|
დასახელება:
იურისტი
|
| მომწოდებელი:
Inex Group
|
|
გამოქვეყნდა: 29 მაისი
/ ბოლო ვადა: 29 ივნისი
|
საერთაშორისო გადამზიდველი კომპანია "ინექს გრუპი" აცხადებს ვაკანსიას იურისტის პოზიციაზე.
"ინექს გრუპი" არის საერთაშორისო გადამზიდველი კომპანია, რომელიც ახორციელებს ონლაინ გამოწერილი ამანათების, პერსონალურად გამოგზავნილი ამანათებისა და კომერციული ტვირთების ტრანსპორტირებას მსოფლიოს მრავალი ქვეყნიდან: ამერიკიდან, ევროპის ქვეყნებიდან, ისრაელიდან, ჩინეთიდან და სხვა. ინექს გრუპი ფილიალებისა და აგენტების ქსელის მეშვეობით ამანათების მიწოდებას ახდენს მთელი საქართველოს მასშტაბით. დამატებითი ინფორმაციისთვის ეწვიეთ ვებ-გვერდს: https://www.inex.ge/ka
სამუშაო ადგილი: თბილისი
სამუშაო განაკვეთი: სრული
ძირითადი მოვალეობები:
** კომპანიის კორპორატიული დოკუმენტაციის (წესდება, კრების ოქმი, ბრძანებები) მომზადება, ცვლილება და განახლება მოქმედ კანონმდებლობასთან შესაბამისობის უზრუნველყოფის მიზნით;
** ადგილობრივი და საერთაშორისო ბიზნეს პროექტების იურიდიული მხარდაჭერა;
** ხელშეკრულებების მომზადება (როგორც ქართულ, ისე ინგლისურ და რუსულ ენებზე), გაფორმება და რეგისტრაცია შესაბამის ადმინისტრაციულ ორგანოში, საჭიროების შემთხვევაში. მოლაპარაკებების პროცესში მონაწილეობის მიღება;
** კომპანიის წარმომადგენლობა სასამართლოში და ადმინისტრაციულ ორგანოებში. არსებული დავების მონიტორინგი, ანალიზი და რეპორტინგი. სარჩელების, შესაგებლების, საჩივრების, განცხადებებისა და სამართლებრივი შინაარსის წერილების მომზადება და ანალიზი;
** კომპანიის საქმიანობის სამართლებრივი უზრუნველყოფა, შიდა პოლიტიკების განსაზღვრა და მოქმედ კანონმდებლობასთან შესაბამისობაში მოყვანა;
** საკანონმდებლო ცვლილებებისა და რელევანტური პრაქტიკის მონიტორინგი და იმპლემენტაცია სამუშაო პროცესში;
** სამართლებრივი კვლევების ჩატარება და იურიდიული დასკვნების მომზადება;
** იურიდიული რისკების იდენტიფიცირება, რისკების პრევენციისთვის ან მინიმიზაციისთვის რეკომენდაციების გაცემა;
** სამართლებრივი კონსულტაციის გაწევა კომპანიის მენეჯმენტის ან/და სხვა სტრუქტურული ერთეულის მოთხოვნის საფუძველზე;
** იურიდიული დოკუმენტაციის სისტემატიზაცია და რეპორტინგი;
საკვალიფიკაციო მოთხოვნები:
** უმაღლესი იურიდიული განათლება;
** იურისტად მუშაობის მინიმუმ 2 წლიანი გამოცდილება;
** უცხოენოვან ხელშეკრულებებზე მუშაობის გამოცდილება;
** სასამართლოში საქმის წარმოების გამოცდილება;
** სამოქალაქო, სამეწარმეო, შრომის და ადმინისტრაციული კანონმდებლობის სრულყოფილად ცოდნა;
** ინგლისური ენის ცოდნა (გამართული წერითი და ზეპირი კომუნიკაცია);
** საოფისე კომპიუტერული პროგრამების ცოდნა.
პიროვნული თვისებები:
** მოლაპარაკებების ეფექტურად წარმართვის უნარი;
** ლოგიკური და ანალიტიკური აზროვნების უნარი;
** დეტალებზე ორიენტირებულობა, ორგანიზებულობა;
** დროის ეფექტურად მართვის უნარი;
** კომუნიკაბელურობა.
დაინტერესებულმა კანდიდატებმა გამოგზავნეთ CV, შემდეგ ელექტრონულ მისამართზე: career@inex.ge 2025 წლის 29 ივნისამდე. სათაურში მიუთითეთ პოზიცია "იურისტი", წინააღმდეგ შემთხვევაში, თქვენი რეზიუმე არ განიხილება.
კომპანია დაუკავშირდება მხოლოდ შერჩეულ კანდიდატებს.
კომპანია "ინექს გრუპი" გისურვებთ წარმატებას!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე