, დეკონტამინაციის, დალაგება/დასუფთავების და ნარჩენების მართვის და ა.შ);
** ხელის ჰიგიენისა და უსაფრთხო ინექციების სათანადო პრაქტიკის დანერგვა ქსელის მასშტაბით და შესაბამისი აღსრულების მონიტორინგი;
** ქსელის მასშტაბით, ინფექციის კონტროლის, ეპიდზედამხედველობისა და ანტიბიოტიკოთერაპიის მიმართულებით, მონაცემთა ბაზების დანერგვა/წარმოების მონიტორინგი;
** ეპიდემიოლოგიური მონაცემების ანალიზი (მათ შორის ინდიკატორების შემუშავება და ქსელის მასშტაბით ინფორმაციის შეგროვება) და ანგარიშგების მომზადება;
** ნოზოკომიური ინფექციების აფეთქებების შესწავლა და მართვა
** პანდემიებისა, ეპიდემიების დროს სამოქმედო პროტოკოლის შემუშავება;
** კლინიკის ინფრასტრუქტურის გამართვის პროცესში მონაწილეობა, მათ შორის, ოთახების განლაგების, აღჭურვილობის (სამედიცინო, არასამედიცინო) განთავსების, განათების, ვენტილაციისა და სხვა დეტალების დაგეგმვის მიზნით;
** დადგენილი პერიოდულობით, კლინიკებში ვიზიტი და სამუშაო პროცესის ადგილზე შესწავლა;
** უშუალო ხელმძღვანელისთვის ინფექციის კონტროლის პროცესის შესახებ ანგარიშების მომზადება.

ვაკანსიის მოთხოვნები:

** უმაღლესი სამედიცინო განათლება (ეპიდემიოლოგიის ან გადამზადების შესაბამისი სერტიფიკატი) ან პროფილაქტიკური მედიცინის ან/და სანიტარია-ჰიგიენის ფაკულტეტის კურსდამთავრებული (შესაბამის სპეციალობაში სახელმწიფო სერტიფიკატის მქონე პირი);
** აუცილებელია სულ მცირე 3-5 წლიანი სამუშაო გამოცდილება ეპიდემიოლოგიის მიმართულებით;
** აუცილებელია სამედიცინო დაწესებულებაში მუშაობის გამოცდილება;
** საოფისე პროგრამების მომხმარებლის დონეზე ცოდნა;
** ჯანდაცვის სამინისტროს შესაბამისი დადგენილებების ცოდნა;
** ჯანდაცვის მარეგულირებელი კანონმდებლობის ცოდნა/სიახლეების გაცნობა;
** პროფესიული განვითარებისკენ სწრაფვა.

პირობები და ბენეფიტები:

** ჯანმრთელობის დაზღვევა;
** Snap Fitness და Lumos Yoga-ბენეფიტი;
** "საქართველოს კლინიკების", "ვიანის" და "ევექსის" ქსელის ნებისმიერ დაწესებულებაში გეგმიური ამბულატორიული მომსახურება, დიაგნოსტიკური და ლაბორატორიულ-ინსტრუმენტული კვლევები ყოველგვარი შეზღუდვისა და ლიმიტის გარეშე, 50%-იანი თანაგადახდით;
** მედიკამენტები და პარაფარმაციის პროდუქტები 15-30% -იანი ფასდაკლებით ჯიპისისა და ფარმადეპოს ქსელში;
** ულიმიტო სტომატოლოგიური მომსახურება "ნიუ-დენტში";
** ლაბორატორიული კვლევები "მეგალაბში" 50%-იანი ფასდაკლებით;

განაცხადის მიღების ბოლო ვადაა: 11 ივლისი, 2025

დაინტერესებულმა კანდიდატებმა, გთხოვთ, გაგვიზიაროთ რეზიუმე (CV) შემდეგ მისამართზე: gc_hr@clinics.ge და სათაურის ველში მიუთითეთ პოზიციის დასახელება "ეპიდემიოლოგიური მიმართულების უფროსი ".

"საქართველოს კლინიკები" მადლობას გიხდით ვაკანტური თანამდებობით დაინტერესებისათვის და გისურვებთ წარმატებებს.

