|
დასახელება:
პროექტების მენეჯერი
|
| მომწოდებელი:
ნიკორა ტრეიდი
|
|
გამოქვეყნდა: 28 ოქტომბერი
/ ბოლო ვადა: 28 ნოემბერი
|
სს "ნიკორა ტრეიდი" უმსხვილესი და სწრაფად მზარდი კომპანიაა, რომელიც რითეილ სექტორში 2000 წელს ერთი საფირმო ფილიალით გამოჩნდა და დღეს ორი წამყვანი ბრენდის - "ნიკორასა" და "ლიბრეს" 600-მდე სავაჭრო ფილიალს მართავს.
"ნიკორა ტრეიდი" ეს გუნდია, რომელიც ქმნის წარმატების 24 წლიან ისტორიას. ჩვენ დღეს 8500-ზე მეტნი ვართ და ერთად ვქმნით კომპანიის ხვალინდელ დღეს.
თუ გაქვს სურვილი, გახდე პროფესიონალი გუნდის წევრი, გამოწვევები აქციო შენი განვითარების შესაძლებლობად და ჩვენთან ერთად შექმნა შენი წარმატების ისტორია, მაშინ დროა შემოგვიერთდე.
სს "ნიკორა ტრეიდი" აცხადებს ვაკანსიას პროექტების მენეჯერის პოზიციაზე, ბიზნეს პროცესების მართვისა და ანალიტიკის დეპარტამენტში.
ფუნქცია-მოვალეობები:
** კომპანიის მასშტაბით, სტრატეგიული პროექტების გამოვლენა, პროექტში ჩართული მხარეების იდენტიფიცირება, ბიუჯეტის და დროის ოპტიმიზაცია და პროექტის ციკლის მართვა/ მონიტორინგი, რისკების იდენტიფიცირება;
** პროექტების აღრიცხვა და ანგარიშგება დაინტერესებულ პირ (ებ)თან
** კროს-ფუნქციური პროექტების გამოვლენა და თანხვედრაში მოყვანა;
** პროექტ (ებ)ის სასიცოცხლო ციკლის მართვა;
** პროექტ (ებ)ის ფარგლებში საჭირო შეხვედრების ორგანიზება და მოდერაცია;
** დასრულებული პროექტების ანალიზი;
** პროექტების მართვის პროცესის ოპტიმიზაცია და რეკომენდაციების შემუშავება.
საკვალიფიკაციო მოთხოვნები:
** უმაღლესი განათლება;
** აუცილებელია, მინ. 3 წლიანი სამუშაო გამოცდილება მსგავს პოზიციაზე;
** სასურველია პროექტების მართვის ინსტრუმენტების ცოდნა;
** აუცილებელია MS Office-ის პროგრამების ცოდნა;
** სასურველია ინგლისური ენის ცოდნა.
პიროვნული თვისებები და უნარები:
** პროექტის მართვისა და ორგანიზების უნარი;
** პასუხისმგებლობის მაღალი გრძნობა;
** გუნდური მუშაობის უნარი;
** დროის ეფექტური მართვის უნარი.
გაცნობებთ, რომ თქვენ მიერ მოწოდებული ინფორმაცია, რომელიც შეიცავს პერსონალურ მონაცემებს, დამუშავდება სს "ნიკორა ტრეიდისა" ს/კ 206255808 და უფლებამოსილი პირის - შპს "თი.დი.ჯი კონსალტინგის" ს/კ 405123049 (რეგისტრირებული მისამართი: თბილისი, მთაწმინდის რაიონი, ქუჩიშვილის ქ., N 18, სართული 1, საოფისე ფართი N2) მიერ "პერსონალურ მონაცემთა დაცვის შესახებ" საქართველოს კანონის შესაბამისად დასაქმების მსურველი პირის/კანდიდატის არსებულ და/ან სამომავლო ვაკანსიის მოთხოვნებთან შესაბამისობის დადგენისა და დასაქმებისათვის საჭირო პროცედურების წარმართვის მიზნით. შესაბამისად, მოთხოვნილი ინფორმაციის მიუწოდებლობის შემთხვევაში, მოკლებული ვართ შესაძლებლობას განვიხილოთ თქვენი კანდიდატურა. მონაცემები ინახება არაუმეტეს 3 (სამი) წლის ვადით.
ამასთანავე, გაცნობებთ, რომ "პერსონალურ მონაცემთა დაცვის შესახებ" საქართველოს კანონის თანახმად, უფლება გაქვთ ნებისმიერ დროს მიიღოთ ინფორმაცია თქვენს შესახებ დამუშავებულ მონაცემთა თაობაზე, მოითხოვოთ მათი გასწორება, განახლება, დამატება, დაბლოკვა, წაშლა და განადგურება, წერილობით შემდეგ ელ. ფოსტაზე info@nikoratrade.ge შეტყობინების გაგზავნის გზით ან/და ფოსტის მეშვეობით სს "ნიკორა ტრეიდის" ს/კ 206255808 იურიდიულ მისამართზე: ქ. თბილისი ალ. მრევლიშვილის ქ. №2.
დაინტერესების შემთხვევაში, გთხოვთ, გამოაგზავნოთ თქვენი რეზიუმე შემდეგ ელექტრონულ ფოსტაზე - jobs@nikoratrade.ge და სათაურის ველში (subject) მიუთითოთ ვაკანსიის დასახელება "პროექტების მენეჯერი ბიზნეს პროცესების მართვისა და ანალიტიკის დეპარტამენტში".
გისურვებთ წარმატებას!
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია