IFRS for SMEs - ტრენინგი მე-3 კატეგორიის საწარმოებისთვის
 
ყველა ვაკანსია ამ ორგანიზაციის ყველა განცხადება ამოსაბეჭდი ვერსია
დასახელება: IFRS for SMEs - ტრენინგი მე-3 კატეგორიის საწარმოებისთვის
მომწოდებელი: EBRD
გამოქვეყნდა: 14 აგვისტო / ბოლო ვადა: 03 სექტემბერი
თანდართული ფაილი: 231072_ebrd_train_3rdcat_kt_3462335.zip
ევროპის რეკონსტრუქციისა და განვითარების ბანკი, მცირე ბიზნესის დაფინანსების და განვითარების ჯგუფი
ფინანსური ანგარიშგების საერთაშორისო სტანდარტი მცირე და საშუალო ზომის საწარმოებისთვის (IFRS for SMEs)
ტრენინგი მე-3 კატეგორიის საწარმოებისთვის


9-23 სექტემბერი, 2019 წ.
ქ. ქუთაისი

ახალი კანონის თანახმად, 2017 წლის დასაწყისიდან თითქმის ყველა ქართული კომპანია, როგორც მცირე და საშუალო, ისე დიდი ზომის, ფინანსურ ანგარიშგებას გაასაჯაროებს. ფინანსური ანგარიშგების საერთაშორისო სტანდარტებზე (ფასს) გადასვლა უკვე აქტიურად დაწყებულია და ყველა მონაწილე მხარე ცდილობს საკუთარი წვლილის შეტანას ამ მნიშვნელოვან და საინტერესო პროცესში.

ევროპის რეკონსტრუქციისა და განვითარების ბანკი, როგორც ერთ-ერთი ლიდერი საერთაშორისო ფინანსური ინსტიტუტი, სრულად იზიარებს და მხარს უჭერს ამ ცვლილებას, რომელიც მნიშვნელოვან როლს შეასრულებს ქართული კომპანიების ზოგადი გამჭვირვალეობისა და ფინანსური მართვის გაუმჯობესებაში. იმ ქვეყნებზე დაკვირვებამ, რომლებიც უკვე იყენებენ ფასს-ს, გვაჩვენა, რომ აღნიშნული სტანდარტები:

** უზრუნველყოფს კომპანიაში გამჭვირვალე, შესადარის, თანმიმდევრულ და ეფექტურ პროცესებს
** წარმოადგენს ფინანსური პროცესების სტანდარტიზაციის ერთ-ერთ საუკეთესო გზას
** წარმოადგენს უცხოური კაპიტალისა და ინვესტიციების მოზიდვის საშუალებას
** არის რელევანტური და შესადარისი სხვა ადგილობრივ და საერთაშორისო კომპანიებთან
** ავითარებს ფინანსური მიმართულებით მომუშავე თანამშრომლებს, ზრდის პროფესიონალიზმისა და კომპეტენციის დონეს.

მე-3 კატეგორიის კომპანიებს, ფინანსური ანგარიშგების საერთაშორისო სტანდარტის მიხედვით მომზადებული ანგარიშგების წარდგენა ევალება 2019 წლის 1 ოქტომბრამდე.

ამ საკანონმდებლო მოთხოვნის შესასრულებლად, შეიქმნა ინტენსიური სასწავლო კურსი, რომელიც მსმენელს დაეხმარება:

** დეტალურად გაიცნოს მსს ფასს (IFRS for SME) სტანდარტი და ისწავლოს აღნიშნულ სტანდარტთან მუშაობა
** დეტალურად გაიაროს სტანდარტის ყველა მნიშვნელოვანი მოთხოვნა და შეძლოს ამ მოთხოვნების პრაქტიკაში გამოყენება
** ტექნიკურად მოამზადოს ფინანსური ანგარიშგების სააღრიცხვო პოლიტიკა და ახსნა-განმარტებებითი შენიშვნები
** დეტალურად გაიაროს ბრუნვითი უწყისის საფუძველზე მსს ფასს-ის შესაბამის ფინანსური ანგარიშგების მომზადებისთვის საჭირო ყველა ნაბიჯი.

ინტენსიური სასწავლო კურსის ხანგრძლივობა არის 36 საათი, რომელიც გადანაწილებულია 6 დღეზე და შედგება ორი 3 დღიანი მოდულისგან. ტრენინგი ჩატარდება პროფესიული სწავლების და ტრენინგების ცენტრში (მისამართი: ქ. ქუთაისი, ნიკეას ქუჩა 11ა).

ტრენინგის განრიგი:

** პირველი მოდული: 9-11 სექტემბერი, 2019 წ. 10:00-დან 18:00 სთ-მდე
** მეორე მოდული: 21-23 სექტემბერი, 2019 წ. 10:00-დან 18:00 სთ-მდე

ტრენინგს გაუძღვება ქალბატონი ეკატერინე პაპიაშვილი, რომელსაც დიდი პრაქტიკული და თეორიული გამოცდილება აქვს ფინანსური ანგარიშგების საკითხებში. ტრენინგი ჩატარდება ქართულად და მასში მონაწილეობა უფასოა. კურსი ინტერაქტიულია და შეიცავს პრაქტიკულ სავარჯიშოებს და მაგალითებს, რათა სრულყოფილად გაგაცნოთ IFRS for SME სტანდარტის პრაქტიკული გამოყენება. კურსის მიმდინარეობისას განსაზღვრულია 2 ყავის შესვენება და 1 მსუბუქი სადილი.

ტრენინგში მონაწილეობის მისაღებად, გთხოვთ, შეავსოთ ელექტრონული განაცხადის ფორმა შემდეგ ბმულზე 2019 წლის 3 სექტემბრამდე.

ტრენინგი განკუთვნილია მე-3 და მე-2 კატეგორიის კომპანიების ბუღალტრების, ფინანსური მენეჯერებისა და/ან იმ საბუღალტრო-ფინანსური საკონსულტაციო კომპანიების წარმომადგენლებისთვის, ვინც ბუღალტრულ მომსახურებას უწევს მე-2 და მე-3 კატეგორიის კომპანიებს. ჯგუფი დაკომპლექტდება შევსებული განაცხადების რიგითობის მიხედვით.

დამატებითი ინფორმაციისთვის მოგვმართეთ ელექტრონულ ფოსტაზე: knowhowgeorgia@ebrd.com ან დარეკეთ ნომერზე +995 32 2447432.

იცნობდეთ თქვენს ტრენერს:

ეკატერინე პაპიაშვილს - აქვს მრავალწლიანი სამუშაო გამოცდილება ბუღალტერიასა და ფინანსებში. ეკატერინეს დამთავრებული აქვს თბილისი თავისუფალი უნივერსიტეტი და ფლობს მანჩესტერის უნივერსიტეტის მაგისტრის ხარისხს საოპერაციო კვლევების და რისკების ანალიზის განხრით. მისი ბიზნეს გამოცდილება მოიცავს საბანკო, აუდიტორულ და საკონსულტაციო სფეროებს. იგი გახლავთ შავი ზღვის საერთაშორისო უნივერსიტეტის მოწვეული ლექტორი.
 
ყველა ვაკანსია ამ ორგანიზაციის ყველა განცხადება ამოსაბეჭდი ვერსია
გადაიტანე Facebook-ზე