ჯობს.გე - პროფესიული და უწყვეტი განათლების მხარდაჭერის მენეჯერი

პროფესიული და უწყვეტი განათლების მხარდაჭერის მენეჯერი - ბათუმი

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

დასახელება: პროფესიული და უწყვეტი განათლების მხარდაჭერის მენეჯერი

მომწოდებელი: ამერიკული საერთაშორისო სკოლა პროგრესი

გამოქვეყნდა: 07 მარტი / ბოლო ვადა: 21 მარტი

"ამერიკული საერთაშორისო სკოლა პროგრესი" - ბათუმი აცხადებს ვაკანსიას პროფესიული და უწყვეტი განათლების მხარდაჭერის მენეჯერის პოზიციაზე ქალაქ ბათუმში.

ამერიკული საერთაშორისო სკოლა პროგრესი ერთ-ერთი ლიდერი საგანმანათლებლო ქსელია საქართველოში, რომელიც ქვეყნის მასშტაბით აერთიანებს სამ უმსხვილეს კამპუსს ქ. თბილისში, ქუთაისსა და ბათუმში.

"პროგრესი" 2002 წელს დაარსდა და ლიცენზირებულია ორმაგი ავტორიზაციით: სახელმწიფო და ამერიკული სკოლებისა და კოლეჯების უმაღლესი საბჭოს - "College Board"-ის მიერ.
"პროგრესს" ასევე მოპოვებული აქვს ამერიკული უმაღლესი სკოლის აკრედიტაცია "Advanced, " ამერიკული სკოლების მააკრედიტირებელი ორგანოს მიერ.

ეს ყოველივე "პროგრესს" ანიჭებს ოფიციალურ უფლემოსილებას ასწავლოს ინტეგრირებულად ორმაგი სტანდარტითა და კურიკულუმით და გასცეს ამერიკული უმაღლესი სკოლის ატესტატი/დიპლომი საქართველოში!

ამავდროულად ქართველ და უცხოელ მოსწავლეებს სკოლის პერიოდშივე აქვთ საშუალება მოემზადონ ამერიკული წინა-საუნივერსიტეტო პროგრამებისთვის და ჩააბარონ საგნობრივი AP გამოცდები, რომელიც საერთაშორისო უნივერსიტეტებში აღიარებულია კრედიტებად!

მოსწავლეთა წარმატებულ მომავალზე ზრუნვა, მათი მუდმივი განვითარება სწავლის პროცესში დასავლური სტანდარტების ინტეგრირებითა და ამერიკის უნივერსიტეტში სწავლის ხელშეწყობა ბრენდის მთავარი და უწყვეტი მისიაა!

დეტალური ინფორმაცია პროგრესის საქმიანობის შესახებ, იხილეთ: http://americanacademyprogress.edu.ge/

ადგილების რაოდენობა: 1
სამსახურის ადგილმდებარეობა: ქ. ბათუმი, ვ. შამილაძის N30.
გრაფიკი: სრული (40 - საათიანი სამუშაო კვირა)
ანაზღაურება: დამოკიდებულია კანდიდატის გამოცდილებაზე

ძირითადი ფუნქცია-მოვალეობები:

** სკოლაში პროფესიული განათლების მიმართულებით სტრატეგიული განვითარების და ყოველწლიური სამოქმედო გეგმის შემუშავების პროცესში ჩართულობა;
** ჩართულობა შრომის ბაზრის მოთხოვნების შესწავლის პროცესში;
** ჩართულობა სასწავლო პროცესის დაგეგმვის, პროფესიული განათლების მასწავლებლების საათობრივი დატვირთვის შედგენის პროცესში;
** სასწავლო ცხრილების შემუშავება და მათი საჯაროობის უზრუნველყოფა;
** სასწავლო პროცესის მიმდინარეობის მხარდაჭერა;
** პროფესიული სტუდენტების/მსმენელების მეცადინეობებზე სწრებადობის კონტროლი;
** პროფესიული განათლების მასწავლებლების მიერ ჟურნალის წარმოების ყოველთვიური შემოწმება და ინფორმაციის სამსახურის უფროსისთვის წარდგენა;
** ახალი პროფესიული განათლების მასწავლებლის სამუშაო გარემოსთან ინტეგრაციის პროცესის მხარდაჭერა;
** სასწავლო პროცესის წარმართვისთვის აუცილებელი დოკუმენტაციის წარმოება;
** ჩართულობა პროფესიული სტუდენტების/მსმენელების პარტნიორ ორგანიზაციაში სწავლების ორგანიზებისა და მხარდაჭერის პროცესში;
** პროფესიულ სტუდენტთა/მსმენელთა ადმინისტრაციული მხარდაჭერა;
** შუალედური და საკვალიფიკაციო გამოცდების ჩატარების მიზნით, ჩართულობა ადმინისტრირების ჯგუფის მუშაობაში;
** პროფესიული სტუდენტების შეფასების უწყისებისა და შეფასების მტკიცებულებების გადაბარება პროფესიული განათლების მასწავლებლისგან;
** კურსდამთავრებულთა დიპლომების და სერტიფიკატების (დანართების) დაბეჭდვისთვის ინფორმაციის მომზადება;
** ახალჩარიცხულ პროფესიულ სტუდენტთა სასწავლო გარემოსთან ადაპტაციის/ინტეგრაციის მხარდაჭერა;
** ახალი ნაკადის პროფესიული სტუდენტებისა და მსმენელებისთვის მათი უფლებებისა და ინტერესების დაცვის მექანიზმების გაცნობა;
** სკოლაში დამატებითი/არაფორმალური აქტივობების წახალისება და პროფესიული სტუდენტების ინიციატივების მხარდაჭერა;
** პროფესიული სტუდენტების მხარდაჭერა - მათი ინფორმირება/კონსულტირება სასწავლო პროცესთან დაკავშირებულ საკითხებში; მნიშვნელოვან საკითხებზე, მათ შორის, ელექტრონულ ფოსტაზე;
** პროფესიულ სტუდენტთა ინიცირებების თაობაზე ადმინისტრაციის წერილობითი ინფორმირება;
** საჭიროების შემთხვევაში, პროფესიულ სტუდენტთა/კანონიერ წარმომადგენელთა ინფორმირება სასწავლო პროცესთან დაკავშირებულ საკითხებზე;

სკოლაში მიმდინარე საპროფორიენტაციო და კარიერული მომსახურების მხარდაჭერა:

