|
დასახელება:
მძღოლი-ინსტალატორი, მძღოლის დამხმარე ტექნიკური თანამშრომელი
|
| მომწოდებელი:
ივენთივ
|
|
გამოქვეყნდა: 09 ივნისი
/ ბოლო ვადა: 30 ივნისი
|
კომპანია "ივენთივი" აცხადებს ვაკანსიას შემდეგ პოზიციებზე:
1. მძღოლი-ინსტალატორი
კომპანია "ივენთივი", /https://eventive.ge/ არის ერთ-ერთი წამყვანი ივენთ კომპანია, რომელიც ქართულ ბაზარზე 2019 წლიდან ოპერირებს და მისი მიზანია მომხმარებლისთვის შექმნას დაუვიწყარი მომენტები და წარუშლელი მოგონებები.
კომპანია გთავაზობთ, როგორც ღონისძიებების დაგეგმვას და განხორციელებას. ასევე თითოეული ღონისძიებისათვის აუცილებელი ინვენტარითა და ტექნიკური აღჭურვილობით უზრუნველყოფას.
სავარაუდო ანაზღაურება: ფიქსირებული 1500 ლარი + არასამუშაო საათებში ზეგანაკვეთური ანაზღაურება განხორციელებული შეკვეთებიდან (სავარაუდოდ 300-500 ლარი ყოველთვიურად)
სამუშაო გრაფიკი: კვირაში 5 დღე. დასვენება - 2 დღე.
სამუშაო ადგილი: ქ. თბილისი, შესაძლებელია მივლინებები საქართველოს ფარგლებში
დამატებითი სარგებელი: ჯანმრთელობის დაზღვევა, საკომუნიკაციო ხარჯები
კომპანია "ივენთივი"-ში გვესაჭიროება გამოცდილი მძღოლი ინსტალატორი, რომელიც კომპანიის კუთვნილი მინივენის ზომის სატვირთო ავტომობილით განახორციელებს ნედლეულის, მენიუს და სხვადასხვა ინვენტარის ტრანსპორტირებას და უზრუნველყოფს ღონისძიების ჩატარების ადგილზე მის ინსტალაციას (როგორც დამოუკიდებლად, ასევე დამხმარე პერსონალის ჩართულობით). ძირითადი ინვენტარი, რომლის ტრანსპორტირება/განთავსება იქნება საჭირო შეგიძლიათ იხილოთ ბმულზე https://shop.eventive.ge/ ინვენტარის საწყობები მდებარეობს თბილისში, რამაზ ჩხიკვაძის ქუჩა N 18 და ანდრია ბენაშვილის 26ა -ში.
ავტომობილს, მისი დაზღვევის, შეკეთების და საწვავის ხარჯებს უზრუნველყოფს კომპანია.
ძირითადი მოვალეობები:
** მასზე განპიროვნებული ავტომობილის ტექნიკური გამართულობის უზრუნველყოფა (გეგმური ტექნიკური შემოწმებები, გაუმართაობების აღმოფხვრის უზრუნველყოფა და ა.შ.);
** კომპანიის ინვენტარის ტრანსპორტში ჩატვირთვა/გადმოტვირთვის უზრუნველყოფა (როგორც პირადად, ასევე დამხმარე პერსონალით);
** კომპანიის ინვენტარის უსაფრთხო ტრანსპორტირება;
** ინვენტარის გაცემის/ მიღების უზრუნველყოფა, შესაბამისი ფორმის დოკუმენტში ასახვა;
** ტრანსპორტირებამდე (როგორც დამკვეთთან, ასევე საწყობში) ინვენტარის დაზიანება/გაუმართაობის შემოწმება;
** საჭიროების მიხედვით, ღონისძიების ჩატარების ადგილზე ინვენტარის გამართვა/აწყობის უზრუნველყოფა (როგორც პირადად, ასევე დამხმარე პერსონალით).
საკვალიფიკაციო მოთხოვნები:
** მართვის მოწმობა - B კატეგორია;
** ავტომობილის მართვის ხანგრძლივი გამოცდილება;
** ავტომობილის გრძელ დისტანციებზე უსაფრთხოდ მართვის უნარი;
** მსუბუქი და საშუალო სიმძიმის ინვენტარის ჩატვირთვა/გადმოტვირთვის და მცირე მანძილებზე გადატანის ფიზიკური შესაძლებლობა.
2. მძღოლის დამხმარე ტექნიკური თანამშრომელი
სავარაუდო ანაზღაურება: ფიქსირებული 1500 ლარი + ბონუსი (სავარაუდოდ 300-500 ლარი ყოველთვიურად)
სამუშაო გრაფიკი: კვირაში 5 დღე. დასვენება - 2 დღე.
სამუშაო ადგილი: ქ. თბილისი, შესაძლებელია მივლინებები საქართველოს ფარგლებში
დამატებითი სარგებელი: ჯანმრთელობის დაზღვევა, საკომუნიკაციო ხარჯები
კომპანია "ივენთივი"-ში გვესაჭიროება გამოცდილი მძღოლის დამხმარე ტექნიკური თანამშრომელი, რომელიც კომპანიის სატვირთო ავტომობილით მძღოლთან ერთად განახორციელებს ნედლეულის, მენიუს და სხვადასხვა ინვენტარის ტრანსპორტირებას და უზრუნველყოფს ღონისძიების ჩატარების ადგილზე მის ინსტალაციას (როგორც დამოუკიდებლად, ასევე მძღოლის ჩართულობით). ძირითადი ინვენტარი, რომლის ტრანსპორტირება/განთავსება იქნება საჭირო შეგიძლიათ იხილოთ ბმულზე: https://shop.eventive.ge/ ინვენტარის საწყობები მდებარეობს თბილისში, რამაზ ჩხიკვაძის ქუჩა N 18 და ანდრია ბენაშვილის 26ა-ში.
ძირითადი მოვალეობები:
** ტენტების, მაგიდების და სკამების, საკონცერტო სცენის, სხვა ინვენტარისა და საკვების ჩატვირთვა-ჩამოტვირთვა, ინსტალაცია და დეინსტალაცია;
** ღონისძიებების დასრულების შემდეგ ინვენტარის საწყობში დაბრუნება.
** დღის განმავლობაში შიდა გადაზიდვის მძღოლთან ერთად გადაადგილება და ნედლეულისა და მზა პროდუქციის ავტომობილში დატვირთვა/დაცლა;
** ავტომობილში პროდუქციის უსაფრთხო დატვირთვისა და ჩამოტვირთვის უზრუნველყოფა.
საკვალიფიკაციო მოთხოვნები:
** ფიზიკურად დატვირთულ რეჟიმში მუშაობის გამოცდილება;
** ინტენსიურ რეჟიმში მუშაობის უნარი;
** ყურადღებიანი და პასუხისმგებლიანი;
** გუნდური მუშაობის უნარის მქონე.
დაინტერესებულ კანდიდატებს გთხოვთ, გამოაგზავნოთ თქვენი რეზიუმე შემდეგ ელექტრონულ მისამართზე: info@eventive.ge არაუგვიანეს 30 ივნისისა. გთხოვთ, სათაურის ველში მიუთითოთ პოზიციის დასახელება.
თქვენს მიერ გაგზავნილი პერსონალური მონაცემები დაექვემდებარება დამუშავებასა და შენახვას საქართველოს კანონმდებლობით დადგენილი წესის შესაბამისად.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე