|
დასახელება:
პიცის მცხობელი
|
| მომწოდებელი:
მარგალიტი ქოლექშენი
|
|
გამოქვეყნდა: 04 ივნისი
/ ბოლო ვადა: 04 ივლისი
|
"მარგალიტი ქოლექშენი" აცხადებს ვაკანსიას პიცის მცხობლის პოზიციაზე.
თუ ხართ ენერგიული, პასუხისმგებლობის მქონე და გაქვთ პიცის მომზადების გამოცდილება, შემოუერთდით ჩვენს მეგობრულ გუნდს! ჩვენ გვჭირდება ადამიანი, რომელსაც უყვარს ნატურალური, ხარისხიანი ინგრედიენტებით მუშაობა და მზადაა, სტუმრებს დაუვიწყარი გემოები შესთავაზოს.
სამუშაო ადგილი: თბილისი, პეტრიაშვილის #1
სამუშაო გრაფიკი: 5/2 (5 სამუშაო დღე, 2 დასვენების დღე)
ანაზღაურება: კანდიდატის გამოცდილებისა და კვალიფიკაციის მიხედვით.
ჩვენ გთავაზობთ:
** სტაბილურ და დინამიურ სამუშაო გარემოს, სადაც თქვენი წვლილი დაფასდება.
** შესაძლებლობას, გახდეთ მეგობრული და პროფესიონალური გუნდის ნაწილი.
** მზარდ განვითარების შესაძლებლობებს და ახალი კულინარიული ტექნიკის ათვისებას.
** მუშაობას უმაღლესი ხარისხის, ნატურალურ ინგრედიენტებთან, მათ შორის საკუთარი ფერმიდან მიღებულ პროდუქტებთან.
ფუნქცია-მოვალეობები:
** პიცის მაღალი სტანდარტით მომზადება: პიცების მომზადება ხარისხის სტანდარტების სრული დაცვით, კრეატიული მიდგომითა და ინოვაციური ხედვით.
** ცომის მომზადება: პიცის ცომის მომზადება და მოვლა, ტექნოლოგიური პროცესების სრული დაცვით.
** ინგრედიენტების შესყიდვა: საჭირო ინგრედიენტების შერჩევა და შესყიდვა ადგილობრივი ბაზრიდან ან სხვა მომწოდებლებისგან, ხარისხის, სიახლისა და რაციონალური ბიუჯეტის გათვალისწინებით.
** საკვები პროდუქტების სწორად შენახვა: ნედლეულის მიღება, დამუშავება და შენახვა სანიტარული და ჰიგიენური ნორმების შესაბამისად.
** სამზარეულოს სისუფთავე და ჰიგიენა: სამუშაო სივრცის, სამზარეულოს აღჭურვილობისა და ინვენტარის მუდმივი სისუფთავის, სანიტარულ-ჰიგიენური ნორმების და უსაფრთხოების წესების უმკაცრესი დაცვა.
** ინვენტარიზაციაში მონაწილეობა: სამზარეულოს მარაგების კონტროლში მონაწილეობა, პროდუქციის დროული შევსების უზრუნველყოფა და ნარჩენების მინიმიზაცია.
** მენიუს განვითარება: მენიუს განახლებაში მონაწილეობა და ახალი, ორიგინალური პიცების შექმნაში წვლილის შეტანა, "ფერმიდან მაგიდამდე" კონცეფციის გათვალისწინებით.
** გუნდური მუშაობა: სამზარეულოს გუნდის წევრებთან ეფექტური კომუნიკაცია და საერთო მიზნებისთვის მუშაობა.
აუცილებელი უნარები და პიროვნული თვისებები:
** პიცის მცხობლად მუშაობის გამოცდილება: აღნიშნულ პოზიციაზე (ან მსგავს სფეროში) მუშაობის მინიმუმ 2 წლიანი გამოცდილება ჩაითვლება პრიორიტეტად.
** პიცის ცომის მომზადების ცოდნა: ცომის სახეობების, მომზადების ტექნიკისა და გამოცხობის პროცესების სრულყოფილი ცოდნა.
** რეცეპტურის ცოდნა და დაცვა: პიცების რეცეპტურის ათვისების, ზუსტად დაცვისა და ხარისხის კონტროლის უნარი.
** ორგანიზებულობა და დეტალებზე ორიენტაცია: შეკვეთების სიზუსტე, სამუშაო ადგილის მოწესრიგება და მაღალი ხარისხის სტანდარტების დაცვა.
** პასუხისმგებლობის მაღალი გრძნობა: მოვალეობების მიმართ კეთილსინდისიერი დამოკიდებულება და სისუფთავის უმკაცრესი დაცვა.
** პუნქტუალურობა და ენერგიულობა: დროის ეფექტურად მართვის უნარი და დინამიურ გარემოში მუშაობის მოტივაცია.
** სტრესულ სიტუაციებში მუშაობის უნარი: მაღალი დატვირთვის დროს ეფექტურად მუშაობისა და სწორი გადაწყვეტილებების მიღების უნარი.
** გუნდური მუშაობის უნარი: თანამშრომლებთან ჰარმონიული თანამშრომლობა და საერთო მიზნებისთვის მუშაობა.
"მარგალიტი ქოლექშენის" შესახებ:
"მარგალიტი ქოლექშენი" არის უნიკალური კონცეფცია, რომელიც აერთიანებს კაფესა და სპეციალიზებულ მაღაზიას, სადაც წარმოდგენილია საქართველოს საუკეთესო, აგრარული წარმოშობის ქართული პროდუქტები. ჩვენი ობიექტი განასახიერებს "ფერმიდან მაგიდამდე" კონცეფციას, რაც გულისხმობს, რომ ყველა პროდუქტი - ახალი ყველი საკუთარი მეურნეობიდან, პიცა, სენდვიჩები თუ საკონდიტრო ნაწარმი - უმაღლესი ხარისხის, ხელით მოყვანილი ინგრედიენტებით მზადდება. გარდა რძის პროდუქტებისა, "მარგალიტი" აღმოაჩენს და მომხმარებელს სთავაზობს საქართველოს სხვა "მარგალიტის პროდუქტებს" - მათ შორის, ნატურალურ თაფლს, მურაბებს, მაღალმთიან ჩაის, პრემიუმ ღვინოს და ხელნაკეთ ალკოჰოლურ სასმელებს. ჩვენი მიზანია, მხარი დავუჭიროთ ახალგაზრდების განათლებას და ქართული მდგრადი სოფლის მეურნეობის მომავალს.
დაინტერესებულ კანდიდატებს გთხოვთ, გამოაგზავნოთ თქვენი რეზიუმე (CV) ელექტრონულ მისამართზე: margaliticollection@gmail.com. გთხოვთ, ელ. ფოსტის სათაურის ველში (Subject) აუცილებლად მიუთითოთ პოზიციის დასახელება: "პიცის მცხობელი".
გისურვებთ წარმატებებს!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე