ჯობს.გე - მარკეტინგის მენეჯერი

მარკეტინგის მენეჯერი - ბათუმი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: მარკეტინგის მენეჯერი

მომწოდებელი: ჰაუსმაგი

გამოქვეყნდა: 02 აპრილი / ბოლო ვადა: 02 მაისი

შპს "ჰაუსმაგი" აცხადებს ვაკანსიას სასტუმრო კომპლექსების ქსელი New Wave-ის მარკეტინგის მენეჯერის პოზიციაზე.

სასტუმრო კომპლექსების ქსელი New Wave მდებარეობს ქალაქ ბათუმში. სასტუმროდან საცალფეხო გზით 5 წუთი გაშორებთ ულამაზეს ზღვის სანაპიროს. სტუმრებისთვის შემოთავაზებულია სხვადასხვა კატეგორიის ნომრები, აუზი, ფიტნეს დარბაზი, რესტორანი, კაფე შერეული სამზარეულოთი, რაც მთავარია კეთილგანწყობილი და პროფესიონალი მომსახურე პერსონალი.
გთავაზობთ კეთილგანწყობილ და მრავალწლიანი გამოცდილების მქონე გუნდთან ერთად როგორც საოფისე სამუშაოს, ასევე შესაბამის აქტივობებზე ვიზიტებით გამრავალფეროვნებულ სამუშაო პროცესს. თუ ხართ კრეატიული, ენერგიული და მიზანდასახული ადამიანი და მზად ხართ თქვენი წვლილი შეიტანოთ კომპანიის მარკეტინგული კუთხით განვითარებაზე უწყვეტ ზრუნვაში, გთხოვთ გაეცნოთ შემდეგ პირობებს:

ძირითადი მოვალეობები:

** სასტუმრო კომპლექსისა და მასში შემავალი სერვისების, მათ შორის რესტორნის /კაფის მარკეტინგული სტრატეგიის დაგეგმვა და განხორციელება
** სოციალური მედია არხების მართვა
** სარეკლამო კამპანიების დაგეგმვა და ბიუჯეტის მართვა
** სასტუმრო კომპლექსის სარეკლამო მასალების მომზადებაში მონაწილეობის მიღება
** ღონისძიებების ორგანიზებაში მონაწილეობის მიღება
** შედეგების ანალიზი (მათ შორის FB/Instagram რეკლამებისა და კამპანიების)

საკვალიფიკაციო მოთხოვნები:

** მინიმუმ 2 წლიანი სამუშაო გამოცდილება მარკეტინგის მიმართულებით, სოციალური ქსელების მართვის, რეკლამისა და საზოგადოებასთან ურთიერთობის სფეროში;
** გამართული წერითი და ვერბალური კომუნიკაციის უნარები;
** ინგლისური ენის ცოდნა;
** საოფისე პროგრამების ცოდნა;

პროფესიული უნარ-ჩვევები:

** ორგანიზებულობა და მაღალ სამუშაო რიტმში მუშაობის უნარი;
** კომუნიკაბელურობა;
** გუნდური მუშაობის უნარი;
** პასუხისმგებლობის მაღალი დონე;
** პუნქტუალობა და მოწესრიგებულობა.

სამუშაო პირობები:

** სრული განაკვეთი; ორშაბათი-პარასკევი: 09:00-18:00; შესვენება: 1სთ.
** სამსახური უზრუნველყოფს სრულფასოვან კვებას და ღირსეულ სამუშაო პირობებს.
** არ განიხილება მოვალეობების დისტანციური შესრულება.

სახელფასო ანაზღაურების ოდენობა დამოკიდებულია კანდიდატის გამოცდილებაზე და საკვალიფიკაციო მოთხოვნებთან შესაბამისობაზე.

დაინტერესებულ პირებს, გთხოვთ, გამოაგზავნოთ თქვენი რეზიუმე (CV) შემდეგ ელექტრონულ მისამართზე: hr@newwavehotels.com; გთხოვთ, სათაურში (subject) მიუთითოთ ვაკანსიის დასახელება - "მარკეტინგის მენეჯერი".

დაკავშირება მოხდება მხოლოდ შერჩეულ კანდიდატებთან.

გაცნობებთ, რომ თქვენ მიერ გამოგზავნილი რეზიუმე (CV) შესაძლოა შეიცავდეს პერსონალურ მონაცემებს, მათ შორის განსაკუთრებული კატეგორიის მონაცემებს. გთხოვთ, გაითვალისწინოთ, რომ კომპანია თქვენს პერსონალურ მონაცემებს ამუშავებს "პერსონალურ მონაცემთა დაცვის შესახებ" საქართველოს კანონის შესაბამისად და მას შეინახავს გამოგზავნიდან არაუმეტეს 1 წლის განმავლობაში. თქვენ მიერ CV/რეზიუმეს გამოგზავნით ეთანხმებით თქვენი მონაცემების 1 წლის განმავლობაში შენახვას და დამუშავებას, რაც გულისხმობს, რომ ვაკანსიაზე შესაძლოა კომპანიიდან შეგეხმიანონ მითითებული პერიოდის განმავლობაში მომავალშიც.

გაცნობებთ, რომ ნებისმიერ დროს გაქვთ უფლება მოითხოვოთ ინფორმაცია თქვენ შესახებ მონაცემების დამუშავების თაობაზე, ასევე, მოითხოვოთ მონაცემების წაშლა ან შესწორება."

ყველა ვაკანსია

ამოსაბეჭდი ვერსია

ყველა ვაკანსია ერთ გვერდზე

ყველა ვაკანსია ერთ გვერდზე