|
დასახელება:
დიასახლისი
|
| მომწოდებელი:
მარგალიტი ქოლექშენი
|
|
გამოქვეყნდა: 06 ივნისი
/ ბოლო ვადა: 06 ივლისი
|
"მარგალიტი ქოლექშენი" აცხადებს ვაკანსიას დიასახლისის პოზიციაზე. თუ ხართ მოწესრიგებული, პასუხისმგებლობის მქონე და გაქვთ გამოცდილება საოჯახო საქმეების მართვაში, შემოგვიერთდით ჩვენს გუნდს! ჩვენ გვჭირდება ადამიანი, რომელსაც უყვარს სისუფთავე და კომფორტული გარემოს შექმნა.
სამუშაო ადგილი: თბილისი, პეტრიაშვილის #1
სამუშაო გრაფიკი: 5/2 (5 სამუშაო დღე, 2 დასვენების დღე)
ანაზღაურება: კანდიდატის გამოცდილებისა და კვალიფიკაციის მიხედვით.
ჩვენ გთავაზობთ:
** სტაბილურ და კომფორტულ სამუშაო გარემოს, სადაც თქვენი წვლილი დაფასდება.
** შესაძლებლობას, გახდეთ მეგობრული და პროფესიონალური გუნდის ნაწილი.
** მუშაობას სასიამოვნო გარემოში, რომელიც ხელს უწყობს პროდუქტიულობას.
ფუნქცია-მოვალეობები:
** სისუფთავის უზრუნველყოფა: ობიექტის შენობების, საოფისე და საერთო სივრცეების (კაფე, მაღაზია, საპირფარეშოები და ა.შ.) ყოველდღიური სისუფთავის და ჰიგიენური ნორმების უმკაცრესი დაცვა.
** ინვენტარის მოვლა: დასუფთავებისთვის საჭირო ინვენტარისა და სარეცხი საშუალებების მოწესრიგება და მათი მარაგის კონტროლი.
** ორგანიზება: პირადი ნივთების, საოფისე დოკუმენტებისა და სხვა ნივთების მოწესრიგება და სწორად განთავსება.
** დახმარება: საჭიროების შემთხვევაში, მზარეულის ან სხვა თანამშრომლებისთვის დახმარების გაწევა ყოველდღიურ საქმიანობაში.
აუცილებელი უნარები და პიროვნული თვისებები:
** დიასახლისად მუშაობის გამოცდილება: აღნიშნულ პოზიციაზე (ან მსგავს სფეროში) მუშაობის მინიმუმ 1 წლიანი გამოცდილება ჩაითვლება პრიორიტეტად.
** მოწესრიგებულობა და დეტალებზე ორიენტაცია: სამუშაო ადგილის მოწესრიგება და მაღალი ხარისხის სტანდარტების დაცვა.
** პასუხისმგებლობის მაღალი გრძნობა: მოვალეობების მიმართ კეთილსინდისიერი დამოკიდებულება და სისუფთავის უმკაცრესი დაცვა.
** პუნქტუალურობა და ენერგიულობა: დროის ეფექტურად მართვის უნარი და დინამიურ გარემოში მუშაობის მოტივაცია.
** გუნდური მუშაობის უნარი: თანამშრომლებთან ჰარმონიული თანამშრომლობა და საერთო მიზნებისთვის მუშაობა.
"მარგალიტი ქოლექშენის" შესახებ:
"მარგალიტი ქოლექშენი" არის უნიკალური კონცეფცია, რომელიც აერთიანებს კაფესა და სპეციალიზებულ მაღაზიას, სადაც წარმოდგენილია საქართველოს საუკეთესო, აგრარული წარმოშობის ქართული პროდუქტები. ჩვენი ობიექტი განასახიერებს "ფერმიდან მაგიდამდე" კონცეფციას, რაც გულისხმობს, რომ ყველა პროდუქტი - ახალი ყველი საკუთარი მეურნეობიდან, პიცა, სენდვიჩები თუ საკონდიტრო ნაწარმი - უმაღლესი ხარისხის, ხელით მოყვანილი ინგრედიენტებით მზადდება. გარდა რძის პროდუქტებისა, "მარგალიტი" აღმოაჩენს და მომხმარებელს სთავაზობს საქართველოს სხვა "მარგალიტის პროდუქტებს" - მათ შორის, ნატურალურ თაფლს, მურაბებს, მაღალმთიან ჩაის, პრემიუმ ღვინოს და ხელნაკეთ ალკოჰოლურ სასმელებს. ჩვენი მიზანია, მხარი დავუჭიროთ ახალგაზრდების განათლებას და ქართული მდგრადი სოფლის მეურნეობის მომავალს.
დაინტერესებულ კანდიდატებს გთხოვთ, გამოაგზავნოთ თქვენი რეზიუმე (CV) ელექტრონულ მისამართზე: margaliticollection@gmail.com. გთხოვთ, ელ. ფოსტის სათაურის ველში (Subject) აუცილებლად მიუთითოთ პოზიციის დასახელება: "დიასახლისი".
გისურვებთ წარმატებებს!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