1. მოთხოვნილი დოკუმენტის/ინფორმაციის გადმომგზავნით დასაქმების მსურველი (შემდგომში აგრეთვე - კანდიდატი) ადასტურებს, რომ მის მიერ მოწოდებული ინფორმაცია (პირადი მონაცემები, რეზიუმე, დიპლომ (ებ)ი, სერტიფიკატ (ებ)ი და სხვა ნებისმიერი მოწოდებული დოკუმენტაცია), არის უტყუარი და აცხადებს თანხმობას, რომ დამატებით წარადგენს უტყუარ ინფორმაციას, რაც საჭირო იქნება წინასახელშეკრულებო ურთიერთობის პერიოდში;
2. ამასთან კანდიდატი იღებს ვალდებულებას, რომ დამსაქმებელს მიაწვდის სრულ ინფორმაციას იმ გარემოებათა შესახებ, რომლებმაც შეიძლება ხელი შეუშალოს სამუშაოს შესრულებაში ან/და საფრთხე შეუქმნას დამსაქმებლის ან მესამე პირის ინტერესებს. აღნიშნული ვალდებულების დარღვევის შემთხვევაში შესაძლოა, შესაბამისი კანდიდატურა მოიხსნას შესარჩევი კონკურსიდან ხოლო თანამშრომლობის შემთხვევაში, მიიღოს წერილობითი გაფრთხილება, ან შეწყდეს შრომითი კონტრაქტი.
3. დამსაქმებელი, კანდიდატის წინამდებარე თანხმობის საფუძველზე აცხადებს, რომ დაამუშავებს წინასახელშეკრულებო პერიოდში კანდიდატისგან მოპოვებულ ინფორმაციას სს საქართველოს კლინიკების (ს/კ 404476205) ან მის ქსელში შემავალ სამედიცინო დაწესებულებაში (ყოველგვარი ეჭვის გამოსარიცხად ქსელში შემავალ სამედიცინო დაწესებულებაში იგულისხმება: სს საქართველოს კლინიკების შვილობილი და/ან მასთან დაკავშირებული ნებისმიერი პროფილის კომპანიას და/ან მისი პირდაპირი ან ირიბი მართვის ქვეშ მყოფი კომპანია (შემდგომში - დამსაქმებელი).
4. დამსაქმებელი იღებს ვალდებულებას წინასახელშეკრულებო პერიოდში კანდიდატისგან მოპოვებული ინფორმაცია დაამუშაოს იმ მოცულობით და ფარგლებში, რომელიც საჭიროა კანდიდატის დასაქმების მიზნის მისაღწევად. მოპოვებული ინფორმაცია დამსაქმებელთან ინახება არაუმეტეს 3 (სამი) წლის ვადით, ხოლო ნებისმიერი სადავო საკითხის შემთხვევაში, რომელსაც შეიძლება შემხებლობა ჰქონდეს კანდიდატთან ან მოპოვებულ ინფორმაციასთან, შესაბამისი დავის დასრულებამდე. ამასთან, სადავო გარემოებების არსებობისას, დამსაქმებელი უფლებამოსილია, მოპოვებული ინფორმაცია გადასცეს შესაბამის კომპეტენტურ ორგანოებს. ასევე, კანდიდატის მიერ გამოგზავნილი მონაცემები შესაძლოა, არ იქნას განხილული მოცემულ ვაკანსიაზე და დარეზერვებული იქნას სხვა რელევანტური ვაკანსიისათვის. დასაქმების შემთხვევაში, კანდიდატის მონაცემები შეინახება მინიმუმ დასაქმების სრული პერიოდის განმავლობაში.
5. დამსაქმებელი ასევე იღებს ვალდებულებას, რომ წინასახელშეკრულებო პერიოდში კანდიდატს გააცნოს სრული ინფორმაცია შესასრულებელი სამუშაოს, შრომითი ხელშეკრულების ფორმის (წერილობითი, ზეპირი), ვადის, შრომის პირობებისა და დასაქმებულის უფლებრივი მდგომარეობის შესახებ.
6. პერსონალურ მონაცემთა დაცვის მაღალი სტანდარტის დანერგვისა და მათ დამუშავებასთან დაკავშირებული ნებისმიერი საკითხისა თუ წამოჭრილი პრობლემის მაქსიმალურად ეფექტურად მართვის/გადაჭრის მიზნით, წინამდებარე თანხმობის გამცემი პირი უფლებამოსილია, კონსულტაციისთვის, ნებისმიერ დროს მიმართოს დამსაქმებლის პერსონალურ მონაცემთა დაცვის ოფიცერს და არსებული საჭიროებიდან გამომდინარე, მაქსიმალურად მოკლე ვადაში მიიღოს კვალიფიციური და ოპერატიული მომსახურება.

ყველა ვაკანსია

ამოსაბეჭდი ვერსია

ყველა ვაკანსია ერთ გვერდზე

ყველა ვაკანსია ერთ გვერდზე

ყველა ვაკანსია ერთ გვერდზე