** საინფორმაციო ბუკლეტების, განაცხადების, რეკლამების და ა.შ. შემუშავების პროცესში ჩართულობა;
** ჩართულობა სხვადასხვა ტიპის საპროფორიენტაციო ღონისძიებებში;
** პროფესიული სტუდენტების/მსმენელებისთვის ინდივიდუალური და ჯგუფური კონსულტაციების ჩატარება კარიერის დაგეგმვის საკითხებთან დაკავშირებით (მათ შორის, CV- ის, სამოტივაციო წერილის მომზადების მხარდაჭერა, გასაუბრებისათვის მომზადება, დასაქმების საკითხებზე კონსულტაციების გაწევა);
** პროფესიული სტუდენტებისთვის/მსმენელებისთვის/ კურსდამთავრებულებისთვის კარიერის დაგეგმვის, სამუშაოს მოძიებისა და დასაქმების საკითხებში კონსულტაციების გაწევა;
** ჩართულობა ვებ. გვერდზე განსათავსებელი ინფორმაციის მომზადებაში, მათ შორის, პროფესიული საგანმანათლებლო პროგრამების კატალოგის ყოველწლიური (ასვე საჭიროებისამებრ) განახლება;
** პროფესიული სტუდენტების/მსმენელების და კურსდამთავრებულებისთვის ინფორმაციის მიწოდება დასაქმების შესაძლებლობებთან/ვაკანსიებთან და შემდგომი კარიერული განვითარების შესაძლებლობებთან დაკავშირებით;
** პოტენციური დამსაქმებლისა და პროფესიული სტუდენტის/მსმენელის/კურსდამთავრებულის შეხვედრის ხელშეწყობა;
** კურსდამთავრებულთა ბაზის და დასაქმების სტატისტიკის წარმოება;
** კურსდამთავრებულთა გამოკითხვა დასაქმების შესახებ პროგრამის დასრულებიდან 12 და 36 თვის თვეების პერიოდში და კვლევის მასალის სამსახურის უფროსისთვის წარდგენა;
** დამსაქმებელთა კმაყოფილების კვლევის ჩატარება და სტატისტიკური ინფორმაციის უფროსისთვის წარდგენა ანალიზისთვის;
** თანამშრომლობა სკოლის ყველა იმ პერსონალთან, რომელთა საქმიანობა ზოგადსაგანმანათლებლო მიმართულებით საქმიანობის პარალელურად ითვალისწინებს საქმიანობის წარმართვას პროფესიული განათლების მიმართულებით;
** მონაწილეობა პროფესიული განვითარების ტრენინგებში, სამუშაო შეხვედრებსა და ღონისძიებებში;
** პროფესიულ სტუდენტებთან, მსმენელებთან (კანონიერ წარმომადგენლებთან) შაბლონის მიხედვით, ხელშეკრულებების გაფორმების ორგანიზება და მათი პირადი საქმეების წარმოება.
** მოქმედი კანონმდებლობით, შინაგანაწესით და პროფესიული განათლების მიმართულებით სკოლაში არსებული მექანიზმებით გათვალისწინებული სხვა ვალდებულებების შესრულება;

საკვალიფიკაციო მოთხოვნები:

** აკადემიური უმაღლესი განათლება (მინიმუმ ბაკალავრის აკადემიურ ხარისხთან გათანაბრებული კვალიფიკაცია)
** სასურველია განათლების მიმართულებით მინიმუმ ერთწლიანი სამუშაო გამოცდილება.

დამატებით საჭირო კომპეტენციები:

** ქართულ ენაზე გამართული წერითი და ზეპირი მეტყველება;
** კომპიუტერული პროგრამების ფლობა (Microsoft Word, Microsoft Excel, Microsoft PowerPoint);
** ანალიტიკური აზროვნების უნარი;
** საკუთარი პოზიციის დასაბუთების უნარი;
** გადაწყვეტილების სწრაფად მიღების უნარი;
** კომუნიკაციის კარგი უნარი;
** გუნდური მუშაობის უნარი;
** თვითგანვითარებაზე ორიენტირებულობა;
** შრომისმოყვარეობა;
** დისციპლინირებულობა;
** დეტალებზე ორიენტირებულობა;
** პასუხისმგებლიანობა.

უპირატესობა მიენიჭება სასკოლო გარემოში და მოსწავლეებთან მუშაობის გამოცდილების მქონე კანდიდატებს.

დაინტერესებულმა აპლიკანტებმა საკუთარი რეზიუმე გამოაგზავნეთ შემდეგ ელექტრონულ მისამართზე: hrbatumi@schoolprogress.ge. Subject ველში აუცილებლად მიუთითეთ ვაკანსიის დასახელება "პროფესიული და უწყვეტი განათლების მხარდაჭერის მენეჯერი" წინააღმდეგ შემთხვევაში თქვენი რეზიუმე არ განიხილება.

საბუთების წარმოდგენის ბოლო ვადაა 2025 წლის 21 მარტი.

ორგანიზაცია გასაუბრებისთვის დაუკავშირდება მხოლოდ შერჩეულ აპლიკანტებს.

თქვენი მონაცემები დამუშავდება და შეინახება კონფიდენციალურობის სრული დაცვით.

სკოლა პროგრესი მადლობას გიხდით დაინტერესებისათვის და გისურვებთ წარმატებებს!

ყველა ვაკანსია

ამ ორგანიზაციის ყველა განცხადება

ამოსაბეჭდი ვერსია

ყველა ვაკანსია ერთ გვერდზე