|
დასახელება:
შესყიდვებისა და ბიზნეს განვითარების ხელმძღვანელი
|
| მომწოდებელი:
ციტადელი
|
|
გამოქვეყნდა: 20 იანვარი
/ ბოლო ვადა: 20 თებერვალი
|
კომპანია "ციტადელი" აცხადებს ვაკანსიას შესყიდვებისა და ბიზნეს განვითარების ხელმძღვანელის პოზიციაზე თბილისში.
კომპანია "ციტადელი" 2011 წლიდან წარმატებით პოზიციონირებს სამშენებლო მასალების ბაზარზე. იგი მომხმარებელს სთავაზობს ფუნდამენტური მშენებლობისთვის საჭირო მაღალი ხარისხის მოთხოვნად პროდუქციას: საყალიბე, ჰიდროსაიზოლაციო, თერმო და ხმის საიზოლაციო სისტემებს, სამშენებლო ტექნიკას და სხვა.
კომპანია თანამშრომლობს ისეთ წამყვან საერთაშორისო ბრენდებთან, როგორებიცაა: დანიური კომპანიები" "Rockwool" და "Paroc", გერმანული კომპანიები: "Peri", Liebherr" და " Kreisel", ფრანგული კომპანია "Icopal", რუსული კომპანია "Sveza" და სხვა.
კომპანია "ციტადელი" აერთიანებს სავაჭრო სივრცეებსა და საბითუმო ბაზებს თბილისში, ქუთაისსა და ბათუმში.
კომპანია "ციტადელი"-ს ზრდა განპირობებულია გარანტირებული ხარისხით, მაღალი სანდოობითა და კვალიფიციური თანამშრომლებით.
დამატებითი ინფორმაციისთვის ეწვიეთ ვებ-გვერდს: https://www.citadeli.com
"ციტადელი" აქტიური დამსაქმებელია საქართველოს შრომით ბაზარზე და აქტიურად ზრუნავს თანამშრომელთა განვითარებაზე.
ჩვენთან დასაქმების შემთხვევაში გთავაზობთ:
** ჯანმრთელობის დაზღვევას;
** განსხვავებულ და კონკურენტულ სახელფასო დანამატებს;
** კომფორტულ სამუშაო გარემოს;
** მეგობრულ და განვითარებაზე ორიენტირებულ გუნდს.
ძირითადი მოვალეობები:
** ბაზრის ტენდენციების ანალიზი და კატეგორიის განვითარების შესაძლებლობების განსაზღვრა;
** სამსახურის წლიური შესყიდვების გეგმის მიხედვით კატეგორიის პროდუქციის შესყიდვა და მოწოდების ციკლის ზედამხედველობა;
** კატეგორიის გაყიდვების ყოველდღიური მონიტორინგი, სამშენებლო-სარემონტო მასალების ბაზრის კვლევა და კონკურენტების ასორტიმენტისა და ფასების ყოველკვირეული ანალიზი;
** გაყიდვების სამსახურთან მუდმივი კონტაქტი მოთხოვნად პროდუქციასთან და სხვა დეტალებთან დაკავშირებით;
** მარაგების ეფექტური გადანაწილების დაგეგმვა/კონტროლი;
** ფილიალებიდან და საწყობიდან პროდუქციის შეკვეთის საჭიროების დადგენა და მიღებული ინფორმაციის საფუძველზე შეკვეთების დამუშავება;
** მოლაპარაკებების წარმოება ადგილობრივ და უცხოურ კომპანიებთან, კატეგორიის ასორტიმენტზე და მათზე ფასების შეთანხმება;
** პროექტული შესყიდვების განხორციელება პარტნიორ კომპანიებთან;
** შესყიდვის დოკუმენტების მომზადება და პროგრამულად ასახვა/ელ-ფოსტით გაგზავნა;
** ალტერნატიული მომწოდებლების ბაზების ფორმირება და მუდმივი განახლება;
** კატეგორიის ბმული პროდუქტების გამოვლენა და შემდგომი შესყიდვის პროცესის დაგეგმვა;
** გაყიდვების და მარკეტინგის დეპარტამენტთან ერთად სხვადასხვა ტიპის აქციების ეფექტური დაგეგმვა და ორგანიზება;
ძირითადი მოთხოვნები:
** უმაღლესი განათლება;
** აღნიშნულ პოზიციაზე მუშაობის მინიმუმ 3 წლიანი გამოცდილება;
** უცხო ენების (რუსული/ინგლისური) მაღალ დონეზე ცოდნა.
** საოფისე კომპიუტერული პროგრამების ცოდნა (Power Point, Excel, Internet, Ms. Office)
პიროვნული მახასიათებლები და უნარ-ჩვევები
** ანალიტიკური აზროვნება;
** დეტალებზე ორიენტირებულობა;
** ორგანიზებულობა;
** დროის ეფექტურად მართვის უნარი;
** გუნდური მუშაობის უნარი;
** დატვირთულ რეჟიმში მუშაობის უნარი.
სამუშაო გრაფიკი: სრული.
ვაკანსიის ადგილმდებარეობა: ქალაქი თბილისი, აგლაძის ქ.#32
დაინტერესების შემთხვევაში, გთხოვთ, გამოაგზავნოთ CV ელექტრონულ მისამართზე: vacancy@citadeli.com და სათაურის ველში (subject) მიუთითეთ პოზიციის დასახელება.
გასაუბრება ჩატარდება შერჩეულ კანდიდატებთან.
შენიშვნა: პირის მიერ ავტობიოგრაფიის (CV) გამოგზავნა გულისხმობს მის მიერ პერსონალური მონაცემების დამსაქმებლისათვის გადაცემას და თანხმობის გაცხადებას აღნიშნული მონაცემების დამუშავების თაობაზე. ავტობიოგრაფიაში მითითებული პერსონალური მონაცემები დამსაქმებლის მიერ დამუშავებული/შენახული იქნება მხოლოდ ვაკანსიისთვის კანდიდატის შერჩევის, შესასრულებელ სამუშაოსთან კანდიდატის შესაბამისობის დადგენის და შესაძლო შრომითი ურთიერთობის წარმოშობის მიზნით, შრომითი ურთიერთობის მთელი პერიოდის განმავლობაში, ასევე შრომითი ურთიერთობიდან გამომდინარე. დამსაქმებლის მხრიდან, ზემოთ აღნიშნული მიზნებისათვის, პერსონალური მონაცემების დამუშავება განხორციელდება მხოლოდ შესაბამისი უფლებამოსილების მქონე პირთა/თანამშრომელთა მიერ. კანდიდატის პერსონალური მონაცემების დამუშავება განხორციელდება 6 თვის ვადით, შენახვა გონივრული ვადით ელექტრონული ან/და ამობეჭდილი სახით.
გისურვებთ წარმატებას!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე