|
დასახელება:
პერფორმანს მარკეტინგის უმცროსი სპეციალისტი
|
| მომწოდებელი:
გორგია
|
|
გამოქვეყნდა: 02 აპრილი
/ ბოლო ვადა: 02 მაისი
|
სამშენებლო-სარემონტო მასალების ჰიპერმარკეტების ქსელი "გორგია" აცხადებს ვაკანსიას პერფორმანს მარკეტინგის უმცროსი სპეციალისტის პოზიციაზე, თბილისში.
კომპანია "გორგია" საერთაშორისო სავაჭრო ურთიერთობებს ახორციელებს 1998 წლიდან. "გორგია" პირველი ქართული კომპანიაა, რომელიც უკვე ევროკავშირში საცალო ვაჭრობით არის
წარმოდგენილი. გორგია მომხმარებლებს 4 000 ზე მეტი დასახელების საერთაშორისო ბრენდს და 50 000-ზე მეტი დასახელების სამშენებლო-სარემონტო, საყოფაცხოვრებო პროდუქციას სთავაზობს.
დღესდღეობით კომპანია აერთიანებს 3000 მდე თანამშრომელს, კომპანიის მთავარი ღირებულებებია: მუდმივი განვითარება; წარმატების გაზიარება; ჩვენ არასოდეს ვამბობთ "არ" ან "ვერ", შეუძლებელი არაფერია. კომპანიისთვის მთავარი მიზანია ხარისხიანი პროდუქცია შესთავაზოს მომხმარებელს და კონკურენტული იყოს დაბალი ფასის შეთავაზებით.
"გორგია" წარმოდგენილია 14 ფილიალით, როგორც საქართველოში ყველა დიდ ქალაქში, ასევე ევროკავშირის წევრ ქვეყანაში, კერძოდ ბულგარეთში. კომპანიას ჰყავს გამოცდილი და
კვალიფიციური გუნდი, რომელიც უზრუნველყოფს შესყიდვებისა და გაყიდვების საერთაშორისო ტექნოლოგიების ცოდნის გაზიარებას.
კომპანიაში დაგხვდებათ სტაბილური, მუდმივ განვითარებაზე ორიენტირებული ინოვაციური და დინამიკური სამუშაო გარემო.
ჩვენ გთავაზობთ:
** პროფესიული და კარიერული განვითარების რეალურ შესაძლებლობას;
** ჯანმრთელობის დაზღვევის პაკეტს;
** თანამშრომლის ფასდაკლებას;
** კვებას;
** Fitpass-ით სარგებლობის შესაძლებლობას;
ფუნქცია-მოვალეობები:
** სოციალური მედიის და ციფრული ფასიანი სარეკლამო კამპანიების შექმნა/მონიტორინგი (Facebook, Paid Search, Display, video)
** სოციალური მედიის სტრატეგიის შემუშავება და შესაბამისი კონტენტ კალენდრის შექმნა/მონიტორინგი
** სარეკლამო ბიუჯეტის ეფექტიანი განაწილება, კონვერსიების და სარეკლამო მეტრიკების მონიტორინგი
** Email & SMS - აუდიტორიების სეგმენტაცია, ავტომატიზირებული ფლოუს მონიტორინგი და საჭიროებიდან გამომდინარე კამპანიების შექმნა
** ყოველთვიური რეპორტინგი - ანალიზი და ოპტიმიზაციის რეკომენდაციები
** ტენდენციების და სიახლეების მუდმივი გაცნობა და საჭიროებიდან გამომდინარე დანერგვა
** კომპანიის საჭიროებიდან გამომდინარე სხვა აქტივობებში ჩართულობა (მაგალითად საფორთთან კომუნიკაცია და ა.შ)
ძირითადი საკვალიფიკაციო მოთხოვნები:
** უმაღლესი განათლება (მარკეტინგში, ციფრულ მარკეტინგში, ბიზნეს ადმინისტრირებაში ან საინფორმაციო ტექნოლოგიებში)
** ციფრული მარკეტინგის სფეროში მუშაობის მინიმუმ 1 წლიანი გამოცდილება;
** Facebook Ads Manager-ისა და Meta Business Suite-ის საფუძვლიანი ცოდნა;
** საშუალო ცოდნა Google Ads, Email Marketing და ანალიტიკის პლატფორმების (GA4, Clarity და სხვა)
** ინგლისური ენის B1 დონეზე ცოდნა;
** საოფისე პროგრამების (MS Office) ცოდნა;
პიროვნული უნარ-ჩვევები:
** ორგანიზებულობა;
** დროის ეფექტური მართვის უნარი;
** პასუხისმგებლობის მაღალი გრძნობა;
** პრიორიტეტების განსაზღვრის უნარი;
** პრობლემების გადაჭრის უნარი;
** გამართული ვერბალური და წერითი კომუნიკაციის უნარი.
ვაკანსიით დაინტერესების შემთხვევაში გამოგვიგზავნეთ CV ელფოსტაზე: recruit@gorgia.ge (სათაურის ველში მიუთითეთ ვაკანსიის დასახელება).
აღნიშნულ ვაკანსიაზე მონაცემების გაგზავნით ეთანხმებით, რომ სასურველი პოზიციის დასაკავებლად თქვენი განცხადების განხილვის ეტაპზე, კომპანია "პერსონალურ მონაცემთა დაცვის შესახებ" საქართველოს კანონის მე- 5 მუხლის პირველი პუნქტის "ბ" ქვეპუნქტის დაცვით დაამუშავებს წარდგენილ ინფორმაციას. აგრეთვე, გაქვთ უფლება მიიღოთ ინფორმაცია თქვენ შესახებ დამუშავებულ მონაცემთა თაობაზე, მოითხოვოთ მათი გასწორება, განახლება, დამატება, შეწყვეტა, დაბლოკვა, წაშლა, განადგურება, გაქვთ გაცნობისა და ასლის მიღების უფლება, თანხმობის გამოხმობის უფლება- (თანხმობის გამოთხოვის უფლება შეზღუდულია იმ შემთხვევაში, თუ პირი დაინიშნება ვაკანტურ პოზიციაზე), გასაჩივრების უფლება (შეგიძლიათ მოგვმართოთ: info@gorgia.ge).
პირის ვაკანტურ პოზიციაზე შეუსაბამობის შემთხვევაში, მის მიერ წარდგენილი დოკუმენტაცია განადგურებულ იქნება უარყოფითი პასუხის მიღებიდან 3 (სამი) თვის ვადაში.
გისურვებთ წარმატებას!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე