|
დასახელება:
იურისტი
|
| მომწოდებელი:
ალიანს ჯგუფი
|
|
გამოქვეყნდა: 01 ნოემბერი
/ ბოლო ვადა: 30 ნოემბერი
|
"ალიანს ჯგუფი" გახლავთ ერთ-ერთი წამყვანი სამშენებლო-დეველოპერული კომპანია, რომლის განხორციელებული და მიმდინარე პროექტები პრემიუმ კლასის, კომფორტული, კლიენტებისთვის და ქვეყნისთვის ეკონომიკურად მომგებიანი საცხოვრებელი კომპლექსებია, რომელიც აკმაყოფილებს საერთაშორისო სტანდარტებს, როგორც მშენებლობისა და გამოყენებული მასალების ხარისხით, ასევე კომპლექსებში განთავსებული მომსახურებითა და ინფრასტრუქტურით. რეგიონის დეველოპერულ ბაზარზე პირველად "ალიანს ჯგუფმა" საკუთარ პროექტებში მსოფლიოში აღიარებული სასტუმრო ბრენდები - ამერიკული "ქორთიარდ ბაი მარიოტი" (Courtyard By Marriott), ასევე ამერიკული "ვინდემ გარდენი" (Wyndham Garden), "რამადა" (Ramada) და საქართველოში რიგით მერვე "მარიოტი" (Marriott). "ალიანს ცენტროპოლისი" ალიანს ჯგუფის მეხუთე მასშტაბური პროექტია. სადაც მსოფლიო სასტუმრო ბრენდი - "ჰაიატ ცენტრიკი" შემოვიდა.
თუ გსურს შემოუერთდე "ალიანს ჯგუფის" გუნდს, გაეცანი ვაკანსიის აღწერილობას იურიდიულ დეპარტამენტში იურისტის პოზიციაზე, თბილისში.
გვსურს განახორციელო:
** კომპანიის საქმიანობის იურიდიული მხარის გამართულად, სტანდარტების და კანონმდებლობის შესაბამისად წარმართვა;
** კომპანიის ხელშეკრულებების სტანდარტული (მათ შორის ინგლისურენოვანი) ნიმუშების შემოწმება და ანალიზი, სათანადო რეკომენდაციების მომზადება;
** მნიშვნელოვანი, არასტანდარტული ან რთული შინაარსის ხელშეკრულებებისა თუ კომპანიის სახელით გასაფორმებელი სხვა დოკუმენტების (მათ შორის ინგლისურენოვანი დოკუმენტების) პროექტების შემუშავება ან არსებული პროექტების ანალიზი;
** არასტანდარტული ხელშეკრულებების (მათ შორის ინგლისურენოვანი ხელშეკრულებების) გაფორმებისას მოლაპარაკებების პროცესში მონაწილეობა;
** კომპანიის საჭიროებისათვის ბრძანებების პროექტების მომზადება, ასევე სხვა სამსახურებისათვის მათი სტანდარტული ნიმუშების მომზადება. სხვადასხვა დეპარტამენტის პრობლემურ სამართლებრივ საკითხებზე სამართლებრივი დასკვნების, რეკომენდაციების მომზადება;
** კომპეტენციასთან დაკავშირებულ საკითხებზე სასამართლოსა თუ სხვა ორგანოებსა და დაწესებულებებში არსებული პრაქტიკისა და პროცედურების შესახებ ინფორმაციის ფლობა და მუდმივი განახლება;
** მოქმედ კანონმდებლობაში და სტანდარტებში ცვლილებებისა და სიახლეების რეგულარული მონიტორინგი და მათი სამუშაო პროცესში დანერგვა;
** საქმიანობის სფეროში არსებული ინოვაციების და საუკეთესო პრაქტიკის მოძიება და დანერგვა;
** კომპანიის ხელმძღვანელობისა თუ უშუალო ხელმძღვანელის მიერ დაკისრებული სხვადასხვა მოვალეობების შესრულება.
თუ შენ ფლობ:
** უმაღლეს განათლებას სამართალმცოდნეობის მიმართულებით (მაგისტრის ან მასთან გათანაბრებული ხარისხი);
** 3-5 წლიან სამუშაო გამოცდილებას სამოქალაქო სამართლის მიმართულებით
** საქმის წარმოების გამოცდილებას ადმინისტრაციულ ორგანოებში
** რუსულ და ინგლისურ ენებს სრულყოფილად (წერილობითი/ზეპირი).
ჩვენ გთავაზობთ:
** მზარდ ანაზღაურებას, ურთიერთშეთანხმებით
დამატებითი სარგებელი:
** სადღესასწაულო პრემია
** ჯანმრთელობის დაზღვევა.
კანდიდატები, რომლებიც აკმაყოფილებენ მოთხოვნებს გაივლიან შერჩევის შემდეგ ეტაპებს:
** აპლიკაციების მიღება/გადარჩევა;
** გასაუბრება.
გთხოვთ, ზემოაღნიშნული ინფორმაცია გამოგზავნოთ 2024 წლის 30 ნოემბრის ჩათვლით შემდეგ ელექტრონულ მისამართზე l.gochashvili@alliancegroup.ge და სათაურის ველში მიუთითეთ შემდეგი: "იურისტი". ბოდიშს მოგიხდით არასრულყოფილი უკუკავშირისთვის, ვინაიდან დაკავშირება მოხდება მხოლოდ იმ კანდიდატებთან, რომლებიც აკმაყოფილებენ ვაკანსიისთვის განკუთვნილ მოთხოვნებს.
გისურვებთ წარმატებას!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე