|
დასახელება:
ხარისხის კონტროლის განყოფილების უფროსი
|
| მომწოდებელი:
ბიოქიმფარმი
|
|
გამოქვეყნდა: 05 ივნისი
/ ბოლო ვადა: 05 ივლისი
|
სს "ბიოქიმფარმი" GMP-ისა და ISO 9001-ის სერტიფიცირებული ქართული ბიოფარმაცევტული კომპანიაა, რომელიც ფაგის ტექნოლოგიაზე დაყრდნობით ქმნის (R&D) და აწარმოებს ანტიბიოტიკების ბუნებრივ და ინოვაციურ ალტერნატიულ საშუალებებს. კომპანია დაფუძნებულია ბაქტერიოფაგის ინსტიტუტის საწარმოო ბაზაზე და ფლობს 80 წლის განმავლობაში დაგროვილ გამოცდილებას ფაგის პრეპარატების წარმოებისა და კვლევის მიმართულებით. საქართველოსთან ერთად, ბიოქიმფარმის მიერ წარმოებული პროდუქცია რეგისტრირებულია და მათი ექსპორტი ხორციელდება რეგიონულ და საერთაშორისო ბაზრებზე.
ადგილმდებარეობა: საბურთალო, ლევან გოთუას ქ. N3
სამუშაო გრაფიკი: ორშაბათი-პარასკევი, 09:00-18:00
ანაზღაურება: შეთანხმებით
კომპანია "ბიოქიმფარმი" აცხადებს კონკურსს ხარისხის კონტროლის განყოფილების უფროსის თანამდებობაზე
ჩვენ გთავაზობთ:
** კვალიფიციურ გუნდთან ერთად მუშაობის შესაძლებლობას;
** GMP-ის სერტიფიცირებულ სტერილურ ფარმაცევტულ საწარმოში მენეჯერულ პოზიციაზე მუშაობის, პრაქტიკული ცოდნისა და გამოცდილების მიღებას.
კომპანიაზე დამატებითი ინფორმაცია შეგიძლიათ იხილოთ ვებგვერდზე: https://biochimpharm.ge.
ფუნქცია-მოვალეობები:
** ხარისხის კონტროლის განყოფილების საქმეთა ორგანიზება და მიმდინარე პროცესების მონიტორინგი/მართვა კომპანიის შიდა მოთხოვნების, სახელმწიფო რეგულაციებისა და EU GMP-ის მოთხოვნებთან შესაბამისობის უზრუნველსაყოფად;
** ხარისხის კონტროლის განყოფილების ინფრასტრუქტურის, სათავსების და ტექნიკური აღჭურვილობის სათანადო, გამართულ ფუნქციონირებაზე პასუხისმგებლობაზე;
** ხარისხის კონტროლის განყოფილების პროცედურების (სტანდარტული ოპერაციული პროცედურები, სამუშაო ინსტრუქციები, ანალიზის მეთოდები) შედგენა/განხილვა; ხარისხის კონტროლის პროცესებში არსებული ჩანაწერების/მონაცემებისა და შევსებული დოკუმენტების - ფორმების/ოქმების შემოწმება/დამტკიცება;
** ბალკ და მზა პროდუქტების სერიის დოსიეების ხარისხის კონტროლის ნაწილის შემოწმება/შეფასება;
** საწყისი ნედლეულის, პირველადი და მეორეული შესაფუთი მასალებისა და შუალედური/ბალკ პროდუქტების დამტკიცება;
** ხარისხის კონტროლის ლაბორატორიის მართვა და მონიტორინგი;
** საწყისი ნედლეულის, შესაფუთი მასალების, შუალედური/ბალკ/მზა პროდუქტების ანალიზების, გარემოს მონიტორინგის, სტაბილურობის კვლევის, ანალიზის მეთოდების ვალიდაცია/ვერიფიკაციისა და დასუფთავების ვალიდაციის სამუშაოების ჩატარების უზრუნველყოფა და მათთან დაკავშირებული ჩანაწერების შემოწმება/შეფასება და დამტკიცება;
** საწყისი ნედლეულის და შესაფუთი მასალების მომწოდებლების, საკონტრაქტო ლაბორატორიების დამტკიცებასა და მიმდინარე/პერიოდულ მონიტორინგში მონაწილეობის მიღება;
** ხარისხის კონტროლის განყოფილების ტექნიკური აღჭურვილობის/სათავსების/სისტემების კვალიფიკაციის, საკონტროლო-მზომი საშუალებების დაკალიბრებისა და გეგმური ტექნიკური მომსახურების სამუშაოების მხარდაჭერა;
** ხარისხის კონტროლის განყოფილების დასაქმებულთა პირველადი და პერიოდული სწავლებების ჩატარების უზრუნველყოფა;
