|
დასახელება:
თარჯიმანი
|
| მომწოდებელი:
112
|
|
გამოქვეყნდა: 04 დეკემბერი
/ ბოლო ვადა: 13 დეკემბერი
|
საზოგადოებრივი უსაფრთხოების მართვის ცენტრი "112" აცხადებს ვაკანსიას ოპერატიული მართვის სამმართველოს თარჯიმნის ფუნქცია-მოვალეობის შემსრულებლის (აზერბაიჯანული ან/და სომხური ენა) თანამდებობაზე.
სამუშაო ადგილი: ქ. თბილისი, ქ. რუსთავი.
ორგანიზაციის შესახებ:
შსს სსიპ - საზოგადოებრივი უსაფრთხოების მართვის ცენტრი "112"-ის ამოცანებია:
** გადაუდებელი დახმარების ოპერატიული და ეფექტიანი მართვის მიზნით საგანგებო სიტუაციებსა და საქართველოს კანონმდებლობით განსაზღვრულ სხვა შემთხვევებში ერთიანი სატელეფონო ნომრის − "112"-ის საშუალებით შეტყობინებების მიღება;
** უფლებამოსილ სუბიექტებთან ერთად საგანგებო სიტუაციებისა და გადაუდებელი დახმარების გაწევის აუცილებლობის სხვა შემთხვევების ოპერატიული და ეფექტიანი მართვა და ამ მიზნით აღნიშნულ სუბიექტებთან კოორდინირებული საქმიანობის უზრუნველყოფა;
** ვიდეოანალიტიკური პროგრამების გამოყენებით 24-საათიანი უწყვეტი ვიდეომეთვალყურეობის განხორციელება ქვეყნის მთელ ტერიტორიაზე დანაშაულის ჩადენის, დანაშაულის მცდელობის ფაქტისა და სამართალდარღვევის დაფიქსირებისა და შესაბამისი რეაგირების მიზნით;
** საქართველოს კანონმდებლობით გათვალისწინებულ შემთხვევაში და წესით ელექტრონული ზედამხედველობის უზრუნველყოფა;
** საქართველოს კანონმდებლობით დადგენილი წესით კერძო დაცვითი საქმიანობის ლიცენზიის გაცემა და მისი კონტროლი.
სამუშაო პირობები:
** გრაფიკი: ცვლაში მუშაობა;
** შრომის ანაზღაურება: 1122 ლარი.
ფუნქცია-მოვალეობები: საზოგადოებრივი უსაფრთხოების მართვის ცენტრი "112"-ის სხვადასხვა არხით მიღებული შეტყობინებების მიმღები ოპერატორის დახმარება ენობრივი ბარიერის დაძლევაში (სომხური ან/და აზერბაიჯანული).
საკვალიფიკაციო მოთხოვნები:
** საშუალო განათლება;
** აზერბაიჯანული ან/და სომხური ენების ცოდნა.
** კომპიუტერული პროგრამები, ოპერაციული სისტემები: Microsoft Office Word - ცოდნის დონე კარგი.
უნარები:
** დისციპლინირებულობა;
** პასუხისმგებლობის მაღალი გრძნობა;
** სწრაფი რეაგირება;
** ორგანიზებულობა;
** მოწესრიგებულობა.
შერჩევის ეტაპები:
** I ეტაპი -რეზიუმეების მიღება/ შერჩევა;
** II ეტაპი - ინდივიდუალური გასაუბრება;
** III ეტაპი - ტესტირება.
ჩვენთან დასაქმების შემთხვევაში საზოგადოებრივი უსაფრთხოების მართვის ცენტრი "112" გთავაზობთ:
** ჯანმრთელობის დაზღვევას;
** კორპორაციული ტელეფონის ნომერს.
გთხოვთ თქვენი რეზიუმე გამოგვიგზავნოთ მისამართზე - hr@112.ge.
განაცხადების მიღების ბოლო ვადა: 13/12/2024.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე