|
დასახელება:
მარკეტინგის სპეციალისტი
|
| მომწოდებელი:
ვიანი
|
|
გამოქვეყნდა: 14 მაისი
/ ბოლო ვადა: 31 მაისი
|
სს "ვიანი"- ივანე ბოკერიას სახელობის საუნივერსიტეტო ჰოსპიტალი აცხადებს მარკეტინგის სპეციალისტის ვაკანსიას თბილისში.
სამუშაოს ადგილმდებარეობა: თბილისი, ქინძმარაულის I შესახვევი (ივანე ბოკერიას სახელობის საუნივერსიტეტო ჰოსპიტალი).
სამუშაო გრაფიკი: 8-საათიანი სამუშაო დღე, ორშაბათიდან პარასკევის ჩათვლით.
ძირითადი მოვალეობები:
** მარკეტინგული პროექტების განხორციელება ჰოსპიტალში და აქტივობების ინიცირება;
** ჰოსპიტლის წლიური მარკეტინგული სტრატეგიის შემუშავება;
** ჰოსპიტალში არსებული საინტერესო და ინოვაციური შემთხვევების შესახებ ინფორმაციის მოძიება და მარკეტინგის დეპარტამენტისთვის გაზიარება;
** ჰოსპიტლის ჭრილში მარკეტინგული კამპანიების განხორციელების მონიტორინგი და შედეგების ანალიზი;
** ჰოსპიტლისთვის დაგეგმილი კამპანიის ფარგლებში ციფრული მედია აქტივობების განხორციელება;
** სარეკლამო მასალების დამზადება;
** პროექტის შესახებ ინფორმაციის მასშტაბური გავრცელება და მედიასთან ურთიერთობა;
** ჩატარებული მარკეტინგული აქტივობების ეფექტიანობის კვლევა.
საკვალიფიკაციო მოთხოვნები:
** უმაღლესი განათლება მარკეტინგის მიმართულებით ;
** აუცილებელია მსგავს პოზიციაზე მუშაობის ერთ წლიანი გამოცდილება;
** საოფისე პროგრამების კარგად ცოდნა;
** ლიტერატურული ქართულით წერა, გამართული ქართულით მეტყველება;
** ინგლისური ენის ცოდნა.
პიროვნული კომპეტენციები/უნარები:
** პასუხისმგებლობის გრძნობა;
** კომუნიკაბელურობა;
** პრეზენტაციის წარდგენისა და მოლაპარაკების უნარი;
** კრეატიულობა;
** ორგანიზებულობა და დისციპლინირებულობა;
** დეტალებზე ორიენტირებულობა.
განაცხადის მიღების ბოლო ვადაა: 31 მაისი, 2024.
დაინტერესებულ კანდიდატებს გთხოვთ, გამოაგზავნოთ თქვენი CV (რეზიუმე) შემდეგ ელ. ფოსტაზე: Jobs_tbh@vian.health გთხოვთ, სათაურის ველში აუცილებლად მიუთითოთ ვაკანსიის სახელწოდება - "მარკეტინგის სპეციალისტი".
სს "ვიანი" - ივანე ბოკერიას სახელობის საუნივერსიტეტო ჰოსპიტალი მადლობას გიხდით ვაკანტური თანამდებობით დაინტერესებისათვის და გისურვებთ წარმატებებს.
მოთხოვნილი დოკუმენტის/ინფორმაციის გადმომგზავნით დასაქმების მსურველი (შემდგომში აგრეთვე "კანდიდადტი") ადასტურებს, რომ მის მიერ მიწოდებული ინფორმაცია (პირადი მონაცემები, მოწოდებულ დოკუმენტებში მოცემული სხვა მონაცემები, რეზიუმე, დიპლომ (ებ)ი, სერტიფიკატ (ებ)ი და სხვა ნებისმიერი მოწოდებული დოკუმენტაცია), არის უტყუარი და აცხადებს თანხმობას, რომ დამატებით წარადგენს უტყუარ ინფორმაციას, რაც საჭირო იქნება წინასახელშეკრულებო ურთიერთობის პერიოდში.
ამასთან კანდიდატი იღებს ვალდებულებას, რომ დამსაქმებელს მიაწვდის სრულ ინფორმაციას იმ გარემოებათა შესახებ, რომლებმაც შეიძლება ხელი შეუშალოს სამუშაოს შესრულებაში ან/და საფრთხე შეუქმნას დამსაქმებლის ან მესამე პირის ინტერესებს. აღნიშნული ვალდებულების დარღვევის შემთხვევაში შესაძლოა, შესაბამისი კანდიდატურა მოიხსნას შესარჩევი კონკურსიდან ხოლო თანამშრომლობის შემთხვევაში, მიიღოს წერილობითი გაფრთხილება, ან შეწყდეს შრომითი კონტრაქტი.
დამსაქმებელი, კანდიდატის წინამდებარე თანხმობის საფუძველზე აცხადებს, რომ დაამუშავებს წინასახელშეკრულებო პერიოდში კანდიდატისგან მოპოვებულ ინფორმაციას სს ვიანის (ს/კ 402295716) ან მის ქსელში შემავალ სამედიცინო დაწესებულებაში (ყოველგვარი ეჭვის გამოსარიცხად ქსელში შემავალ სამედიცინო დაწესებულებაში იგულისხმება: სს ვიანის შვილობილი და/ან მასთან დაკავშირებული ნებისმიერი პროფილის კომპანიას და/ან მისი პირდაპირი ან ირიბი მართვის ქვეშ მყოფი კომპანია (შემდგომში - დამსაქმებელი).
დამსაქმებელი იღებს ვალდებულებას წინასახელშეკრულებო პერიოდში კანდიდატისგან მოპოვებული ინფორმაცია დაამუშაოს იმ მოცულობით და ფარგლებში, რომელიც საჭიროა კანდიდატის დასაქმების მიზნის მისაღწევად. მოპოვებული ინფორმაცია დამსაქმებელთან ინახება არაუმეტეს 3 (სამი) წლის ვადით, ხოლო ნებისმიერი სადავო საკითხის შემთხვევაში, რომელსაც შეიძლება შემხებლობა ჰქონდეს კანდიდატთან ან მოპოვებულ ინფორმაციასთან, შესაბამისი დავის დასრულებამდე. ამასთან, სადავო გარემოებების არსებობისას, დამსაქმებელი უფლებამოსილია, მოპოვებული ინფორმაცია გადასცეს შესაბამის კომპეტენტურ ორგანოებს. ასევე, კანდიდატის მიერ გამოგზავნილი მონაცემები შესაძლოა, არ იქნას განხილული მოცემულ ვაკანსიაზე და დარეზერვებული იქნას სხვა რელევანტური ვაკანსიისათვის.
დამსაქმებელი ასევე იღებს ვალდებულებას, რომ წინასახელშეკრულებო პერიოდში კანდიდატს გააცნოს სრული ინფორმაცია შესასრულებელი სამუშაოს, შრომითი ხელშეკრულების ფორმის (წერილობითი, ზეპირი), ვადის, შრომის პირობებისა და დასაქმებულის უფლებრივი მდგომარეობის შესახებ.
პერსონალურ მონაცემთა დაცვის მაღალი სტანდარტის დანერგვისა და მათ დამუშავებასთან დაკავშირებული ნებისმიერი საკითხისა თუ წამოჭრილი პრობლემის მაქსიმალურად ეფექტურად მართვის/გადაჭრის მიზნით, წინამდებარე თანხმობის გამცემი პირი უფლებამოსილია, კონსულტაციისთვის, ნებისმიერ დროს მიმართოს დამსაქმებლის პერსონალურ მონაცემთა დაცვის ოფიცერს და არსებული საჭიროებიდან გამომდინარე, მაქსიმალურად მოკლე ვადაში მიიღოს კვალიფიციური და ოპერატიული მომსახურება.
|
|
|
|
ყველა ვაკანსია
ამ ორგანიზაციის ყველა განცხადება
ამოსაბეჭდი ვერსია
გადაიტანე Facebook-ზე