** საწყისი ნედლეულის, შესაფუთი მასალების, შუალედური, ბალკ და მზა პროდუქტის სპეციფიკაციებისა და სარეგისტრაციო დოსიეს ხარისხის კონტროლის დოკუმენტაციის ნაწილის განხილვა და საჭიროებისას, ცვლილების განხორციელება;
** ხარისხის კონტროლის პროცესების ფუნქციონირების ეფექტურობის, პროდუქტის ხარისხის და ხარისხის მართვის სისტემის მიმოხილვა/ანალიზში მონაწილეობა და ხარისხის კონტროლის პროცესებზე შესაბამისი ანგარიშების მომზადება;
** მის დაქვემდებარებაში მყოფ თანამშრომელთათვის საქმეთა განაწილება, მათი სამუშაო პირობებსა და პროცესების მუდმივ გაუმჯობესებაზე ზრუნვა;
** კომპანიის შიდა და გარე აუდიტებში მონაწილეობა;
** პროდუქტის ხარისხთან დაკავშირებული რეკლამაციების/საჩივრების გამოკვლევაში, მაკორექტირებელ და პრევენციულ ღონისძიებების განსაზღვრა-დაგეგმვაში, შეუსაბამობის/გადახრების გამოკვლევასა და აღმოფხვრაში, ასევე ხარისხის რისკების მართვის პროცესებში მონაწილეობის მიღება;
** ხარისხის კონტროლის ლაბორატორიაში ISO/IEC 17025 სტანდარტის დანერგვა/გაუმჯობესებაში მონაწილეობის მიღება.
საკვალიფიკაციო მოთხოვნები:
** უმაღლესი ფარმაცვეტული განათლება, აუცილებელია ფარმაციის მაგისტრის აკადემიური ხარისხი ან ფარმაციის მაგისტრის ხარისხთან გათანაბრებული კვალიფიკაცია; სასურველია, სიცოცხლის შემსწავლელ და საბუნებისმეტყველო მეცნიერების დარგებში დოქტორის აკადემიური ხარისხის ფლობა;
** საქართველოს კანონის "წამლისა და ფარმაცევტული საქმიანობის შესახებ", ფარმაცევტულ საქმიანობაში ხარისხის კონტროლის მიმართ წაყენებული მარეგულირებლის მოთხოვნების ცოდნა;
** საოფისე პროგრამების (MS Word, MS Excel, Power Point, Outlook) ცოდნა;
** ინგლისური და რუსული ენების ცოდნა;
** ხარისხის მართვის სისტემების შესახებ საბაზისო ცოდნა (EU GMP, ISO 9001, ISO/IEC 17025);
** აღიარებული ფარმაკოეების - USP, Eur. Ph., BP ძირითადი თავების შესახებ საბაზისო ცოდნა;
** ფარმაცევტული პროფილის ხარისხის კონტროლის ლაბორატორიაში, ფარმაცევტულ კომპანიის ხარისხის უზრუნველყოფისა და კონტროლის განყოფილებებში მუშაობის 3-წლიანი გამოცდილება
უნარ-ჩვევები:
** კრიტიკული აზროვნებისა და დეტალებზე ორიენტირების უნარი;
** ლიდერობისა და გუნდის მართვის უნარი;
** ძლიერი წერილობითი და ზეპირი კომუნიკაციის უნარი;
** დროისა და რესურსების მართვის უნარი;
** ტექნიკური გადაწყვეტილებების იდენტიფიცირების უნარი
თქვენ მიერ გამოგზავნილი რეზიუმე შესაძლოა შეიცავდეს პერსონალურ მონაცემებს, "პერსონალურ მონაცემთა დაცვის შესახებ" საქართველოს კანონის, მათ შორის განსაკუთრებული კატეგორიის მონაცემებსაც. გაცნობებთ, რომ თქვენი პერსონალური მონაცემები დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისათვის. თქვენ მიერ გამოგზავნილი რეზიუმე შესაძლოა არ იქნას განხილული მოცემულ ვაკანსიაზე, სავალდებულო მოთხოვნებიდან გამომდინარე, თუმცა დარეზერვებული იქნას სხვა რელევანტურ ვაკანსიაზე მინიმუმ 6 თვის განმავლობაში.
იმ შემთხვევაში თუ ეთანხმებით ზემოთ აღნიშნულს, გთხოვთ გამოგვიგზავნოთ თქვენი რეზიუმე შემდეგ ელმისამართზე hr@geophage.ge და საგანში (subject) მიუთითოთ პოზიციის დასახელება.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე