ჯობს.გე - მარკეტინგის კოორდინატორი

მარკეტინგის კოორდინატორი - დაბა ჩაქვი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: მარკეტინგის კოორდინატორი

მომწოდებელი: დრიმლენდ ოაზისი

გამოქვეყნდა: 24 ივნისი / ბოლო ვადა: 24 ივლისი

"Dreamland Oasis Chakvi" წარმოადგენს საქართველოში პირველ, პრემიუმ კლასის დასასვენებელ და საცხოვრებელ კომპლექსს, რომელიც მდებარეობს დაბა ჩაქვში, აჭარის ულამაზეს მთიანეთსა და შავი ზღვის სანაპიროს შორის. კომპლექსი აერთიანებს პრემიუმ კატეგორიის სასტუმროს, საცხოვრებელ აპარტამენტებს, ასევე გართობისა და დასვენებისათვის განკუთვნილ სივრცეებს.

კომპანიის შესახებ დამატებითი ინფორმაციისათვის ეწვიეთ ჩვენს ონლაინ პლატფორმებს:

https://www.linkedin.com/company/4870928/admin/
https://www.facebook.com/dreamlandoasishotel/?ref=pages_you_manage
https://www.instagram.com/dreamlandoasis_chakvi/

კომპანია აცხადებს ვაკანსიას მარკეტინგის კოორდინატორის პოზიციაზე.

სამუშაო ადგილი - დაბა ჩაქვი
სამუშაო განაკვეთი - სრული

ძირითადი ფუნქცია-მოვალეობები:

** მარკეტინგული და სარეკლამო აქტივობის დაგეგმვაში მონაწილეობის მიღება, მათ განხორციელებაში ჩართულობა;
** აქტიური თანამშრომლობა სარეკლამო კომპანიებთან (სარეკლამო მასალის ფასების მოძიება, დაკვეთა, შესყიდვა და შესრულებული სამუშაოს მონიტორინგი);
** სტრუქტურული ერთეულების ხელმძღვანელებისგან მარკეტინგის დეპარტამენტისთვის საჭირო ინფორმაციის მოძიება და დამუშავება;
** ახალი საღონისძიებო თუ სხვა პროდუქტის მონაწილეობა და მათი გაყიდვების სტიმულირების აქტივობაში ჩართულობა;
** კომპანიის სოციალურ არხების მონიტორინგი და მართვა, კითხვებზე და კომენტარებზე დროული რეაგირება.
** ყოველდღიური მარკეტინგული დავალებების შესრულება;
** ბაზრის ტენდენციების კვლევა, მომხმარებლის გამოცდილებისა და კონკურენტების აქტივობების გასაგებად;
** ყოველკვირეული ანგარიშის წარმოება უშუალო ხელმძღვანელთან;
** უშუალო ხელმძღვანელისგან მიღებული სხვადასხვა დავალებების შესრულება კომპეტენციის ფარგლებში;

საკვალიფიკაციო მოთხოვნები:

** მინიმუმ 1-2 წლიანი გამოცდილება მარკეტინგის სფეროში, სასურველია ტურიზმის ინდუსტრიაში;
** აუცილებელია ქართული და ინგლისური ენების სრულყოფილად ფლობა; რუსული ენის ცოდნა ჩაითვლება უპირატესობად;
** Microsoft Office-ის (Word, Excel, PowerPoint) და მარკეტინგული ინსტრუმენტების (მაგ., სოციალური მედიის პლატფორმების, გრაფიკული დიზაინის ხელსაწყოების (Canva, Adobe Photoshop)) ცოდნა;

პიროვნული თვისებები:

** ძლიერი წერილობითი და ვერბალური კომუნიკაციის უნარი;
** პრიორიტეტების განსაზღვრის უნარი;
** განვითარებაზე ორიენტირებული;
** ლოგიკური აზროვნების უნარი;
** პასუხისმგებლობის მაღალი გრძნობა;

ჩვენ გთავაზობთ:

** კორპორატიულ დაზღვევას
** კვებას

შერჩევის ეტაპები:

** განაცხადების გადარჩევა
** გასაუბრება

დაინტერესებულ პირებს, გთხოვთ, გამოაგზავნოთ თქვენი რეზიუმე (CV) შემდეგ ელექტრონულ მისამართზე: vacancy@hoteloasis.ge. გთხოვთ, სათაურში (subject) მიუთითოთ ვაკანსიის დასახელება - "მარკეტინგის დეპარტამენტის კოორდინატორი"

დაკავშირება მოხდება მხოლოდ შერჩეულ კანდიდატებთან.

გისურვებთ წარმატებას!

აპლიკანტის ინფორმირება

მე, როგორც აპლიკანტი, ჩემი სააპლიკაციო განაცხადის ან/და რეზიუმეს (CV) შპს "დრიმლენდ ოაზისი"-ს ელექტრონულ ფოსტაზე გამოგზავნით ვადასტურებ, რომ შპს "დრიმლენდ ოაზისი"-ს მხრიდან ინფორმირებული ვარ შემდეგზე:

1. ჩემ მიერ მიწოდებულ პერსონალურ მონაცემებს დაამუშავებს შპს "დრიმლენდ ოაზისი" (ტელ: 032 247 22 33).
2. ჩემი პერსონალური მონაცემები, შპს "დრიმლენდ ოაზისი"-ს მიერ მუშავდება "პერსონალურ მონაცემთა დაცვის შესახებ" საქართველოს კანონის, მათ შორის აღნიშნული კანონის მე-5 მუხლის პირველი პუნქტის "ბ" (ჩემთან გარიგების დასადებად) და "კ" (ჩემი რეზიუმეს განსახილველად) ქვეპუნქტების საფუძველზე, ჩემთან სახელშეკრულებო/შრომითი ურთიერთობის დამყარების მიზნით.
3. ჩემ მიერ პერსონალური მონაცემების მიწოდება სავალდებულოა/აუცილებელია ჩემი კანდიდატურის განსახილველად, ხოლო, მიუწოდებლობა წარმოადგენს შპს "დრიმლენდ ოაზისი"-ს მიერ ჩემი კანდიდატურის განხილვაზე უარის თქმის საფუძველს.
4. შპს "დრიმლენდ ოაზისი"-ს პერსონალურ მონაცემთა დაცვის ოფიცერია შპს "შრომის უსაფრთხოების მენეჯმენტის ჯგუფი" (ტელ: +995 577 208 787).
5. ჩემი პერსონალური მონაცემების დამუშავების პროცესში ჩართულია იმ დეპარტამენტის ხელმძღვანელი, რომელსაც ეკუთვნის ვაკანსია და ადამიანური რესურსების დეპარტამენტის ის თანამშრომლები, რომლებიც უშუალოდ არიან ჩართული შერჩევის პროცესში. თითოეულ მათგანს გაცნობიერებული აქვს პერსონალური მონაცემების დაცვის მნიშვნელობა და ნაკისრი აქვს მათი დაცვის ვალდებულება.
6. შპს "დრიმლენდ ოაზისი" არ გეგმავს ჩემი პერსონალური მონაცემების სხვა პირებისათვის გადაცემას, მათ შორის საერთაშორისო გადაცემას.
7. ჩემი პერსონალური მონაცემები ინახება ჩემ მიერ მისი მიწოდებიდან არაუმეტეს 1 (ერთი) წლისა, ხოლო, ჩემთან შრომითი ხელშეკრულების გაფორმების შემთხვევაში, მიღებული იქნება დამატებითი გადაწყვეტილება ჩემი პერსონალური მონაცემების დამუშავების ვადებთან დაკავშირებით.
8. მაქვს შემდეგი უფლებები: მონაცემთა დამუშავების შესახებ ინფორმაციის მიღების უფლება; მონაცემთა გაცნობისა და ასლის მიღების უფლება; მონაცემთა გასწორების, განახლებისა და შევსების მოთხოვნის უფლება; მონაცემების დამუშავების შეწყვეტის, წაშლის ან განადგურების მოთხოვნის უფლება; მონაცემთა დაბლოკვის მოთხოვნის უფლება; მონაცემთა გადატანის მოთხოვნის უფლება; თანხმობის გამოხმობის უფლება; "პერსონალურ მონაცემთა დაცვის შესახებ" საქართველოს კანონით გათვალისწინებული ჩემი უფლებების და აღნიშნული კანონით დადგენილი წესების შპს "დრიმლენდ ოაზისი"-ს მიერ დარღვევის შემთხვევაში, პერსონალურ მონაცემთა დაცვის სამსახურში ან სასამართლოში გასაჩივრების უფლება.

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

ყველა ვაკანსია ერთ გვერდზე

ყველა ვაკანსია ერთ გვერდზე

ყველა ვაკანსია ერთ გვერდზე